تازا ترين
  • *سنڌ ۾ ڪورونا ڪيس وڌڻ بعد مائيڪرو سمارٽ لاڪ ڊائون لاڳو ڪرڻ جو فيصلو*
  • *چيلهار ۾ مبينا لڄالٽ جو نشانو بڻيل ناريءَ آپگهات ڪري ڇڏيو*
بنا واسطي جي شوبز ۾ ايندڙ فنڪارائون ڏک ڏسن ٿيون: اشنا شاهه
منهنجي گهراڻي جا ماڻهو شوبز ۾ هئا، مان خوش قسمت آهيان جو وڌيڪ ڏکيائيون نه ڏٺيون

ڪراچي (انٽرٽينمينٽ ڊيسڪ) اداڪارا اشنا شاهه پاڪستان شوبز انڊسٽري ۾ لاڳو غير منصفاڻي رويي تي ڳالهائيندي چيو آهي ته اسان جي انڊسٽري ۾ اداڪارائن کي اداڪارن جي ڀيٽ ۾ گهٽ معاوضو ملي ٿو. اشنا شاهه تازو انٽرويو ڏيندي چيو ته پاڪستان شوبز انڊسٽري ۾ هيروز گهٽ آهن ڇو ته هن فيلڊ ۾ ڇوڪرن جي ڀيٽ ۾ ڇوڪريون وڌيڪ اچن ٿيون جڏهن ته مرد اداڪارن جو ڪم اداڪارائن کان گهٽ هوندو آهي مثال جي طور تي جيڪڏهن ڪنهن ڊرامي ۾ ڪنهن ڇوڪري جا 400 سينز آهن ته ان جي ڀيٽ ۾ نوجوان جا 300 سينز هوندا آهن. اصل م ڊرامي جي ڪهاڻي ئي عورت جي چوڌاري گهمي رهي هوندي آهي ان لاءِ ڊرامي ۾ ڪم به ڇوڪري جو وڌيڪ هوندو آهي پر ان باوجود مرد اداڪارن کي عورتن کان وڌيڪ معاضو وڏنو وڃي ٿو جيڪو غير منصفاڻو آهي. اشنا شاهه چيو ته اداڪارائون سيٽ تي جلدي اچن ٿيون، وڌيڪ محنت ڪن ٿيون، ڊرامي ۾ اداڪارائون سڀ کان وڌيڪ روئين ٿيون ۽ اهو سولو ناهي. اشنا شاهه شوبز جي فيلڊ ۾ ڪم ڪندڙ عورتن سان پيش ايندڙ ڏکيائين بابت چيو ته اهي ڇوڪرين جن جو واسطو شوبز انڊسٽري سان ناهي هوندو جڏهن هو هن فيلڊ ۾ اچن ٿيون ته کين سڀني ڇوڪرين جي ڀيٽ ۾ وڌيڪ ڏکيائيون پيش اچن ٿيون جن جو واسطو شوبز گهراڻي سان هوندو آهي. هتي ڪيترين ئي ڇوڪرين جو استحصال به ڪيو وڃي ٿو. اداڪارا اشنا شاهه پنهنجو مثال ڏيندي چيو ته سندس ڪٽنب جا ڪيترائي ماڻهو پهريان شوبز ۾ هئا پر کيس هن فيلڊ ۾ جاءِ ٺاهڻ ۾ وڌيڪ ڏکيائي پيش نه آئي ان لاءِ هو پاڻ کي خوش قسمتي سمجهي ٿي.

انجين التان جي روپ ۾ ڪورلش عثمان سيزن 2 جو حصو بڻبو؟

ڪراچي (انٽرٽينمينٽ ڊيسڪ) ترڪي جي مشهور ڊرامي ڪورلش عثمان جي سيزن ٽو جي پهرين قسط جو ٽريلر جاري ڪيو ويو آهي. ان حوالي سان اڳڪٿيون آهن ته انجين التان جي روپ ۾ ڪورلش عثمان سيزن 2 ۾ شامل هوندو.

گلوڪاري ۽ اداڪاري مان گلوڪاري کي چونڊينديس: ڪومل رضوي

ڪراچي (انٽرٽينمينٽ ڊيسڪ) اداڪارا ڪومل رضوي چيو آهي ته جيڪڏهن کيس اداڪاري ۽ گلوڪاري مان ڪنهن هڪ جي چونڊ ڪرڻي پئي ته هو گلوڪاري جي چونڊ ڪندي. هن چيو ته ڊراما سيريل هوائين کي سٺي موٽ ملي رهي آهي.

دپيڪا، سارا ۽ شرڌا پاران منشيات بابت ڳالهه ٻولهه جو اعتراف
ديپيڪا ۽ سندس مينيجر، سارا علي ۽ شرڌا ڪپور کان ڪلاڪن تائين ڌار ڌار پڇا ڳاڇا ڪئي وئي

ممبئي (انٽرٽينمينٽ ڊيسڪ) ڀارت جي منشيات جي خاتمي بابت فورس نارڪوٽڪس ڪنٽرول بيورو طرفان سشانت سنگهه راجپوت جي موت بابت جاچ ۾ گرفتار ڪيل اداڪارا ريا چڪربورتي جي انڪشافن ۽ اعتراف کانپوءِ دپيڪا پڊوڪون، سارا علي خان ۽ شرڌا ڪپور اين سي بي ۾ پيش ٿيون ۽ پنهنجا بيان رڪارڊ ڪرايا. نجي خابرو ويب سائيٽ موجب پوليس عهديدار چيو آهي ته دپيڪا پڊوڪون ممبئي جي ڏاکڻي علائقي ڪولابا ۾ واقع اين سي بي گيسٽ هائوس پهتي هئي ۽ 6 ڪلاڪن کانپوءِ واپس رواني ٿي. رپورٽ موجب اداڪارا جي مينيجر ڪرشما پرڪاش اڳ ۽ پوءِ دپيڪا پڊوڪون گيسٽ هائوس مان باهر آيون ۽ ٻئي ڌار ڌار گاڏين ۾ واپس ويون. اداڪارا شرڌا ڪپور ٻنهي کانپوءِ پهتي جنهن کان 5 ڪلاڪ پڇا ڳاڇا ڪئي وئي جڏهن ته سارا علي خان اين سي بي جي زونل آفيس پهتي جتي هو 4 ڪلاڪ پڇا ڳاڇا کانپوءِ واپس رواني ٿي. اين سي بي جي پنج رڪني پينل دپيڪا پڊوڪون کان جاچ ڪئي هئي ۽ پڇا ڳاڇا دوران موبائيل فون استعمال ڪرڻ کان روڪيو هو. رپورٽ موجب دپيڪا 2017ع ۾ منشيات بابت ڪيل ڳالهه ٻولهه جو اعتراض ڪيو جڏهن ته اهو واضح ناهي ٿي سگهيو ته هن منشيات استعمال ڪرڻ بابت اعتراف ڪيو يا نه. اين سي بي عملدار دپيڪا ۽ سندس مينيجر جي بيانن مان مطمئن نه ٿيا ۽ ٻنهي کي ٻيهر طلب ڪري سگهجي ٿو. اداڪارا سارا علي خان ۽ شرڌا ڪپور منشيات بابت الزام رد ڪيا. رپورٽ موجب هنن پڇا ڳاڇا دوران منشيات استعمال ڪرڻ کان انڪار ڪيو جڏهن ته سشانت سنگهه جي پوانا گيسٽ هائوس ۾ پارٽي ۾ شرڪت جو اعتراف ڪيو. شرڌا جيا سها سان منشات بابت ڳالهه ٻولهه جو اعتراف ڪيو پر هو خريداري ۽ استعمال جي حوالي سان چپ رهي. هن ٻڌايو ته سشانت سنگهه راجپوت وينيٽي وين ۾ ڊرگز وٺندو هو. ٻنهي اداڪارائن چيٽس ۽ ثبوتن جو اعتراف ڪيو.

ديا مرزا منشيات استعمال ڪرڻ جي ترديد ڪري ڇڏي

ممبئي: ڀارتي اداڪارا ديا مرزا سوشل ميڊيا جو سهارو وٺندي پاڻ تي منشيات استعمال ڪرڻ بابت لڳل الزامن جي تردي ڪري ڇڏي آهي. ديا مرزا ٽوئيٽر تي پيغامشيئر ڪيا ته هو منشيات استعمال ڪرڻ واري خبر جي سختي سان ۽ واضح طور تي ترديد ڪرڻ چاهي ٿي، هي ڪوڙي ۽ بي بنياد خبر آهي. هن لکيو ته اهڙي ريت غيرقانوني رپورٽنگ جو سڌي ريت اثر پوي ٿو، اهڙي رپورٽنگ سان ڪيريئر کي نقصان پهچي ٿو جيڪو ورهين جي محنت سان ٺاهيو آهي. هن چيو ته هن زندگي ۾ ڪڏهن ڪنهن به قسم جو نشو ناهي ڪيو نه ئي خريد ڪيو آهي.

دپيڪا پڊوڪون پڇا ڳاڇا دوران روئي ڏنو!

ممبئي: بالي ووڊ اداڪارا دپيڪا پڊوڪون نارڪوٽڪس ڪنٽرول بيورو طرفان ڪيل پڇا ڳاڇا دوران ٽي ڀيرا رني. ڀارتي ميڊيا موجب گذريل ڏينهن اين سي بي جي جاچ دوران اداڪارا کان پڇا ڳاڇا ڪئي پئي. هن مينيجر ڪرشما پرڪاش سان منشيات بابت ڪيل ڳالهه ٻولهه جو اعتراف ڪيو. اداڪارا کان 6 ڪلاڪن تائين پڇا ڳاڇا ڪئي وئي. هڪ ڏينهن اڳ دپيڪا ۽ ڪرشما وچ ۾ منشيات بابت واٽس ايپ ڳالهه ٻولهه جا اسڪرين شاٽس به وائرل ٿيا هئا جن بابت اهو به چيو پئي ويو ته هي ڪوڙا ٿي سگهن ٿا پر اداڪارا جاچ دوران اهڙي ڳالهه ٻولهه جو اعتراف ڪندي روئي ڏنو.

عائشه عمر جي ڊانس وڊيو مداحن ۾ مقبول

ڪراچي (انٽرٽينمينٽ ڊيسڪ) پاڪستاني ڊراما ۽ فلم انڊسٽري جي اداڪارا عائشه عمر طرفان پنهنجي هڪ وڊيو شيئر ڪئي وئي جيڪا سوشل ميڊيا تي وائرل ٿي وئي آهي. اداڪارا انسٽاگرام تي وڊيو شيئر ڪئي جنهن ۾ هو ڀارتي گاني پاپا ڪهتي هين بڙا نام ڪري گا، بيٽا همارا ايسا ڪام ڪري گا تي ڊانس ڪري رهي آهي. وڊيو ۾ ڏسي سگهجي ٿو ته اداڪارا سان گڏ سندس ساهيڙيون به ڊانس ڪري رهيون آهن. هن وڊيو شيئر ڪندي لکيو ته بهترين ڇوڪريون، بهترين گانو ۽ بهترين يادون. عائشه عمر جي اهڙي وڊيو کي مداحن طرفان پسند ڪيو پيو وڃي.

2 هفتا بندش کانپوءِ فلم بيٽ مين جي شوٽنگ ٻيهر شروع

لاس اينجلس (انٽرٽينمينٽ ڊيسڪ) هالي ووڊ جي سائنس فڪشن فلم دي بيٽ مين جي مرڪزي اداڪار روبرٽ پيٽسن ۾ ڪورونا وائرس جي تصديق کانپوءِ فلم جي شوٽنگ ٻن هفتن جي بندش کانپوءِ بحال ٿي وئي آهي. فلم اسٽوڊيو وارنر برادرس ان حوالي سان جاري ڪيل بيان ۾ يو آهي ته هڪ ميمبر ۾ ڪورونا جي سڃاڻپ کانپوءِ شوٽنگ روڪي وئي هئي جيڪا هاڻي ٻيهر شروع ڪئي وئي آهي. اهو واضح ناهي ڪيو ويو ته اداڪارا ۾ ڪورونا جون علامتون هيون يا نه.

اداڪارا ماورا حسين 27 بهارون ماڻي ورتيون

ڪراچي (انٽرٽينمينٽ ڊيسڪ) پاڪستاني شوبز انڊسٽري سان واسطو رکندڙ خوبصورت اداڪارا ماورا حسين پنهنجي سالگره ملهائي جنهن جي وڊيو سوشل ميڊيا تي وائرل ٿي وئي آهي. پاڪستاني ڊراما ۽ فلم انڊسٽري جي اداڪارا ماورا حسين پنهنجي 27هين سالگرهه جي پري برٿ ڊي سيليبريشن ڪئي، ماورا مختصر وڊيو انسٽاگرما تي شيئر ڪئي. وڊيو ۾ ڏسي سگهجي ٿو ته ماورا وٽ سينگاريل ڪمري ۾ ويٺل آهي ۽ کيس سهڻو لباس پهريل آهي. هن سالگرهه جي حوالي سان لکيو ته دنيا جي خوش قسمتي ڇوڪري گڏوگڏ هن پري برٿ ڊي ۽ باقي 2 ڏينهن جو هيش ٽيگ به استعمال ڪيو.

شاهد ڪپور جو نيٽ فليڪس سان 100 ڪروڙ جو معاهدو

ممبئي (انٽرٽينمينٽ ڊيسڪ) باليووڊ اداڪار شاهد ڪپور آن لائن اسٽريمنگ سائٽ نيٽ فلڪس سان 100 ڪروڙ ڀارتي روپين جي ڊيل سائن ڪئي. عالمي وبا ڪورونا سبب سموري دنيا ۾ شوبز انڊسٽري کي به شديد نقصان پهتو آهي ۽ حفاظتي قدمن کي نظر ۾ رکندي سموري دنيا جا سينيما هالز به بند آهن. سينيما هالز بند هجڻ ڪري ڪيترائي پروڊيوسر ڊجيٽل پليٽ فارمز طرف ڌيان ڏيڻ لڳا آهن ۽ آن لائن اسٽريمنگ سائنس تي فلمي ۽ ويب سيريز رليز ڪري رهيا آهن. ڀارتي ميڊيا موجب شاهد ڪپور طرفان نيٽ فلڪس سان ڪيل 100 ڪروڙ روپين جي ڊيل ۾ نيٽ فليڪس جا ڪيترائي پروجيڪٽ شامل آهن ۽ هاڻ شاهد ڪپور باليووڊ جي ٻين ادڪارن وانگي پنهنجو ڊجيٽل ڊيبيو ڏيندو. باليووڊ اداڪار شاهد ڪپور مشهور آن لائن اسٽريمنگ سائٽ نيٽ فلڪس تي فلم ۽ سيريز ڪندو جنهن ۾ فڪشن سيريز به شامل آهي.

ٽيڪس چوري جي الزام ۾ اسرائيلي سپر ماڊل کي سزا

ڪراچي (انٽرٽينمينٽ ڊيسڪ) اسرائيلي سپر ماڊل ۽ مشهور اداڪارا 35 ورهين جي بار رفائلي کي عدالت ٽيڪس چوري جو الزام ثابت ٿيڻ تي والده سميت سزا ٻڌائي ڇڏي آهي. خابرو اداري موجب تل ابيب جي عدالت سپر ماڊل جي پلي بارگين جي درخواست قبول ڪندي کيس ٽيڪس ادائيگي کان بچن ۽ چوري جو الزام ثابت ٿيڻ تي 9 مهينا قيد جي سزا ٻڌائي

هالي ووڊ اداڪارا ايما اسٽون شادي ڪري ورتي؟
ايما اسٽون ۽ ڊيو ميڪري هلندڙ مهيني شادي ڪئي آهي: ذريعا

لاس اينجلس (انٽرٽينمينٽ ڊيسڪ) خبرون آهن ته خاموشي سان مڱڻو ڪرڻ هڪ سال کانپوءِ آسڪر ايوارڊ ماڻيندڙ 31 ورهين جي ايما اسٽون خاموشي سان شادي به ڪري ورتي آهي. نجي خابرو ويب سائيٽ موجب ايما اسٽون ۽ ڊيو ميڪري جي شادي جا افواهه گذريل مهيني 11 سيپٽمبر کان جاري هئا ۽ هاڻي ٻنهي کي هڪ جهڙيون منڊيون پهريل ڏسي اندازو ٿئي ٿو ته ٻنهي شادي ڪري ورتي آهي. رپورٽ ۾ هدايتڪار ڊيو ميڪري جي ويجهن ذريعن حوالو ڏيندي ٻڌايو ته ٻنهي هلندڙ مهيني جي شروعات ۾ سادگي سان شادي ڪئي هئي. رپورٽ ۾ تصديق ڪئي وئي ته ايما اسٽون شادي جي افواهن بابت ڪو جواب ناهي ڏنو پر ڊيو ميڪري جي ويجهن ذريعن شادي بابت تصديق ڪئي آهي.

پهريون ڀيرو ڪاري نسل جي ٿلهي عورت ووگ جي زينت بڻجي وئي
ووگ ميگزين جي85سالن جي تاريخ۾پهريون ڀيروڪاري نسل جي ٿلهي عورت کي شامل ڪيوويو

لاس اينجلس (انٽرٽينمينٽ ڊيسڪ) دنيا جي مشهور فيشن ميگزين ووگ پنهنجي 85 سالن جي تاريخ ۾ پهريون ڀيرو هڪ ڪاري نسل جي ٿلهي عورت کي سرورق جي زينت بڻائي انوکو اعزاز پنهنجي نانءِ ڪيو آهي. ووگ ميگزين جي فيشن جي حوالي سان سڀ کان معتبر ميگزين جو درجو هاصل آهي. هن ميگزين کي 1916ع ۾ لنڊن مان شروع ڪيو ويو هو تنهن کانپوءِ هن ميگزين جي آمريڪا سميت ٻين ملڪن ۾ به شروعات ڪئي وئي. ووگ ميگزين تي هميشه تنقيد ڪئي ويندي رهي آهي ته هو اڇي نسل، جسماني طور تي پرڪشش، سنهڙين عورتن کي سرورق تي جاءِ ڏيڻ جي ڪوشش ڪري ٿو ۽ هن ميگزين تي ملازمن جي حوالي سان به صنفي اڻ برابري جا الزام لڳندا رهيا آهن. ميگزين انتظاميا جي اعليٰ عهدن تي رڳو عورتون ۽ اهي به اڇي نسل جون ۽ پرڪشش نظر ايندڙ عورتن کي مقرر ڪرڻ جهڙا الزام به ميگزين تي لڳندا رهيا آهن ۽ هاڻي تنقيد کانپوءِ ميگزين گذريل ڪجهه سالن ۾ وڏيون تبديليون ڪيون آهن. هاڻي پيرسن، سنهڙن ۽ ڪاري نسل جي عورتن کي به ميگزين جي سرورق جي سينت بڻائڻ شروع ڪيو ويو آهي. ووگ ميگزين جي آڪٽوبر جي شماري لاءِ 32 ورهين جي آمريڪي ڳائڻي ليزو کي چونڊيو ويو آهي جيڪا گذريل 85 سالن ۾ پهرين ٿلهي ۽ ڪاري نسل جي عورت آهي جنهن کي ووگ ميگزين جي زينت بڻايو ويو آهي.

سعودي عرب ۾ وڌيڪ 20 سينيما گهر کولڻ جو فيصلو

رياض (انٽرٽينمينٽ ڊيسڪ) سعودي عرب ۾ انٽرٽينمينٽ جي شعبي کي هٿي ڏيڻ لاءِ وڏن شهرن کانپوءِ ننڍن شهرن ۾ به وڌيڪ 20 سينيما گهر کوليا ويندا. سعودي عرب ۾ فلمن جي شوقينن چيو آهي ته آگسٽ 2020ع انوکين خوشين جو مهينو ثابت ٿيو آهي. ان دوران حفر الباطن، الجبيل ۽ الاحسا ۾ پهريون ڀيرو ٽي سينيما گهر کوليا ويا آهن جڏهن ته رياض ۾ وڌيڪ 2 سينيما گهر کوليا ويا آهن. سعودي عرب سينما گهرن جو قيام زندگي جي معيار کي بهتر بڻائڻ واري پروگرام تحت ڪري رهيو آهي.

ڀارتي موسيقار ۽ ڳائڻي ايس پي بالا جون آخري رسمون ادا ڪيون ويون

ممبئي (انٽرٽينمينٽ ڊيسڪ) هڪ ڏينهن ۾ سڀ کان وڌيڪ ڪلام ڳائڻ جو عالمي رڪارڊ ٺاهيندڙ ڀارتي ڳائڻو ۽ موسيقار 74 ورهين جو شريپتي پنڊتراڌيول بالسوبرامنيم عرف ايس پي بالا جون آخري رسمون ادا ڪيون ويون. اي پي بالا ٻه ڏينهن اڳ ڪورونا سميت ٻين بيمارين سبب لاڏاڻو ڪري ويو. ڳائڻي کي هلندڙ سال جي شروعات ۾ ڪورونا سبب رياست تامل ناڊو جي راڄڌاني چنئي جي نجي اسپتال ۾ داخل ڪرايو ويو هو. ايس پي بالا ۾ آگسٽ جي وچ ۾ ڪورونا جون علامتون هيون ۽ هن تي ٻين بيمارين به حملو ڪيو هو.

سشانت جي زندگي تي ٺهندڙ فلم بابت نوان انڪشاف

ڪراچي (انٽرٽينمينٽ ڊيسڪ) آپگهات ڪندڙ بالي ووڊ اداڪار سشانت سنگهه راجپوت جي زندگي تي ٺهندڙ فلم جي رليز بابت فلم جي هيرو حسن خان ڪيترائي انڪشاف ڪيا آهن. اداڪار حسن خان کان جڏهن فلم کي اميزون پرائم تي رليز ڪرڻ جي حوالي سان پڇيو ويو ته هن چيو ته فلم شروعات ۾ اميزون پرائم تي ئي رليز ٿيڻي هئي پر جڏهن اها خبر وائرل ٿي ته سشانت راجپوت جي مداحن طرفان مٿن تنقيد ڪئي وئي جنهن سبب اميزون پرائيم هن فلم کي رليز نه ڪرڻ جو فيصلو ڪيو ۽هن پراجيڪٽ تان پوئتي هٽي ويو. هاڻي هي فلم پروڊيوسر جي پنهنجي چينل ام پرفيڪٽ موويز تي رليز ڪئي ويندي. ياد رهي ته حسن خان سشانت ۽ پنهنجي هڪ جهڙائي رکندڙ تصوير شيئر ڪئي هئي.

رڳو عورتون نه مرد فنڪار به ڏکيا آهن: اساما طاهر
مرد فنڪارن لاءِ ضروري ٿي ويو آهي ته اهي سهڻا ۽ ڀورا هجن

ڪراچي (انٽرٽينمينٽ ڊيسڪ) اداڪار اساما طاهر هڪ انٽرويو ۾ انڪشاف ڪيو آهي ته شوبز انڊسٽري ۾ رڳو عورتون نه پر مرد اداڪار به ڪيترين ئي ڏکيائين کي منهن ڏين ٿا جن ۾ خوبصورت نظر اچڻ به شامل آهي. هن چيو ته انڊسٽري ۾ هاڻي مرد اداڪارن لاءِ خوبصورت هجڻ به ضروري ٿي ويو آهي ۽ صلاحيت ٻي شئي ٿي وئي آهي. اهو ضروري ٿي ويو آهي ته اوهان جو رنگ ڀورو هجي ۽ جلد تي ڪو داغ نه هجي ۽ وار سهڻا هجن.

برٽني اسپيئرزوالدجي سرپرستي ختم ڪرائڻ جي خواهشمند

لاس اينجلس (انٽرٽينمينٽ ڊيسڪ) مشهور آمريڪي پاپ ڳائڻي، اداڪارا، ڊانسر، سماجي اڳواڻ ۽ پروڊيسور 38 ورهين جي برٽني اسپيئرز آمريڪي عدالت کي استدعا ڪئي آهي ته هاڻي سندس والد کي سندس سرپرستي ڪرڻ کان روڪيو وڃي. برٽني اسپيئرز جي والد جيمي اسپيئرز 2008ع کان سندس قانوني سرپرست آهي. آمريڪي عدالت 2008ع ۾ برٽني اسپيئرز جي ذهني حالت خراب هجڻ سبب قانون تحت سندس والد ۽ هڪ وڪيل کي سندس سرپرست مقرر ڪيو هو. عدالت ڳائڻي لاءِ قانون سرپرستن جي تقريري ان وقت ڪئي هئي جڏهن عدالت ڏٺو هو ته برٽني اسپيئرز پنهنجي مالي ۽ جسماني سميت ٻيا معاملا پاڻ نٿي سنڀالي سگهي ۽ ذهني حالت خراب ٿيڻ سبب هو پنهنجو چڱو ۽ برو نٿي سمجهي سگهي.