تازا ترين
  • *حيدرآباد: سلاوٽ پاڙي ۾ 11 هزار ڪي وي واري تار ڪري پئي، رهواسي خوف ۾ مبتلا*
  • *سکر ۾ پرسرار نموني گم ٿي ويل 2 ٻارڙا جنسار عرف جنار ۽ عدنان عرف دعنان هٿ، هڪ شڪي گرفتار*
  • *جيڪب آباد: مغوي زال ۽ نياڻي کي بازياب ڪرائڻ بدران پوليس اهلڪار طعنا ڏيندا آهن: جيڪب آباد ۾ پيرسن پوليس اهلڪار جو احتجاج * جيڪب آباد: حاجي سليم منهنجي زال ۽ ڌيءُ کي اغوا ڪيو آهي، پوليس بازياب نه ٿي ڪرائي: اڪرم لاشاري * جيڪب آباد: اغوا ڪيس ۾ هڪ جوابدار قالو کي گرفتار ڪيو ويو آهي، ٻين کي به جلد گرفتار ڪيو ويندو: پوليس *
  • *گهوٽڪي ميونسپل آفيس جو رڪارڊ چوري ڪرڻ وارو ڪيس: ضمانت رد ٿيڻ بعد ميونسپل ڪميٽي جو چيئرمين ۽ اڪائونٽنٽ کسڪي ويا * گهوٽڪي: ميونسپل آفيس جو رڪارڊ چوري ٿيڻ جو الزام آهي، اينٽي ڪرپشن عدالت سان رابطو ڪيو: عدالت * گهوٽڪي: سيد اصغر علي شاهه ۽ محبوب ڪولاچي تي ميونسپل آفيس جو سمورو رڪارڊ چوري ڪرڻ جو الزام آهي *
  • *ميرپور ساڪرو/ڌاٻيجي: نجي ڪمپني جي مبينا زيادتين خلاف ۽ مطالبن جي مڃتا لاءِ پورهيتن، مهاڻن ۽ ٻين جو ڪوسٽل هاءِ وي تي ڌرڻو * ميرپور ساڪرو/ڌاٻيجي: مقامي مهاڻن کي چيڪنگ بعد ڇڏيو ويندو آهي، جنهن لاءِ سندن قيمتي وقت ضايع ٿئي ٿئي: مظاهرين * ميرپور ساڪرو/ڌاٻيجي: سڪيورٽي گارڊز جا جائز مسئلا حل ڪري ڪمپني ۾ مقامي ماڻهن کي ڀرتي ڪيو وڃي: مطالبو *
  • *جيڪب آباد:”بنگلي آڏو ڪار ڇو بيهاري اٿئي“ جيڪب آباد ۾ پ پ سان واڳيل ضلعي ڪائونسل جي ميمبر جو هندو نوجوان نڪيش ڪمار تي تشدد، رتورت * جيڪب آباد: سردار زاده قادر خان کوسي تشدد ڪيو ۽ سندس محافظ ڪار جي شيشا ٽوڙيا: متاثر شخص نڪيش ڪمار * جيڪب آباد: واقعي جو ڪيس ٻن مک جوابدارن ۽ 8 اڻسڃاتل ماڻهن خلاف داخل، گرفتاري عمل ۾ نه آئي *
  • ڀلي سڀئي ڪرپٽ ليڊرز گڏجي وڃن،چورن کي نه ڇڏيندس ، 4سال سڪون سان گذارڻ لاءِمشرف جيان اين آر او نه ڏيندس:وزيراعظم جي اپوزيشن تي تنقيد*بلاول لبرلي ڪرپٽ آهي، سندس نظرئي سان آئينسٽائين جو روح تڙپيو هوندو،نواز شريف لاءِ گارنٽي گهري ته شهباز شريف ڊراما شروع ڪيا *اسلام آباد۾فضل الرحمان جي سرڪس مان ڪمزوردل واراوزيرگهٻرائجي ويا،مون سمجهايو ته ڪجهه نه ٿيندو:موٽروي جي افتتاحي تقريب کي خطاب *
  • فنڪاره ثمينه سنڌو جي قاتل کي 2 ڀيرا عمر قيد جي سزا*دهشتگردي ٽوڙ عدالت 2018ع ۾ شادي تقريب دوران قتل ٿيل فنڪاره جي ڪيس جو فيصلو ٻڌائي ڇڏيو*
  • پاڪستان شاهين ون ميزائل جو ڪامياب تجربو ڪري ورتو*شاهين ون ميزائل 650 ڪلوميٽرز تائين هٿيار کڻي وڃڻ جي صلاحيت رکي ٿو: ڊي جي آءِ ايس پي آر*
  • جسقم چيئرمين سوڌواڍائي هزارڪارڪنن خلاف بغاوت جوڪيس*پيغامِ سنڌ مارچ ڪندڙن خلاف ڪيس داخل ڪيو ويو،دهشتگردي لاءِڀڙڪائڻ۽رياستي ادارن خلاف نعريبازي جاالزام *
  • پنهنجا کيسا ڀرڻ لاءِ مل کي تباهه ڪيو ويو: سُپريم ڪورٽ اسٽيل ملز جي زمين وڪرو ڪرڻ کان روڪي ڇڏيو: وفاقي سرڪار جو موقف رد*اسٽيل ملز جي ملازمن کي پرويڊنٽ فنڊز ڏيڻ لاءِ پئسا ناهن، پگهارون ڏيڻ لاءِ ملز جي زمين وڪرو ڪري رهيا آهيون: وفاقي سرڪار جو وڪيل*ملز جي زمين عوامي ملڪيت آهي، وڪرو نٿي ڪري سگهجي، اڳي گاڏيون، ٽرڪ ۽ راڪيٽ ٺهندا هئا، هاڻي ملز ۾ پيداوار ٻُڙي آهي: عدالت*
  • اوڪاڙه ڀرسان درياهه ۾ ٻيڙي اونڌي، 8 لاش ڪڍيا ويا*ملڪو شيخو ويجهو واقعو پيش آيو، ٻيڙي ۾ 25 کان مٿي ماڻهو سوار هئا، وزيراعليٰ پنجاب طرفان رپورٽ طلب*
  • پي آءِ اي جا ٽشو پيپرز حجام جي دڪانن تي استعمال ٿيڻ لڳا*

شھيد شاهه عنايت جو انقلابي پيغام…….سڪندر ھاڙھو

سنڌ ڌرتي تي رب پاڪ جا اڻ ڳڻيا احسان آهن، جنهن اسان کي صوفين، دويشن، روحاني رھبرن ۽ عظيم بزرگن جهڙيون هستيون پيدا ڪري ڏنيون، جن پنهنجي پنهنجي دور ۾ تصوف جي فلسفي کي روشناس ڪرايو، نظريه موجب حق ۽ انصاف لاءِ آواز اٿاريو، انساني برابري جو درس ڏيندي، امن، ڀائيچاري ۽ آجپي لاءِ جھدوجھد ڪئي. اهڙن نيڪ انسانن ۾ سنڌ جوصوفي شاهه عنايت شهيد به ھڪ آهي.
صوفي شاهه عنايت جو جنم سن 1065ھه بمطابق 1665ع ملتان مخدوم فضل الله جي گھر ۾ ٿيو. ان وقت ملتان سنڌ جو حصو ھو، ابتدائي تعليم پنهنجي والد کان ئي حاصل ڪيائين ۽ وڌيڪ تعليم پرائڻ لاءِ ھند جي شھر حيدرآباد دکن ويو. جتي صوفي شاهه عنايت کي تعليم سان گڏو گڏ روحاني فيض حاصل ٿيو، جيڪو صوفي بزرگ شاهه عبدالماڪ جي نگراني ۾ مليو، پر ڪن جو چوڻ آهي ته شاهه عبدالمالڪ جو سنڌ ۾ اچڻ ٿيو هو، ان دوران صوفي شاهه عنايت جي هن صوفي بزرگ سان ملاقات ٿي. پهرين ملاقات جي اثر ۾ صوفي شاهه عنايت کي شاهه عبدالمالڪ کان فيض حاصل ڪرڻ لاءِ حيدر آباد دکن پهچايو ويو. صوفي شاهه عنايت تصوف جو فيض حاصل ڪرڻ بعد جڏهن پنهنجي استاد کان وطن واپس ورڻ جي اجازت ورتائين ته شاهه عبدالمالڪ اجازت ڏيندي ترار بطور نشاني صوفي شاهه عنايت جي آڏو رکيائين، جڏھن صوفي شاهه عنايت ترار کنئي ۽ مرشد چيس هن جو ته اجورو وڏو آهي. صوفي شاهه عنايت استاد جو احترام ڪندي سوال جو جواب ڏيندي چيو ته منھنجي جان حاضر آهي! پوءِ مرشد کيس ترار ڏيندي چيو ته هتان منهن ڪڍي وڃ. مرشد جي چوڻ موجب منهن تي نقاب چاڙهڻ باوجود به ھند کان رستي ۾ ئي جھوڪ پهچڻ تائين 500 سئو بزرگ ساڻ آيا ھئا، جيڪي ڪڏهن به ٻيھر هند موٽي ويا ھئا. ايئن ھند ۽سند مان صوفي شاهه عنايت مريد گڏ ڪري فرمايائين “مان جڏهن به عبادت ڪريان ٿو ته مظلوم ماڻهن جون دانھون ۽ ڪوڪون منهنجي ڪنن تائين پھچن ٿيون، جيڪي منهنجي عبادت ۾ رخني جو سبب بڻجن ٿيون. ان ڪري مان چاھيان ٿو ته پھرين اھي دانھون ورنايان ته جيئن منهنجي عبادت ۾ رخنو نه پوي”.
صوفي بزرگ شاهه عنايت شھيد انھن ماڻهن جي دانھن ۽ ڪوڪن کي ورنائيندي جو کيڙي سو کائي جو نعرو هنيو، جنهن کانپوءِ ان نعري انقلاب جي صورت اختيار ڪئي. تنهن وقت صوفي شاهه عنايت، تصوف جي علم کي سنڌ سميت پوري دنيا تائين امن، پيار، محبت ۽ عملي جدوجهد کي جاري رکندي ماڻهن جي اندر مان نفرت، ساڙ، ڪينو، لالچ ۽ لوڀ کان پري رھڻ جو چيو، ته ٻه طرف ان وقت جي تعصب پرستي جي جلادن صوفي شاهه عنايت جي فلسفي تي وڏيون ڪوڙيون فتوائون مڙهيندي 18 ذوالقعد 1129 هه،13 آڪٽوبر 1717ع تي صوفي شاهه عنايت کي شھيد ڪرائي ڇڏيو.
ان کان اڳ شهيد شاهه عنايت ۽ ساٿين کي اذيتون ڏيڻ شروع ڪيون ويون، اها جنگ 4 مهينن تائين جاري رهي ۽ ان جو انت شهادت جي جام نو ش ڪرڻ تي ٿيو. دنيا جو ٻيو وڏو سانحو ھو، جنهن ۾ شاهه عنايت سان گڏ هن جا 24 هزار ۽ صوفين مان 2 هزار 4 سئو صوفين، جيڪي تصوف جا طالب علم پڻ هئا، انهن پنهنجي مرشد شهيد شاهه عنايت سان گڏجي ظالم جي خلاف بغاوت ڪندي شهادت جو جام نوش ڪيو.
اهڙي هانءُ ڏاريندڙ واقعي کي اڍائي سئو سال گذرڻ باوجود شهيد شاهه عنايت جو پيغام عالمي موضوع بڻجي ويو آهي. “جو کيڙي سو کائي” جو نعرو هر وقت جي حڪمرانن کي پريشان ڪيو آهي، اهو نعرو ان وقت جي اقتدار کي ساڙي رک ڪرڻ ڏانهن وڌڻ لڳو هو، ان ڪري ئي انهن سوچيو ته شاهه عنايت ۽ سندس ساٿين کي قتل ڪرڻ سان انهي نعري جي پچار ختم ڪئي وڃي، پر انهن جو خيال غلط ثابت ٿيو، ھزارين وس هلائڻ باوجود به اهي صوفي شاهه عنايت جي فڪر کي خاموش نه ڪري سگهيا. شهيد شاهه عنايت جو پيغام صديون گذرڻ باوجود اڄ به زندهه آهي ۽ صدين تائين زندهه رهندو.

This entry was posted in Rachna. Bookmark the permalink.

Leave a Reply

Your email address will not be published. Required fields are marked *