تازا ترين
  • *ميهڙ ويجهو ملڪيت جي تڪرار تان چاچي ۽ ڀائٽين ۾ جهيڙو، 6ڄڻا زخمي ٿي پيا *ڳوٺ جوڙو لاکير ۾ لاکير برادري جي ٻن ڌرين ۾ جهيڙو ٿي پيو *ظفر،مظھر، حسين، عبدالله، وسيم، سعيد ۽ اظھر لاکير کي اسپتال منتقل ڪيو ويو *
  • *پنگريو ڀرسان زمين جي تڪرار تان ترڪ برادري جي ٻن ڌرين ۾ جهيڙو، 8 ڄڻا زخمي *جهيڙي دوران لٺيون ۽ ڪهاڙيون لڳڻ سبب ٽن عورتن سميت 8ڄڻا زخمي ٿي پيا*
  • *سنڌ جي مختلف شهرن ۾ ٻاررن ۽ عورتن سميت 30 کان وڌيڪ ماڻهن کي ڪتن ڏاڙهي زخمي ڪري ڇڏيو*
  • *ٽنڊوباگو ويجهو زمين جي تڪرار تان جهيڙو،8ڄڻا زخمي، اسپتال منتقل *ڳوٺ علي ترڪ ۾ ٻن ڌرين ۾ جهيڙي دوران 4 عورتن سميت 8 ڄڻا زخمي ٿي پيا *
  • وارهه ويجهو ٻن موٽرسائيڪلن ۾ ٽڪر، پيرسن فوت ٿي ويو *ماستر لاڙو وٽ حادثي ۾ پيرسن غلام مصطفيٰ گوگاڻي چانڊيو زخمي ٿي پيو *زخمي پيرسن لاڙڪاڻي جي اسپتال ۾ زخمن جا سور نه سهندي فوت ٿي ويو *
  • *سپريم ڪورٽ ۾ شهباز شريف خلاف مني لاندرنگ ڪيس، شريڪ جوابدارن جي اپيل تي ٻڌڻي *عدالت جوابدار فضل داد عباسي ۽ شعيب قمر جي ضمانت جي اپيل تي ٻڌڻي ڪئي *سپريم ڪورٽ ٻنهي جوابدارن جي ضمانت واري درخواست تي نيب کي نوٽيس جاري ڪري ڇڏيا *ٻنهي جوابدارن تي شهباز شريف لاءِ سهولتڪاري ۽ مني لانڊرنگ جو الزام آهي*
  • *روشن سنڌ منصوبو ڪرپشن ڪيس: سنڌ جو وڏو وزير مراد علي شاهه نيب اسلام آباد آڏو پيش *نيب ٽيم طرفان جعلي بئنڪ اڪائونٽس ڪيس جي حوالي سان به وڏي وزير کان پُڇاڳاڇا * نيب طرفان وڏي وزير مراد علي شاهه آڏو سوالنامو پيش ڪيو ويو *
  • *فيض گنج ۾ پيٽرول پمپ مالڪن حڪومتي فيصلي کي ٿڏي ڇڏيو، وڌيڪ اگهه تي پيٽرول جو وڪرو *پمپ مالڪن پاران پيٽرول جو في ليٽر 77 کان 78 روپيا ۾ وڪرو،عوام سخت پريشان *
  • *تنگواڻي ۾ پئٽرول سستو ٿيڻ بعد پيٽرول پمپ بند *پئٽرول نه ملڻ سبب صارفين سخت پريشاني جو شڪار *
  • *ملڪ ۾ پيٽرول سستو ٿيڻ کانپوءِ بحران پيدا ٿي ويو، ڪراچي سوڌو ملڪ جي اڪثر شهرن ۾ پيٽرول پمپ بند، عوام پريشان*
  • *چونڊڪو ۾ رولو ڪتن نينگري کي ڏاڙهي زخمي ڪري ڇڏيو *10ورهين جي ثمينا ڌي گلاب خاصخيلي کي اسپتال منتقل ڪيو ويو *نارو ۾ ٽن مهينن دوران ڪتن جي ڏاڙهيلن جو انگ500 ٿي ويو *
  • *بخشاپور ويجهو نوجوان کي رولو ڪتن ڏاڙهي زخمي ڪري ڇڏي *ڳوٺ محمد نواز چاچڙ واسي 24ورهين جي محراب علي چاچڙ کي رولو ڪتن ڏاڙهي وڌو *
  • *جوابدار گرفتار نه ٿيڻ خلاف مقتول ڀائرن جا پڪا چنا وٽ روڊ تي لاش رکي ڌرڻو هنيو ويو*
  • *پڪا چنا ڀرسان عورتن جي جهيڙي بعد جوابدارن فائرنگ ڪري 2 ڀائرن کي قتل ڪيو هو*
  • *سيوهڻ ڀرسان سڱاوتي تڪرار تان قتل ڪيل 2 ڀائرن جي جنازي نماز ادا، وارثن جو لاش رکي ڌرڻو*

سنڌ جا مقامي ۽ لاڏائو پکي …….وھيو (Rosy Pastor) ..خادم رند 

وھيو سنڌ جو لاڏائو (Migratory) پکي آھي جيڪو سياري جي آمد سان ھتان جا وڻ اچي وسائيندو آھي. ھن پکيءَ جو واسطو وڻن جي ٽارين تي ويهندڙ (Passerine) پکين سان آھي. وھيو ڪٻر جي خاندان (Sturnidae family) سان واسطو رکي ٿو ۽ شڪل شبيهه ۾ به گهڻي ڀاڱي ڪٻر جهڙو ئي ھوندو آھي پر رنگ مٽيل ٿيندا اٿس. وھيي جي ٻولي به وڏي حد تائين ڪٻر جي ٻوليءَ سان ملندڙ جلندڙ ھوندي آھي. وھيو سرسبز ٻنين ۽ گاهه وارن ميدانن ۾ رھندو آھي ۽ گلن وارن وڻن کي گهڻو پسند ڪندو آھي. ميلاپ وارن مخصوص ڏينهن ۾ نر جي مٿي تي ڊگهن ۽ نرم کنڀن واري چوٽي ڦٽندي آھي جيڪا سندس مستي واري حالت ۾ نمايان ٿي پوندي آھي. وھيي کي انگريزيءَ ۾ (Rosy Pastor) کانسواءِ (Rosy Starling) به سڏيو ويندو آھي. اردو ۾ کيس تلير ۽ گلابي مينا سڏيندا آھن ۽ سائنسي نالو (Pastor roseus) اٿس. ھن جي چھنب ۽ ٽنگون پيلاڻ مائل نارنگي ۽ پٺي، ڪلھا، ڇاتي ۽ پيٽ جو اڳيون حصو گلابي رنگ جا ٿيندا آھن. جڏهن ته منڍي، ڪنڌ، ڳچي، پر، پڇ ۽ پيٽ جو پويون حصو چمڪندڙ ڪاري رنگ جا ھوندا اٿس. نر جي ڀيٽ ۾ ماديءَ جا رنگ ڌنڌلا ٿيندا آھن. وھيي جي ڊيگهه 20 کان 22 سينٽي ميٽرن تائين هوندي آهي، وزن 60 کان 90 گرام ۽ پرن جي پکيڙ 35 کان 40 سينٽي ميٽرن تائين ھوندي آھي.
وھيو پنهنجو نسل ڏکڻ اوڀر يورپ ۽ ڏکڻ اولهه ايشيا وارن علائقن ۾ وڌائيندو آھي. جيئن ئي موسم ٿڌي ٿيندي آھي ته وھيا اسان وٽ پهچڻ شروع ڪندا آھن. ھي اڏام جا ڏاڍا مضبوط ٿيندا آھن. سندن اڏام وڏن وڳرن جي صورت ۾ ۽ گهڻي شور واري ھوندي آھي. وھيو گهڻي ڀاڱي ساوڪ، ميون ۽ ٻجن تي گذران ڪندڙ پکي آھي پر ميلاپ وارن ڏينهن ۾ ھي مختلف قسمن جا جيت به کائيندو آھي جن ۾ تڏا ۽ ماڪڙ شامل ھوندا آھن. جڏهن کاڌو ججهي مقدار ۾ موجود ھجي ته ھي پکي پنهنجي ضرورت کان ڪجهه وڌيڪ ئي کائيندا آھن، جنهن ڪري سندن وزن وڌي ويندو آھي. ماڪڙ ته ھن جو من پسند کاڌو آھي. 
چين ۾ 1980ع ۾ وھين ذريعي ماڪڙ جي خاتمي جي ھڪ رٿا تيار ڪئي وئي. رٿا ھيٺ وھين لاءِ هٿرادو آکيرا ٺاهيا ويا ته جيئن اھي مخصوص علائقن ۾ ماڪڙ جو خاتمو ڪري ھارين ۽ آبادگارن کي نقصان کان بچائي سگهن. اھا رٿا ڏاڍي ڪامياب وئي ۽ وھين ماڪڙ مان جند آجي ڪرائي ڇڏائي. اھو ئي سبب آھي جو وھيي کي دنيا ۾ ھارين لاءِ ڏاڍو فائديمند تصور ڪيو ويندو آھي.  
وھين جي نسلي واڌ ويجهه جو عرصو رڳو مئي ۽ جون جي ٻن مھينن تائين محدود رھندو آھي. ھي پنهنجو آکيرو دريائن ۽ ڪينالن جي ڪپرن ۾ سوراخ ٺاهي يا ٻين پکين پاران اڳواٽ تيار ڪيل سوراخن ۾ ٺاهيندو آھي. ٽڪرين ۽ وڻن جا سوراخ ۽ پور به آکيري طور ڪتب آڻيندو آھي. آکيرن ۾ گاهه، ٽاريون ۽ کنڀ رکي کيس آرام وارو بڻائي ڇڏيندو آھي. وھيو جيئن ته سماجي پکي (Social Bird) آھي، انڪري پنهنجي منهن يا نويڪلائي ۾ آکيرا ٺاھڻ جي بدران گڏجي ڪالونين جي صورت ۾ آکيرا ٺاھيندا آھن. اهڙي نموني اهي اڏام به وڏا وڏا ٽولا ٺاهي ڪندا آھن. وھيي جي مادي 3 کان 6 آنا لاھيندي آھي جن جو رنگ پيلاڻ مائل نيرو ٿيندو آھي. آرو 13 کان 16 ڏينهن تائين ھلندو آھي، جنهن ۾ نر ۽ ماد ٻئي حصو وٺندا آھن. آنن مان ڦٽڻ کانپوءِ به وھيي جا ٻچا اندازن 25 ڏينهن تائين آکيري ۾ رھندا آھن، تيستائين ماءُ پيءُ گڏجي کين چوڳو مهيا ڪندا آھن.
 [email protected]

This entry was posted in Rachna. Bookmark the permalink.

Leave a Reply

Your email address will not be published. Required fields are marked *