تازا ترين
  • *سامارو ويجهو نوجوان مبينا ڦاهو کائي آپگهات ڪري ڇڏيو*
  • *عمرڪوٽ ۾ عورت سان مبينا طور هٿيارن جي زور تي زيادتي، متاثر عورت ٿاڻي تي پناهه لاءِ پهچي وئي*
  • *نيب طرفان گرفتار ڪيل انجنيئر سول اسپتال سکر ۾ فوت*ڪرپشن جي جاچ لاءِ نيب مٽياري واسي انجنيئر اعجاز ميمڻ کي ٽي مهينا اڳ گرفتار ڪيو هو*
اداڪارا مائرا خان ڪورونا کان انٽرويو وٺي ڇڏيو!
مائرا خان ٻٽي ڪردار ۾ پنهنجي وڊيو شيئر ڪري ڇڏي

ڪراچي (انٽرٽينمينٽ ڊيسڪ) پاڪستاني ٽي وي انڊسٽري جي مشهور اداڪارا مائرا خان سڄي دنيا ۾ تيزي سان پکڙجندڙ موت مار ڪورونا وائرس جو انٽرويو ورتو. اداڪارا طرفان انسٽاگرام تي شيئر ڪيل وڊيو ۾ ڏسي سگهجي ٿو ته اين فائيو ماسڪ پهريل اداڪارا ڪنهن وائرس يا اڻ ڄاڻ مخلوق جو انٽرويو ڪري رهي آهي. وڊيو ۾ اداڪارا ٻٽي ڪردار ۾ نظر اچي رهي آهي. اداڪارا ويمپائرز سان ڀيٽ رکندڙ ميڪ اپ ڪري پاڻ کي ڪورونا جي ڪردار ۾ پيش ڪيو. انٽرويو ۾ اداڪارا ڪورونا کان پڇي ٿي ته هو ڪير آهي جنهن تي ڪورونا پنهنجو نالو ڪورونا، سرنيم وائرس، عرفيت ڪووڊ، 19 سال، ماءُ جو نالو چين، دوست آمريڪا جڏهن ته اڳوڻو دوست اٽلي ٻڌائي ٿو.

بلال مقصود پراڻو گانو نئين انداز ۾ پيش ڪري مداحن جون دليون کٽي ورتيون

ڪراچي (انٽرٽينمينٽ ڊيسڪ) اسٽرنگز بينڊ جي ميمبر ۽ مشهور ڪمپوزر ۽ ڳائڻي بلال مقصود سماجي ويب سائيٽ اسنيپ چيٽ جو استعمال ڪندي پنهنجو پراڻو گانو سهڻي نئين انداز ۾ ڳائي مداحن جون دليون کٽي ورتيون. بلال مقصود اسنيپ چيٽ فلٽرز جو استعمال ڪندي وڊيوز شيئر ڪيون. ڳائڻي طرفان انسٽاگرام تي شيئر ڪيل پنهنجي انوکي وڊيو ۾ هو پنهنجو پراڻو گانو ڳائي رهيو آهي. بلال مقصود جي بينڊ اسٽرنگز جو سوهڻئي گانو 2003ع ۾ رليز ٿيل البم جو مقبول گانو آهي.

شهزاد راءِ ڪراچي ۾ صفائي جا پول پڌرا ڪري ڇڏيا

ڪراچي (انٽرٽينمينٽ ڊيسڪ) پاڪستاني ڳائڻي شهزاد راءِ چيو آهي ته ڪراچي صاف سٿرو شهر آهي. پنهنجي سوشل ميڊيا اڪائونٽ تي ڳائڻي شهزاد راءِ تصوير شيئر ڪئي جنهن ۾ ڪراچي جي گندگي جو اندازو لڳائي گسهجي ٿو هن لکيو ته انشاءَالله اسان جي قوم ايس او پيز تي سختي سان عمل ڪندي ۽ ماشاءَالله ڪراچي صاف سٿرو شهر آهي.

“مون کي آئيسوليشن ۾ اڪيلو نه ڇڏجانءِ” هانيا عامر جي ڊانس وائرل

ڪراچي (انٽرٽينمينٽ ڊيسڪ) پاڪستان جي مشهور اداڪارا هانيا عامر آمريڪي گاني تي انوکي ڊانس پيش ڪري مداحن جون دليون کٽي ورتيون. اداڪارا پنهنجي ٽڪ ٽاڪ وڊيو کي انسٽاگرام اڪائونٽ تي انتهائي دلچسپ ڪيپشن سانشيئر ڪيو. وڊيو ۾ اداڪارا آمريڪي نوجوان ڳائڻي جي ڳايل مشهور گاني “هسٽل اينڊ فلو” تي انوکي انداز ۾ رقص ڪري رهي آهي. وڊيو شيئر ڪندي اداڪارا لکيو ته “مان چيو هو ته مون کي آئيسوليشن ۾ اڪيلو نه ڇڏجانءِ” هن دلچسپ ڪيپشن تي سندس مداحن جي وڏي انگ سندس واکاڻ ڪئي ۽ وڊيو کي پسند ڪيو.

همايون ائين ئي ڪم ڪندو رهيو ته حادثاتي طور اداڪاري سکي ويندو: نعمان اعجاز
همايون سعيد جي هڪ وڊيو ڪلپ ڏسي لڳو ته اڃا تائين هو اداڪاري ناهي سکي سگهيو

ڪراچي(انٽرٽينمينٽ ڊيسڪ) پاڪستان جي ٽي وي اداڪار نعمان اعجاز جو چوڻ آهي ته همايون سعيد ائين ئي ڪم ڪندو رهيو ته هڪ ڏينهن اداڪاري سکي وٺندو. پاڪستاني ٽي وي اداڪار نعمان اعجاز ۽ اداڪار ۽ هدايتڪار واسع چوڌري جي هڪ وڊيو انٽرنيٽ تي وائرل ٿي رهي آهي جنهن ۾ هو اداڪار همايون سعيد ۽ عدنان صديقي بابت ڳالهائي رهيا آهن جڏهن ته وڊيو وائرل ٿيڻ کانپوءِ نعمان اعجاز کي مداحن طرفان تنقيد جو نشانو بڻايو پيو وڃي. وڊيو ۾ نعمان اعجاز جو چوڻ آهي ته هو انٽرنيٽ تي مختلف شيون ڏسي رهيو آهي ۽ ان دوران هن همايون سعيد جي هڪ لکپ ڏٺي ته کيس لڳو ته وقت سان گڏوگڏ اداڪار گهڻو ڪجهه سکي وڃن ٿا پر همايون اڃان تائين نه سکي سگهيو آهي. نعمان اعجاز وڌيڪ چيو ته مون کي يقين آهي ته جيڪڏهن همايون سعيد اهڙي ريت ڪم ڪندو رهيو ته هڪ ڏينهن حادثاتي طور اداڪاري سکي وٺندو.

ڪورونا کان پاڪ پاڪستان جي ذميواري اسان جي آهي: شنيرا اڪرم

ڪراچي (انٽرٽينمينٽ ڊيسڪ) مشهور سماجي ڪارڪن شنيرا اڪرم جو چوڻ آهي ته جيڪڏهن لاڪ ڊائون ۾ نرمي ٿئي ٿي ته ماڻهو احتياطي اپائن تي عمل جاري رکن ڇو ته ڪورونا کان پاڪ پاڪستان جي ذميواري اسان جي آهي. پاڪستان ڪرڪيٽ ٽيم جي اڳوڻي ڪپتان وسيم اڪرم جي زال شنيرا اڪرم پنهنجي ٽوئيٽ ۾ لکيوته ماڻهو لاڪڊائون ۾ نرمي جي صورت ۾ گهرن کان ٻاهر وڃڻ وقت ماسڪ ۽ گلوز استعمال ڪرڻ کي يقيني بڻائين.

الله تي يقين رکڻ وارن کي ڪو نقصان نٿو پهچي: نيلم منير

ڪراچي (انٽرٽينمينٽ ڊيسڪ) مشهور اداڪارا نيلم منير سوشل ميڊيا تي پنهنجي مداحن لاءِ هڪ پيغام جاري ڪيو آهي. اداڪارا نيلم منير انسٽاگرام تي هڪ تصوير شيئر ڪئي جنهن ۾ چانڊڪي کي چمڪندي ڏسي سگهجي ٿو. اداڪارا لکيو ته اسان مان جيڪي الله تي يقين رکن ٿا انهن کي سندن ڪمزوري ڪوبه نقصان نٿي پهچائي سگهي. جيڪي الله کانپري آهن انهن کي سندن طاقت ڪو فائدو نٿي ڏئي سگهي. الله طرفان بهترين اميد رکڻ اسان جي زندگي جي خوشي ۽ ڪاميابي لاءِ سڀ کان اهم آهي. هڪ ٻي پوسٽ ۾ اداڪارا پنهنجي تصوير به شيئر ڪئي.

گوگل جي ڄاڻ غلط هئي: مهوش غلط شعر واري غلطي مڃي ورتي

ڪراچي (انٽرٽينمينٽ ڊيسڪ) پاڪستان فلم ۽ ڊراما انڊسٽري جي مشهور اداڪارا مهوش حيات ڪنهن ٻئي جو شعر علامه اقبال سان واڳڻ واري غلطي مڃي ورتي. اداڪارا ان کان اڳ تصوير شيئر ڪندي ڪنهن ٻئي جو شعر علامه اقبال سان واڳيو هو جنهن تي ٽوئٽر صارفين مهوش حيات کي تنقيد جو نشانو بڻايو هو ۽ هاڻي هن پنهنجي غلطي مڃيندي ٽوئٽر تي پنهنجي ٻيو بيان جاري ڪيو آهي. پنهنجي نئين بيان ۾ هن چيو ته مون کي اطلاع ڪيو ويو هو ته مان جيڪي شعر لکيا اهي اصل ۾ محمد اسماعيل جا هئا. ان مان اهو ثابت ٿيو ته گوگل هميشه صحيح ڄاڻ فراهم نٿو ڪري.

سونم ڪپور جو مڙس آنند لاءِ محبت جو پيغام

ڪراچي (انٽرٽينمينٽ ڊيسڪ) ڀارتي اداڪارا سونم ڪپور شادي جي ٻي سالگرهه جي موقعي تي پنهنجي مڙس آنند آهوجا لاءِ سوشل ميڊيا تي پيغام جاري ڪري ڇڏيو. 8 مئي 2018ع تي شادي جي ٻنڌڻن ۾ ٻڌجندڙ ڀارتي اداڪارا سونم ڪپور پنهنجي شادي جي ٻي سالگرهه جي موقعي تي انسٽاگرام تي آنند آهوجا سان گڏ ورتل تصوير شيئر ڪئي ۽ مڙس لاءِ محبت ڀريو پيغام به جاري ڪيو. پنهنجي پيغام ۾ سندس چوڻ هو ته هي اها تصوير آهي جيڪا مان پهريون ڀيرو آنند سان ورتي هئي. اڄ کان 4 سال اڳ منهنجي آنند سان ملاقات ٿي هئي جڏهن هو يوگا ۽ ڪاروبار ۾ ڳالهائي رهيو هو مان حيرت جوڳي طور تي آنند کي پرسڪون ۽ ٿڌي مزاج جو شخص سمجهيو هو.

انوشي اشرف پنهنجي چمڪدار جلد جو راز ٻڌائي ڇڏيو

ڪراچي (انٽرٽينمينٽ ڊيسڪ) پاڪستانٽي وي انڊسٽري جي مشهور اداڪارا انوشي اشرف پنهنجي خوبصورتي ۽ چمڪدار جلد جو راز ٻڌائيندي چيو ته سندس چمڪدار جلد جو راز گهڻي ننڊ ڪرڻ ۽ سن بلاڪ جو استعمال ڪرڻ آهي. انسٽاگرام تي اداڪارا تصويرون شيئر ڪندي ٻڌايو ته ڪيترن ئي موقعن تي عورتون کانئس خوبصورتي ۽ چمڪدار جلد جو راز پڇندو آهن ته هو ان معاملي ۾ خوش قسمت آهي. هن ٻڌايو ته 3 طريقا آهنجيڪي جلد کي خوبصورت بڻائڻ لاءِ استمال ڪري سگهجن ٿا اهي آهن ڀرپور ننڊ، اس ۾ نڪرڻ کان اڳ سن بلاڪ ۽ گهر ۾ موجود رهڻ تي ميڪ اپ کان پاسو ڪرڻ.

عرفان خان عالمي وبابابت فلم۾ڪم ڪرڻ واروهو: هدايتڪارجو انڪشاف
مان ۽ عرفان خان پوني وڃي رهيا هئاسين ۽ اسان ٻنهي وچ ۾ سٺي دوستي ٿي وئي: آنند گانڌي

ڪراچي (انٽرٽينمينٽ ڊيسڪ) بالي ووڊ جو مشهور اداڪار عرفان خان انٽرٽينمينٽ انڊسٽري جو اهم حصو هو، سندس لاڏاڻي جي خبر سندس مداحن ۽ سڄي دنيا جي فنڪارن کي ڏکارو ڪري ڇڏيو. ڀارتي ميڊيا رپورٽس موجب عرفان خان هدايتڪار آنند گانڌي جي هڪ فلم ۾ ڪم ڪرڻ وارو هو جنهن جو نالو “ايمرجنس” هو. هن فلم جي ڪهاڻي عورت سائنسدانن تي ٻڌل هئي جيڪي هڪ وبائي مرضن خلاف جنگ وڙهن ٿيون. هن فلم جي حوالي سان هدايتڪار آنند گانڌي جو چوڻ هو ته “عرفان ۽ مان هڪ ڀيرو گڏ پوني وڃي رهيا هئاسين جنهن کانپوءِ اسان جي سٺي دوستي ٿي وئي، هو مون سان گڏ ايمرجنس نالي فلم ۾ ڪرڻ وارو هو، ڪاش مان ساڻس گڏ ڪنهن پراجيڪٽ ۾ ڪم ڪيو هجي ها. هدايتڪار اهو به انڪشاف ڪيو ته هن فلم لاءِ هن وبائي مرضن جي ماهر ليري بريليئنٽ سان به رابطو ڪري ورتو هو جيڪو هن فلم جي ايگزيڪٽو پروڊيوسر بڻجڻ واري هو. هن وڌيڪ ٻڌايو ته “منهنجي فلم جي اسڪرپٽ ۾ وبائي مرضن سان گڏ سياست ۽ ٻيا اهم موضوع به پيش ڪرڻ هئا. هي پراجيڪٽ آمريڪي اسٽوڊيو سان گڏجي ٺاهڻو هو. ياد رهي ته عرفان خان آخري ڀيرو بالي ووڊ فلم انگريزي ميڊيم ۾ ڪم ڪندي نظر آيو.

“ارطغرل غازي” جي اداڪاره ايسرا جي پاڪستاني هم شڪل
اداڪارا ايسرا بلجيڪ جي پاڪستان ۾ واکاڻ، صارفين هم شڪل ڳولي ورتي

راچي (انٽرٽينمينٽ ڊيسڪ) وزيراعظم عمران خان جي هدايت تي اردو ۾ نشر ٿيندڙ ترڪش سيريز ارطغرل غازي ۾ مک ڪردار ادا ڪندڙ اداڪارا ايسرا بليجيڪ جي همشڪل سامهون اچي وئي. ترڪش سيريز ارطغرل غازي کي پاڪستاني عوام طرفان پسند ڪيو پيو وڃي. اداڪارا ايسرا بلجيڪ جي خوبصورتي ۽ جاندار اداڪاري جي به واکاڻ ڪئي پئي وڃي. ڪجهه سوشل ميڊيا صارفين جو چوڻ آهي ته ايسرا جو چهرو پاڪستاني اداڪارا ۽ ماڊل عليزي گبول سان ملي ٿو. عليزي گبول پاڪستاني فلم رنگ ريزه ۾ بلال اشرف سان گڏ اداڪاري ڪئي هئي. ماڊلنگ ۾ نالو ڪمائيندڙ 24 سالن جي عليزي هڪ ڌيءُ جي ماءُ آهي.

صوفي بينڊ ”نفس“ جو ڪورونا بابت آگاهي لاءِ گانو جاري

ڪراچي (شوبز نيوز) پاڪستاني صوفي بينڊ نفس ڪورونا وائرس کان حفاظت لاءِ احتياط ڪرونا جي نالي سان نئون گانو جاري ڪري ڇڏيو. ڪورونا وائرس نالي وبا سڄي دنيا ۾ پکڙجي وئي آهي. جڏهن ته فنڪار ۽ رانديگر ڏهاڙي تي ڪم ڪندڙ ماڻهن جي مدد ۾ رڌل آهي جڏهن ته ڪجهه فنڪار ماڻهن کي ڪورونا وائرس کان بچاءُ لاءِ آگاهي به فراهم ڪرڻ لاءِ اڳڀرا آهن، نفس بينڊ طرفان جاري ڪيل نئين گاني “احتياط ڪرونا” ۾ ڳائڻي نعمان علي پاڪستاني کي آگاهي ڏيندي چيو ته دشمن جان کي مات ڏيو، چئن ڏينهن جو احتياط ڪريو، پنهنجي گهر جي رهواسين کي پنهنجي ڪل ڪائينات سمجهو” نفس بينڊ جي آگاهي گاني کي آفتاب اڪبر لکيو آهي جڏهن ته وڊيو ۾ ڳائڻي نعمان علي سان گڏ ساٿي گٽارسٽ موني ڪانڌڙو ۽ سعد خان به نظر اچي رهيا آهن.

مرد هجي يا نه عورت روح ئي مدد فراهم ڪري ٿو: نمرا خان

ڪراچي (انٽرٽينمينٽ ڊيسڪ) مشهور پاڪستاني اداڪارا نمرا خان ماضي ۾ ٿيل ڪار حادثي جون تصويرون سوشل ميڊيا تي شيئر ڪيون جن مان هڪ تصوير ۾ اداڪارا ويل چيئر تي ويٺل آهي جڏهن ته ٻي تصوير سندس تباهه ٿيل گاڏي جي آهي. تصوير شيئر ڪندي نمرا خان لکيو ته جيڪڏهن مان اوهان کي 5 سال پوئتي وٺي وڃان ته مان اڃان به اهو بيان ڪرڻ ۾ ناڪام آهيان ته عورت ڪير آهي ۽ مرد ڪير. اداڪارا لکيو ته نه مرد نه عورت رڳو هڪ روح هوندو آهي جيڪو اوهان کي شفا بخشڻ، اڳتي وڌڻ ۽ ڏکيائي کي منهن ڏيڻ ۾ مدد فراهم ڪري ٿو. هن لکيو ته اوهان جي هاڪاري سوچ اوهان جو پنهنجو عزم ئي اوهان کي زندگي جي سڀني رنڊن کي پري ڪرڻ ۾ مدد ڏئي ٿو. هن لکيو ته اوهان ڪير آهيو؟ اوهان ڇا بڻجي ويا آهيو ۽ اوهان ڇا بڻجڻ جي ڪوشش ڪري رهيو آهي، زندگي جي هر هڪ قدم تي سبق حاصل ڪريو. جيڪو اڄ سولو ناهي اهو سڀاڻي سولو ٿي پوندو. اداڪارا جي پوسٽ سينيئر اداڪارا شگفته اعجاز تبصرو ڪيو ته مون کي توهان جي زندگي جو خوفناڪ وقت ياد آهي، خدا جو شڪر آهي ته توهان محفوظ آهيو.

هارون رشيد مداحن سان رابطي ۾ رهڻ تي ٽيڪنالاجي جو ٿورائتو

ڪراچي (انٽرٽينمينٽ ڊيسڪ) ميوزڪ انڊسٽري جو مشهور ڳائڻي هارون رشيد پنهنجي مداحن کي آئيسوليشن ۾ ٽيڪنالاجي جو بهترين استعمال ڪرڻ بابت آگاهه ڪري ڇڏيو. ڪورونا وائرس کي نظر ۾ رکندي سڄي دنيا جيان پاڪستان ۾ به لاڪ ڊائون جاري آهي. ڳائڻي هارون انسٽاگرام تي پنهنجي مداحن کي ڄاڻ ڏيڻ لاءِ تصويرون شيئر ڪيون ۽ لکيو ته مان ڪوروناجي هن دور ۾ وڊيو ڪالز جو استعمال ڪريان ٿو، وڊيو ڪالز کي مان پنهنجي ڪٽنب وارن ۽ دوستن سان ڳالهين لاءِ استعمال ڪريان ٿو، مان ريموٽ جي سهڪار سان پراڊڪشن ڪمپني ۽ ميٽنگز جو بندوبست ڪريان ٿو. هن لکيو ته انسٽاگرام تي لائيو سيشن مان اهو فائدو ٿيوآهي ته مداحن لاءِ پرفارم ڪري سگهان ٿو،ڳالهائي به سگهان ٿو مون کي هي ٽيڪنالاجي پسند اچي رهي آهي.

فلم ”دي روڊزناٽ ٽيڪن“ 13 مارچ تي رليز ٿيندي

ڪراچي (شوبز نيوز) آمريڪي فلم دي روڊزناٽ ٽيڪن جو ٽريلر جاري ڪيو ويو هو جڏهن ته فلم کي 13 مارچ تي نمائش لاءِ پيش ڪيو ويندو. سالي پوٽر جي هدايتڪار ۾ ٺهندڙ فلم دي روڊز ناٽ ٽيڪن جو ٽريلر 7 فيبروري تي رليز ڪيو ويو آهي. فلم جي ڪاسٽ ۾ ايلي فاننگ، سلما هائيڪ، جاوير برڊم ۽ لوراليني شامل آهن. فلم 13 مارچ تي نمائش لاءِ پيش ڪئي ويندي.

ڪيٽي پيري جو نئون گانو جاري، حاملا هجڻ جو به اعلان
خبر ٻڌائڻ کان اڳ پريشان هيس پر موٽ ۾ اوهان جو پيار مليو آهي: ڪيٽي پيري

ڪراچي (شوبز نيوز) آمريڪي پاپ سپر اسٽار ڪيٽي پيري پنهنجو نئون گانو رليز ڪرڻ سان گڏوگڏ پنهنجي حاملا هجڻ جو به اعلان ڪري ڇڏيو. ڳائڻي پنهنجي نئين گاني نيور وارن وائيٽ جي وڊيو جاري ڪئي جنهن ۾ هو پنهنجي بي بي بمپ سان نظر آئي. چئن منٽن جي هن وڊيو جي آخر ۾ ڳائڻي حاملا هجڻ جي خبر مداحن سان شيئر ڪئي. سماجي رابطي جي ويب سائيٽ ٽوئٽر تي اهڙي خبر کي شيئر ڪرڻ کانپوءِ ڳائني لکيو ته شڪر آهي مون کي وڌيڪ هن کي لڪائڻ جي ضرورت نه پوندي يا ان سبب ڪا وڏي پرس کڻي هلڻو نه پوندو. هن لکيو ته مون کي اها ڳالهه شيئر ڪرڻ کان اڳ پريشاني هئي پر خبر شيئر کانپوءِ اوهان جو پيار مليو آهي. خيال رهي ته ڪيٽي پيري هيل تائين مڱيندي اورلينڊو بلوم سان شادي ناهي ڪئي، اهو خيال ڪيو پيو وڃي ته ٻئي جلد شادي جي ٻنڌڻن ۾ ٻڌجي ويندا.

مينا کي مداحن کان وڇڙئي31ورهيه وهامي ويا

ڪراچي (شوبز نيوز) اداڪارا مينا شوري جي گذريل ڏينهن 31هين ورسي ملهائي وئي. مينا شوري جو اصل نالو خورشيد جهان هو ۽ هو 1921ع ۾ رائونڊ ۾ پيدا ٿي. سندس فلمي ڪيريئر جي شروعات بمبئي ۾ سهراب مودي جي فلم سڪندر سان ٿي. هن فلم جي ڪاميابي کانپوءِ فلمي صنعت جا در مينا شوري لاءِ کلي ويا. ان زماني ۾ ٺهيل سندس ٻين فلمن ۾ ڦر ملينگي، پٿرون ڪا سوداگر، شهر سي دور، پت جهڙ، چمن ۽ ايڪ ٿي لڙڪي شامل آهن. مٿس فلمبند ڪيل هڪ نغمي جي ٻولن سبب سندس نالو لارالپا گرل پئجي ويو. پاڪستان جي قيام کانپوءِ هن پهريون ڪراچي ۽ پوءِ لاهور ۾ رهائش اختيار ڪئي. سندس مشهور فلمن ۾ سرفروش، جگا، جمالو، بڙا آدمي، ستارون ڪي دنيا، گل فروش، بچا جمهورا، بهروپيا، آخري نشان، گلشن، تين اور تين، ڦول اور ڪانٽي، موسيقار، خاموش رهو، مهمان ۽ مجاهد شامل آهن.