تازا ترين
  • *ٿر ۾ خوراڪ جي کوٽ ۽ بيمارين وگهي معصوم ٻارڙن جي مرڻ وارو سلسلو بند نه ٿي سگهيو *سول اسپتال مٺي ۾ اڄ وڌيڪ هڪ ٻارڙو فوت *ٿر ۾ هلندڙ مهيني دوران فوتي ٻارڙن جو انگ 26 ۽ هلندڙ سال505 ٿي ويو*
  • *هالا جي بس اسٽاپ جي علائقي واسين جو حيسڪو زيادتين خلاف احتجاج *هالا: اٺن ڏينهن کان علائقي ۾ بجلي جي نه هجڻ تي علائقي واسي ۽ دڪاندار روڊن تي نڪري آيا *حيسڪو خلاف احتجاج ڪندڙن پاران مين روڊ تي ٽائرن کي باهيون ڏيندي روڊ بلاڪ*
  • *ڄامشورو: شورا ڳوٺ ۾ سنڌ يونيورسٽي جي زمين تي مبينا قبضي جي ڪوشش *سنڌ يونيورسٽي جو عملو ڪم بند ڪرائڻ لاءِ پهتو ته بااثرن حملو ڪيو: مئنيجر اسٽيٽ رفيق بروهي *بااثرن جي حملي ۾ يونيورسٽي جا2 ملازم پيارو ڏاهاڻي ۽ گل محمد ڏاهاڻي تي زخمي ٿي پيا: مئنيجر اسٽيٽ *منهنجو ننڍڙو پٽ گهر ٻاهران بيٺو هو ته رفيق بروهي ۽ سندس گارڊ تشدد ڪيو: رستم جوڻيجو *يونيورسٽي جي زمين تي قبضي خلاف سوٽا ۽ سيوا تنظيمن طرفان احتجاج *
  • *سڪرنڊ: مختلف شاخن ۾ پاڻي جي کوٽ، آبادگارن جو ايريگيشن آفيس اڳيان احتجاج *احتجاج دوران گرمي سبب هڪ آبادگار بيهوش ٿي ويو، اسپتال منتقل *آبادگارن ايريگيشن آفيسر جي ڪرسي تي پوتي ۽ ٽيبل تي چوڙيون رکي نعريبازي ڪئي *شهباز شاخ، راهب شاهه شاخ ۽ سڪرنڊ شاخ ۾ پاڻي کوٽ ختم ڪئي وڃي: آبادگار *
  • *شاھپورچاڪر: رورل هيلٿ سينٽر ۾ جو هڪ ٻيو ملازم ڪورونا جو شڪار *رورل هيلٿ سينٽر جي ليب اسسٽنٽ جي ڪورونا ٽيسٽ رپورٽ پازيٽو اچي وئي، گهر ۾ آئيسوليٽ *شاهپورچاڪر ۾ ڪرونا متاثرن جو انگ وڌي 11 ٿي ويو *
  • *دولتپور صفن ۾ رولو ڪتن جو آزار، 8 ڄڻن کي ڏاڙهي زخمي ڪري ڇڏيو *ڳوٺ مٺا خان جوکيو ۾ ھڪ ئي 8 ڄڻن کي ڪتي ڏاڙھي زخمي ڪيو، اسپتال منتقل*
  • *ملير: قائد آباد پل تي ڪوچ ۽ موٽر سائيڪل وچ ۾ ٽڪر، هڪ ڄڻو فوت، هڪ زخمي *فوتي جي سڃاڻپ 28 ورهين جي وسيم پٽ ناصر طور ٿي *
  • *جھول ۾ بدامني خلاف ٿاڻي آڏو سول سوسائٽي جو احتجاج *چوريون ۽ ڦرون روز جو معمول بڻيل آهن: احتجاج ڪندڙ *
  • *دوڙ تعلقي ۾ ڪورونا وائرس جا وڌيڪ 9 ڪيس ظاهر، متاثرن جو انگ 150 ٿي ويو: فوڪل پرسن *متاثرن کي پنهنجي گهرن ۾ آئيسوليٽ ڪيو پيو وڃي: فوڪل پرسن *
  • *نصيرآباد: ڪورونا جا ڪيس ظاهر ٿيڻ بعد صحت کاتي پاران ماڻهن جا سيمپلز وٺڻ وارو عمل جاري *شهر ۽ ڀرپاسي جي ڳوٺن ۾ صحت کاتي جي ٽيم 200کان وڌيڪ ماڻهن جا سيمپلز ورتا *رپورٽس ڪجهه ڏينهن اندر اينديون: صحت کاتو *
  • *سانگهڙ: اينٽي ڪرپشن ٽيم جو يونين ڪائونسل هٿونگو جي آفيس تي ڇاپو *اينٽي ڪرپشن ٽيم يوسي هٿونگو جي چيئرمين ۽ سيڪريٽري جي گرفتاري لاءِ ڇاپو هنيو *
  • *ڄام صاحب: ڪورونا جا 4ڪيس ظاهر، متاثر گهرن ۾ آئيسوليٽ *متاثرن ۾ 2 پوليس اھلڪار به شامل *
  • *ننگرپارڪر ويجهو نوجوان جو لاش هٿ *ڳوٺ خانپور ۾21 ورهين جي ھريش پٽ ڪٽيو ڪولھي جو لاش ھٿ *نوجوان کي پيٽ ۾ چاقو لڳل آهي: پوليس *پٽ رات ماني کائي 3 دوستن سان گڏ نڪتو ھو، صبح جو لاش مليو آھي: پيءُ *پٽ کي قتل ڪيو ويو آھي، انصاف ڪيو وڃي: ڪٽيو ڪولھي *
  • *ٺٽو واٽر سپلاءِ اسڪيم ريفرنس: آصف زرداري طرفان فرد جرم لاڳو ٿيڻ لاءِ عدالت ۾ پيش ٿيڻ کان معذرت *آصف زرداري ڪورونا ۽ ٻين بيمارين سبب پيش نٿو ٿي سگهي: وڪيل جي احتساب عدالت کي آگاهي* احتساب عدالت طرفان آصف زرداري مٿان وڊيو لنڪ ذريعي فردم جرم لاڳو ڪرڻ جو فيصلو * آصف زرداري سوڌو 14 جوابدار 4 آگسٽ تي طلب، نيب کي انتظام مڪمل ڪرڻ جي هدايت *
  • *ميرپورخاص: رحيم نگر مان مڙس جي تشدد کان تنگ ٿي گھران نڪتل ناري ٿاڻي تي پهچي وئي *19ورھين جي ناري راڻي لاگھاڻي سٽلائيٽ ٽائون ٿاڻي پھچي وئي *مڙس سان ھاڻي گڏي رھڻ نٿي چاھيان: ناري راڻي لاگهاڻي *ناري جي مڙس جي چاچي نبي بخش لاگھاڻي ناري جي گم ٿيڻ بابت ٿاڻي تي درخواست ڏني ھئي *
ڊپ ناهي ته ماڻهو وساري ڇڏيندا: جيڪولين
بالي ووڊ اداڪارا جيڪولين فرنانڊس لاس اينجلس اداڪاري جي سکيا مڪمل ڪري ورتي

ممبئي (شوبز نيوز) بالي ووڊ سندري جيڪولين فرنانڊس لاس اينجلس ۾ اداڪاري جي سکيا مڪمل ڪري ورتي آهي. هي اهو ئي سکيا گهر آهي جتان هالي ووڊ جي اداڪارن چارليز ٿرون، جيمز فرانڪو، براڊ پٽ، هيل بيري سميت ٻين سکيا گريجوئيشن ڪئي آهي. اداڪارا 6 مهينن تائين سکيا وٺڻ کانپوءِ واپس اچي وئي آهي. اداڪارا چيو آهي ته گهڻن ئي ماڻهن کي اهو خدشو هوندو آهي جيڪڏهن هو ڪجهه وقت لاءِ اسڪرين تي نه آيا ته کين وساريو ويندو. اسين اداڪار هر وقت ماڻهن جي ڌيان ۾ رهڻ چاهيون ٿا پر اهو بهتر آهي ته اوهان ڪجهه وقفو وٺو. هاڻي جڏهن مان فلم سائن ڪنديس ته اها ان لاءِ نه هوندي ته مون کي ڊپ آهي ته ماڻهو وساري ڇڏيندا پر فلم ان لاءِ سائن ڪنديس ڇو ته مان نئين پراجيڪٽ لاءِ پرجوش آهيان. جيڪولين اعتراف ڪيو ته کيس چيلينجنگ ڪردار ادا ڪرڻ لاءِ ڊپ پڻ لڳندو آهي. هن چيو ته ڪڏهن ڪڏهن ڏکيو لڳندو آهي مونکي اعتماد ناهي هوندو ته ڀرپور نموني سان ڪو ڪردار نڀائي سگهنديس پر مان نون ڪردارن کي چيلينج سمجهي قبول ڪندي آهيان ۽ کليل دل سان آجيان ڪندي آهيان ۽ جيڪڏهن اوهان کي پاڻ تي يقين هجي ته اوهان يقيني طور تي اهو ڪم ڪري سگهو ٿا.

بالي ووڊ جو مشهور فلم ميڪر شيام رامسي لاڏاڻو ڪري ويو

ممبئي (شوبز نيوز) ڀارتي فلم ميڪر شيام رامسي لاڏاڻو ڪري ويو. شيام رامسي 17 مئي 1952ع ۾ پيدا ٿيو. رامسي ڀائرن ڪيتريون ئي ڀوائتيون تيار ڪيون آهن. شيام ڪجهه وقت کان بيمار هو جنهن سبب کيس اسپتال داخل ڪرايو ويو هو. هن بالي ووڊ جي مشهور جي فلم رستم سهراب، ايڪ ننهي مني لڙڪي ٿي کانسواءِ ٻيون فلمون پڻ پروڊيوس ڪيون. هن فلم انڌيرا، سبوت، پرانا مندر، پراني هويلي سميت ٻين فلمن جي ڊائريڪشن پڻ ڏني آهي.

موسيقي کان ڪڏهن پري نه رهيو آهيان: ياسر اختر

لنڊن (شوبز نيوز) جڳ مشهور ڳائڻي ياسر اختر ميوزڪ نگري کان پري رهڻ جو سبب ٻڌائي ڇڏيو. ياسر اختر هڪ ويب سائيٽ کي انٽرويو ڏيندي چيو ته مان پنهنجي ڳائڻ ۾ ڪڏهن وقفو ڏنو ئي ناهي ڇو ته مان پاڪستان کان ٻاهر برطانيا ۾ رهي به پنهنجي اندر لڪيل فنڪار کي جيئرو رکيو آهي. هتي مشهور فنڪارن سان گڏجي انهن جي انڊسٽري لاءِ ميوزڪ، وڊيوز ۽ ڊراما ٺاهيا جيڪي ڪامياب به رهيا. ياسر اختر اهو به چيو ته مان پاڪستان جيان هتي به نوان فنڪار متعارف ڪرايا. وڊيوز ذريعي حسين ماڳ اجاڳر ڪندو رهان ٿو.

ريما خان جي فنڊ ريزنگ تقريب ۾ شرڪت، سشميتاسان تصويرون شيئر

ڪراچي (شوبز نيوز) ماضي ۾ پاڪستان فلم انڊسٽري جي مشهور اداڪارا ريما خان بالي ووڊ اداڪارا ۽ اڳوڻي مس يونيورس ششميتا سين سان هڪ تصوير اپلوڊ ڪئي. سماجي رابطي جي ويب سائيٽ انسٽاگرام تي ريما خان تصويرون اپلوڊ ڪيون. ميڊيا رپورٽن موجب ٻئي اداڪارائون ڪنهن فنڊ ريزنگ شو ۾ شريڪ ٿيون. ريما خان آمريڪا ۾ خصوصي صلاحيتون رکندڙ ٻارن لاءِ فنڊز گڏ ڪرڻ بابت تقريب ۾ شرڪت ڪئي هئي ۽ اتي سندس سشميتا سين سان ملاقات ٿي. اداڪارا هڪ اسپيشل ٻار سان ورتل تصوير به اپلوڊ ڪئي. شادي کانپوءِ آمريڪا منتقل ٿيندڙ پاڪستان فلم انڊسٽري جي چارمنگ گرل مختلف فلاحي ڪمن ۾ حصو وٺندي رهي آهي.

سوشل ميڊيا صارفين جو “ميري پاس تم هو” کي آسڪر ڏيڻ جو مطالبو
ڊرامي جي هڪ قسط نشر ٿيندي ئي سوشل ميڊيا تي ڌم مچائي ڇڏي

ڪراچي (شوبز نيوز) اداڪار همايون سعيد، عائزا خان ۽ عدنان صديقي جي ڊرامي ميري پاس تم هو سوشل ميڊيا تي ڌم مچائي آهي ۽ ماڻهو ڊرامي ۾ فنڪارن جي بهترين پرفارمينس جي دل کولي داد به ڪري رهيا آهن. اداڪار همايون سعيد، عائزا خان ۽ عدنان صديقي جو نجي ٽي وي چينل تي نشر ٿيندڙ ڊرامو ميري پاس تم هو پنهنجي پهرين قسط کان ئي پاڪستانين جو پسنديده ڊرامو بڻيل آهي. هن ڊرامي جي گذريل ڏينهن نشر ٿيل قسط سوشل ميڊيا تي ڌم مچائي ڇڏي آهي. ڊرامي جي هڪ سين ۾ عائزا خان ۽ همايون سعيد جي پرفارمينس جي واکاڻ ڪئي پئي وڃي ۽ ماڻهو سوشل ميڊيا تي ايترا بهترين ڊائيلاگ لکڻ تي داد ڏيندي چئي رهيا آهن هن کي آسڪر ملڻ گهرجي.

جيڪ کي ڇو نه بچايو ويو؟ 22 سالن کانپوءِ به فلم “ٽائيٽينڪ” تي بحث

نيو يارڪ (شوبز نيوز) جيڪڏهن اوهان هالي ووڊ فلم ٽائٽينڪ ڏٺي آهي ته ان جي پڄاڻي ضرور ياد هوندي جنهن ۾ هيروئن هڪ ڪاٺ جي تختي تي چڙهي بچي ويندي آهي جڏهن ته هيرو ان تختي کي پڪڙي ترندي ٿڌ ۾ مري ويندو آهي. 1997 ۾ رليز ٿيل فلم کي 22 سال مڪمل ٿي رهيا آهن پر مداحن طرفان اڪثر اهو سوال ڪيو ويندو آهي ته جڏهن روز (هيروئن) کي بچائي سگهجي پيو ته جيڪ (هيرو) کي ان تختي تي جاءِ ڏئي جيئرو ڇو نه رکيو ويو؟ ان حوالي سان پهريون ڀيرو هيرو، اداڪار ليونارڊو ڊي ڪيپريو ڳالهايو آهي. پنهنجي نئين فلم جي مشهوري مهم دوران هن چيو مان ان بابت نٿو ڳالهائي سگهان، بريڊ پٽ ورجائي کانئس اهو سوال ڪيو جنهن تي هن چيو ته مان هاڻي به ڪجهه نه چوندس، اداڪاره مارگوٽ روبي به کيس چيو ته ڪاٺ جي تختي ويهي رهين ها ته بچي وڃي هان. ٻئي پاسي ڊائريڪٽر کان پڇيو ويو ته سندس چوڻ هو ته هيرو کي مرڻو ئي هو، ڪاٺ جي تختي تي ويهاري سگهجي پيو پر اسڪرپٽ طئي ٿيل هو. اسڪرپٽ جي صفحي 147 تي اهو واضح لکيل هو ته جيڪ کي مرڻو آهي، اها هڪ آرٽسٽ جي چونڊ هئي.

همايون سعيد ۽ واسع چوڌري جي نئين فلم “نرم گرم”

ڪراچي (شوبز نيوز) ڪجهه ڏينهن اڳ ان ڳالهه جي تصديق سامهون آئي هئي ته ايندڙ رومانٽڪ مصالحا فلم لنڊن نهين جائونگي ۾ همايون سعيد ۽ مهوش حيات هڪ ڀيرو ٻيهر رومانس ڪندي نظر ايندا. هاڻي اها خبر سامهون آئي آهي ته همايون سعيد اداڪار واسع چوڌري جي لکيل فلم نرم گرم کي به پروڊيوس ڪندو. همايون سعيد خابرو اداري سان ڳالهائيندي ان ڳالهه جي تصديق ڪئي آهي ته هو واسع چوڌري جي ايندڙ فلم نرم گرم کي پروڊيوس ڪندو. همايون سعيد انڪشاف ڪيو ته فلم جي ڪهاڻي ٻن مردن جي چوڌاري گهمي ٿي. هن چيو ته هڪ جو ڪردار واسع چوڌري ادا ڪندو جڏهن ته ٻئي اداڪار کي ڪاسٽ ڪرڻ جي حوالي سان اڳڀرائي ناهي ٿي سگهي. هن چيو ته فلم جي اداڪارائن بابت به ڪو فيصلو ناهي ڪيو ويو. همايون سعيد جو چوڻ هو ته فلم جي شوٽنگ پاڪستان ۾ئي ڪئي ويندي.

فلم “باجي” ميوزيڪ انٽرنيشنل سائوٿ ايشين فيسٽيول کٽي ورتو

ڪراچي (شوبز نيوز) پاڪستاني فلم “باجي” ميوزيڪ انٽرنيشنل سائوٿ ايشين فلم فيسٽيول کٽي ورتو جڏهن ته اداڪار نيئر اعجاز فلم جي اداڪار جو ايوارڊ پڻ پنهنجي نانءُ ڪري ورتو. اداڪاره ميرا طرفان سوشل ميڊيا تي ڪيل پوسٽنگ موجب فلم “باجي” ميوزيڪ انٽرنيشنل ساهئوٿ ايشين فلم فيسٽيول ايوارڊ کٽي ورتو آهي. ان سان گڏوگڏ فلم ۾ مددگار اداڪار ادا ڪندڙ نيئر اعجاز بهترين مددگار ڪردار جو ايوارڊ کٽي ورتو آهي. ميڊيا رپورٽن موجب ميوزيڪ انٽرنيشنل سائوٿ ايشين فلم فيسٽيول پهرين ۽ 4 آگسٽ وچ ۾ شهر اونٽاريو جي علائقي مسيسوگا ۾ ٿيو. ان کان اڳ فلم “باجي” کي ڪينيڊا ۾ به رليز ڪيو ويو هو جتي اها فلم هڪ هفتو سينما گهرن جي زينت بڻيل رهي. فلم جي ڊائريڪٽر ثاقب ملڪ جو چوڻ آهي ته اها منهنجي لاءِ اعزاز جي ڳالهه آهي ته منهنجي فلم باجي اهو فيسٽيول کٽي ورتو آهي. ميڊيا رپورٽن موجب اداڪار علي ڪاظمي هن سال فيسٽيول ۾ شرڪت ڪندو. واضح رهي ته هن فلم ۾ اداڪاره ميرا، آمنه الياس، عثمان خالد بٽ ۽ محسن عباس حيدر ڪردار ادا ڪيا آهن.

اڪشي ۽شاهه رخ جي شخصيت مان متاثر ٿي هن منزل تي پهتو آهيان: ڪارتڪ آريان

ممبئي (شوبز نيوز) شاهه رخ خان ۽ اڪشي ڪمار بالي ووڊ فلم انڊسٽري جي مک اداڪارن ۾ ڳڻيا وڃن ٿا. هنن پنهنجي محنت سان پنهنجو مقام ماڻيو آهي ۽ اڄ تائين پنهنجي ڪردارن ذريعي شوقينن جي دلين ۾ جايون ٺاهي رهيا آهن. ٻئي پاسي آهي بالي ووڊ جو اڀرندڙ اداڪار ڪارتڪ آريان. اداڪار تيزي سان ڪاميابي جا ڏاڪا چڙهي رهيو آهي ۽ نيون منزلون ماڻڻ تي خوش پڻ آهي. پيا ڪا پنچناما ذريعي بالي ووڊ ۾ ڊيبيو ڪندڙ اداڪار جو چوڻ آهي ته شاهه رخ خان ۽ اڪشي ڪمار ئي اهي شخصيتون آهن جن سبب مان هن منزل تائين پهتو آهيان. اداڪارا جو پرڏيهي خابرو اداري سان ڳالهائيندي چوڻ هو ته ٻنهي جي شخصيت مان متاثر ٿي مان ممبئي آيس. اتي پهتس جتي شاهه رخ رهندو آهي ۽ سندس گهر ٻاهران سندس مداحن جي پيهه لڳل رهندي آهي. خوشقسمتي سان پهرئين ئي ڏهاڙي شاهه رخ خان کي ڏسڻ ۾ ڪامياب ٿي ويو هيس ۽ هن به مونکي ڏٺو هو جنهن تي مونکي خوشي ٿي.

رنبير سان شادي بابت ڪوڙو شادي ڪارڊ وائرل ٿيڻ تي عاليا جو رد عمل

ممبئي (شوبز نيوز) اداڪارا عاليا ڀٽ ۽ رنبير ڪپور بالي ووڊ جي خوبصورت جوڙي سمجهيا وڃن ٿا. ٻنهي بابت خبرون گردش ڪنديون رهن ٿيون جڏهن ته عاليا ڀٽ اڄ ڪلهه فلم سڙڪ 2 جي شوٽنگ ۾ مصروف آهي. خابرو اداري فلم فيئر موجب جڏهن عاليا ڀٽ کان سوال ڪيو ويو ته سندس شادي جو ڪارڊ انٽرنيٽ تي گردش ڪري رهيو آهي ته سندس چوڻ هو ته ڇا ٻڌايان، اوهان سڀ ٻڌائي ڇڏيو انهن کي، ايترو ڳالهايو آهي ايترو بحث ڪيو آهي پوءِ به اهي ڳالهيون هلن ٿيون، هلنديون رهنديون. واضح رهي ته رنبير ڪپور ۽ عاليا ڀٽ جو شادي ڪارڊ انٽرنيٽ تي وائرل ٿي ويو هو پر پروف جون غلطيون هجڻ سبب اها ڳالهه ته واضح هئي ته هي ڪوڙو ڪارڊ آهي. پر ان باوجود انٽرنيٽ صارفين ان کي شيئر ڪري رهيا هئا.

ڳائڻي ايڊل جو مڙس کان ڌار ٿيڻ لاءِ عدالت سان رابطو
4 مهينا اڳ 31 سالن جي ڳائڻي ۽ مڙس ڌار ٿيڻ جو اعلان ڪيو هو

لاس اينجلس (شوبز نيوز) هالي ووڊ ڳائڻي ايڊل پنهنجي مڙس سمن ڪونوڪي کان طلاق وٺڻ لاءِ عدالت سان رابطو ڪري ورتو آهي. 31 سالن جي ڳائڻي ۽ سمن ڪونوڪي 5 مهينا اڳ هڪ ٻئي کان ڌار ٿيڻ جو اعلان ڪيو هو. واضح رهي ته ڳائني ايڊل جي ترجمان اپريل ۾ ٻنهي جي ڌار ٿيڻ جي تصديق ڪندي چيو هو ته ٻئي پنهنجي 6 سالن جي پٽ جي ڪفالت گڏيل طور تي ڪندا.

پيءُ جي لاڏاڻي جو سبب تماڪ واپرائڻ هو: مصطفيٰ زاهد
ڊاڪٽر جا چيل جملا هيل تائين وساري نه سگهيو آهيان

ڪراچي (شوبز نيوز) پاڪستان جو مشهور موسيقار مصطفيٰ زاهد پيءُ جي لاڏاڻي کي هڪ مهينو گذري وڃڻ باوجود اڄ تائين ڊاڪٽر جا اهي جملا ناهي وساري سگهيو جيڪي هن والد جي لاڏاڻي وقت کيس چيا هئا. ڳائڻي سماجي رابطي جي ويب سائيٽ ٽوئٽر تي ٻڌايوته سندس پيءُ جو لاڏاڻو حد کان وڌيڪ تماڪ واپرائڻ سبب ٿيو. مصطفيٰ زاهد ٻڌايو ته منهنجي پيءُ جي لاڏاڻي کي هڪ مهينو گذري چڪو آهي پر اڄ تائين ڊاڪٽر جو اهو آواز ناهي وساريو جڏهن هن مونکي ٻڌايو ته حد کان وڌيڪ تماڪ واپرائڻ واري عادت سبب سندس ڦڦڙ خراب ٿي ويا هئا. جيڪڏهن اوهان جي والدين مان ڪو تماڪ واپرائڻ جي عادت ۾ ورتل آهي ته ان وٽ وڃو ۽ بحث ڪريو ٿي سگهي ٿو ته اوهان جي بحث سبب سندس اها عادت ختم ٿي وڃي.

اسٽار نه پر هڪ مڪمل انٽرٽينر ٿيڻ چاهيان ٿو: رنوير سنگهه

ممبئي (شوبز ڊيسڪ) بالي ووڊ اداڪار رنوير سنگهه چيو آهي ته سدائين مون هڪ مڪمل انٽرٽينر بڻجڻ چاهي آهي. ڀارتي ميڊيا موجب اداڪار رنوير سنگهه جو چوڻ هو ته هو جيڪو ڪم ڪري رهيو آهي، اهو مداحن لاءِ ئي آهي ته جيئن هو انٽرٽين ٿي سگهن. هن چيو ته صرف اڳتي وڌڻ ولاءِ ڪم نٿو ڪرڻ چاهيان، ڪڏهن اسٽار ٿيڻ نه چاهيو، پر هڪ اهڙو اداڪار ٿيڻ چاهيان ٿو جيڪو هڪ مڪمل انٽرٽينر هجي.

پاڪستاني گلوڪار علي نور جگر جي مرض سبب اسپتال داخل

ڪراچي (شوبز نيوز) مشهور پاڪستاني گلوڪار علي نور خطرناڪ مرض ۾ مبتلا ٿي ويو. گلوڪار جي سئوٽ پنهنجي ٽويٽ ۾ ٻڌايو آهي ته علي نور زندگي ۽ موت جي ٻه واٽي تي بيٺل آهي، سندس جگر ناڪاره ٿي ويو آهي ۽ کيس مداحن جي دعائن جي سخت ضرورت آهي. ان ٽويٽ جي سامهون اچڻ کانپوءِ سندس مداحن هن جي صحتيابي لاءِ دعائون ڪيون آهن.

اداڪار ڪمال احمد رضوي کي مداحن کان وڇڙي 3 ورهيه ٿي ويا

لاهور (شوبز ڊيسڪ) نامياري ٽي وي اداڪار ۽ ڊرامي ”الف نون“ جي آفاقي ڪردار علڻ سان شهرت ماڻيندڙ ڪمال احمد رضوي کي مداحن کان وڇڙي 3 ورهيه وهامي ويا. مشهور مزاحيه فنڪار ڪمال احمد رضوي 1930 ۾ ڀارت ۾پيدا ٿيو، هن اداڪاري سان گڏ ڪيترائي يادگار ڊراما لکيا، هدايتڪاري ۾ پاڻ مڃايو ۽ ڪيترين ئي ٻولين ۾ لکيل ڪتابن جا ترجما ڪيا، ڪمال احمد رضوي فلم انڊسٽري ڏانهن به ويو پر اتي سندس دل نه لڳي. ڪامل رضوي ٻارڙن جو ادب به لکيو ۽ بي بي سي اردو سروس سان به سلهاڙيل رهيو. ان سان گڏ هو مشهور رسالي ۾ايڊيٽر به رهيو. ڪمال احمد رضوي 17 ڊسمبر 2015 تي دل بيهڻ سبب مداحن کان وڇڙي ويو، سندس لاڏاڻي بعد ادب ۽ مزاح نگاري جو هڪ باب بند ٿي ويو.  

ناميارو ٽي وي اداڪار ڪمال احمد رضوي

ناميارو ٽي وي اداڪار ڪمال احمد رضوي

ڀارتي فلم جي آڇ وينا جي دعويٰ ڪوڙا کانسواءِ ڪجهه ناهي: شوبز ڌريون
ڀارتي فلمي صنعت پاڪستان جي وڏن فنڪارن کي نظرانداز ڪيو، ته پوءِ وينا کي آڇ ملندي؟

لاهور (شوبز نيوز) سينيئر اداڪاره ۽ اسڪينڊل ڪوئين وينا ملڪ جو هڪ ٻيو ڪوڙ پڪڙيو ويو، ڀارتي فلمي صنعت ۾ آڇ واري دعويٰ کي شوبز ڌرين ڪوڙ قرار ڏئي ڇڏيو. حقيقتن موجب وينا ملڪ کي ڪنهن به ڀارتي فلم ۾ ڪم ڪرڻ جي آڇ ناهي ڪئي وئي، اهو هاڻوڪي حالتن ۾ ممڪن ئي ناهي. وينا ملڪ تازو ئي دعويٰ ڪئي هئي ته کيس ڀارتي فلمن ۾ ڪم ڪرڻ جون آڇون ملنديون رهن ٿيون، پر هن اهي آڇون رد ڪيون آهن. ذريعن جو چوڻ آهي ته اهڙين حالتن ۾ جڏهن ڀارتي فلمي انڊسٽري علي ظفر، عاطف اسلم، ماهره خان، فواد خان ۽ راحت فتح علي خان جهڙن وڏن فنڪارن ۽ اداڪارن کي نظرانداز ڪيو ويو ته پوءِ وينا ملڪ کي ڪم ڪيئن ملي سگهي ٿو. وينا ملڪ جي اها دعويٰ رڳو سستي شهرت حاصل ڪرڻ جو بهانو آهي.

ليجنڊ اداڪار راج ڪپور جي 94هين سالگره ملهائي پئي وڃي

ڪراچي (شوبز ڊيسڪ) بالي ووڊ جي مشهور اداڪار راج ڪپور جا مداح اڄ سندس 94هين سالگره ملهائي رهيا آهن. 14 ڊسمبر 1924 تي پشاور ۾ جنم وٺندڙ راج ڪپور جو اصل نالو رنبير راج ڪپور هو، سندس والد پرٿوي راج ڪپور مشهور اداڪار ۽ فلمساز هو. 1935 ۾ چائلڊ آرٽسٽ طور فلم نگري ۾ پير رکندڙ راج ڪپور نه رڳو اداڪاري پر فلمسازي ۽ هدايتڪاري جي ميدان ۾ به پاڻ مڃايو. سندس فلمون ”آواره ۽ بوٽ پالش“ ڪينز فلم فيسٽيول ۾ گولڊن پام ايوارڊ لاءِ به نامزد ڪيون ويون. ليجنڊ اداڪار راج ڪپور کي 2 نيشنل فلم ايوارڊ ۽ 9 فلم فيئر ايوارڊ مليا. 1988 ۾ راج ڪپور کي فلمسازي بابت هندستان جو وڏي ۾ وڏو اعزاز دادا صاحب ڦالڪي ايوارڊ سان نوازيو ويو. راج ڪپور 2 جون 1988 تي دهلي ۾ لاڏاڻو ڪري ويو. راج ڪپور جي هدايتڪار طور آخري فلم ”حنا“ هئي، جيڪا سندس لاڏاڻي بعد ريليز ڪئي وئي، ۽ اها فلم به هٽ وئي.

مشهور اداڪار راج ڪپور

مشهور اداڪار راج ڪپور