تازا ترين
  • ڪوٽڙي: نوري آباد سپر هاءِ وي تي مسافر وين کي باهه: 9 ڄڻا سڙي فوت: ترجمان موٽروي*
  • *عادلپور ويجهو بجلي جو ڪرنٽ لڳڻ سبب نوجوان فوت *ڳوٺ رمضان ڪولاچي ۾ بجلي جو ڪرنٽ لڳڻ سبب 35ورهين جو عبدالقدوس ڪولاچي فوت ٿي ويو*
  • *حيدرآباد: ڪسٽم انٽيلينجس جي سعيد آباد ۾ ڪارروائي، انڊيا کان اسمگل ٿيل آرٽيفيشل جيولري هٿ *اسمگلر آرٽيفيشل جيولري کي چين جي ظاهر ڪئي: ڪسٽم: ذريعا *آرٽيفيشل جيولري اصل انڊيا کان اسمگل ڪئي وئي آهي:ڪسٽم ذريعا *آرٽيفيشل جيولري جي ماليت تقريبن 29ملين رپيا آهي:ڪسٽم ذريعا *
  • *ملڪاڻي شريف: ايل بي اوڊي سم نالي سميت ننڊن ٻين نالن کي لڳل گھارن جو پاڻي نيڪال نه ٿيو *گهارن سبب سوين ڪچا گھر ڪري پيا، سوين ايڪڙن تي بيٺل فصل تباهه *پاڻي نيڪال نه ٿيڻ خلاف سنڌ آبادگار ۽ عوامي تحريڪ جي ڪارڪنن جي اڳواڻي ۾ احتجاج *پاڻي نيڪال جا لنگھه بند ٿيڻ ڪري ھر سال برساتن دوران نقصان ٿيندو آهي: احتجاج ڪندڙ*
  • *ميرپورخاص ۾ ٻوڏ متاثرن جو واهر نه ٿيڻ خلاف احتجاج، راشن من پسند ماڻهن ۾ ورهائڻ جا الزام *فاقا ڪشي واري زندگي گهاري رهيا آهيون، واهر ڪئي وڃي: احتجاج ڪندڙ ٻوڏ متاثر*
  • *نوشهروفيروز: ڀرٽ ۽ سولنگي تڪرار کي ختم ڪرائڻ لاءِ وڪيلن جو منٿ ميڙ قافلو سولنگين وٽ پھتو *قافلو پهرين مرحلي ۾ سولنگي برادري وٽ مناهي پهتو، سولنگي برادري پاران مھلت طلب *سولنگي ۽ ڀرٽ ڌرين ۾ هلندڙ تڪرار ۾ هن وقت تائين ٻنهي ڌرين جا 4 ڄڻا قتل ٿي چڪا*
  • *کپرو: نوجوان شھريار قائم خاني جا قاتل گرفتار نه ٿيڻ خلاف وارثن جو احتجاجي مظاهرو *هڪ مهينو گذرڻ باوجود پوليس جوابدار گرفتار ناهي ڪري سگهي: احتجاج ڪندڙ *پوليس قاتلن کي پروٽوڪول ڏئي رهي آهي: پيءُ علي قائمخاني*
  • *جوهي ۾ بدامني خلاف شهرين جو ٿاڻي آڏو احتجاجي مظاهرو *ٻوڏ جي ماريل ماڻهن جو ڏوهارين به جيئڻ جنجال ڪري ڇڏيو آهي: احتجاج ڪندڙ *پوليس ۾ ساٿاري ۽ ڀوتارن جي پٺڀرائي هجڻ ڪري ڏوهاري سرعام گهمي رهيا آهن: احتجاج ڪندڙ *
  • *جاتي: برساتن کانپوءِ گندو پاڻي واپرائڻ سبب گيسٽرو جي مرش ۾ واڌ، اسپتال ۾ دوائن ۽ بيڊن جي کوٽ *اسپتال ۾ بيڊن جي کوٽ سبب مريض وارڊن ۾ فرش تي پيل، دوائون نه ملڻ جون به دانهون *
  • *ڄامشورو: بنيادي سهولتن جي کوٽ خلاف جدوجهد ڪميٽي پاران 24 ڪلاڪن واري علامتي بک هڙتالي ڪئمپ قائم *ڄامشورو اوور هيڊ برج هيٺيان لڳايل ڪئمپ ۾ وڏي انگ ۾ سياسي توڙي سماجي اڳواڻ ۽ شهري شريڪ *ڪامورن علمي درسگاهن جي شهرکي تباهه ڪري ڇڏيو آهي: اڳواڻ *شهر ۾ پاڻي جي کوٽ سميت رستن ۽ گهٽين ۾ گندگي جا ڍير لڳل آهن:احتجاج ڪندڙ *شهر مان اڃا تائين برساتي پاڻي نيڪال ناهي ٿي سگهيو، ضلعي انتظاميا ڪو ترقياتي ڪم ناهي ڪرايو: اڳواڻ*
  • *سنڌ ٽيڪسٽ بڪ بورڊ پاران تيار ڪيل نائين ڪلاس جو بائلاجي ڪتاب ۾ ڇپيل سيليبس ۽ بورڊ طرفان ڏنل سيليبس ۾ فرق *بورڊ پاران جاري ڪيل ليٽر وارا سيليبس ڪتاب ۾ موجود ئي نه آهن: استاد *سيليبس ۾ فرق هئڻ ڪري اسڪولن جا شاگرد ۽ استاد پريشان *بورڊ پاران جاري ڪيل ليٽر وارا سنڌ ٽيڪسٽ بورڊ جي ڪتابن جي کوٽ*
  • *اسلام آباد: ام رباب جي ٽن گهرڀاتين جو قتل ڪيس، سپريم ڪورٽ پاران روپوش جوابدار گرفتار ڪرڻ جو حڪم *چيف جسٽس جي سربراهي ۾3 رڪني بينچ 24 سيپٽمبر جي ٻڌڻي جو حڪم نامو جاري ڪيو *عدالت پاران ڊي آءِ جي حيدرآباد پاران پيش ڪيل رپورٽ تي عدم اطمينان جو اظهار *ڊي آءِ جي ايندڙ ٻڌڻي تي روپوش جوابدارن کي گرفتار ڪري عدالت کي آگاهه ڪري: حڪم نامو*
  • *اسلام آباد: بحريا ٽائون ڪراچي پاران قسطن جي ادائيگي لاءِ 2 سال مهلت گهرڻ بابت ڪيس جو حڪم نامو جاري *سپريم ڪورٽ 16 سيپٽمبر جي ٻڌڻي جو تحريري حڪم نامو جاري ڪري ڇڏيو *بحريا ٽائون جي وڪيل پاران درخواست واپس وٺڻ جي بنياد تي ڪيس اڪلايو ويو آهي: حڪم نامو *بحريا ٽائون 460 ارب رپيا ادا ڪرڻ لاءِ قسطن ۾ٻن سالن تائين مهلت گهري هئي *
  • *عمرڪوٽ ويجهو زميندار جي نجي جيل تي ڇاپو، 27 هاري بازياب *ڊسٽرڪٽ اينڊ سيشن جج عمرڪوٽ جي حڪم تي پوليس ڪارروائي ڪئي *بازياب ڪرايل هاري فرسٽ ايڊيشنل سيشن جج عمرڪوٽ جي عدالت ۾پيش *
  • *حيدرآباد تعليمي بورڊ ڏهين جماعت جي 2020 جي نتيجا جاري ڪرڻ جو اعلان ڪري ڇڏيو *ڏهين جماعت جي سائنس ۽ جنرل گروپ جا نتيجا اڄ شام 5وڳي جاري ڪيا ويندا*

روس جو دنيا کان ڌار انٽرنيٽ ٺاهڻ جو ڪامياب تجربو.

روس اعلان ڪيو آهي ته هن عالمي انٽرنيٽ جي مقابلي ۾ انٽرنيٽ جو ٺاهڻ جو ڪامياب تجربو ڪيو آهي. ان تجربي جا تفصيل اڻ چٽا آهن پر مواصلات جي وزارت موجب عام صارفين کي ڪا تبديلي محسوس نه ٿيندي. هاڻي انهن نتيجن کي صدر پيوٽن سامهون پيش ڪيو ويندو. ماهر ڪجھه ملڪن جي انٽرنيٽ تائين رسائي ختم ڪرڻ واري لاڙي تي ڳڻتي جو شڪار آهن. يونيورسٽي آف سري جي ڪمپيوٽر سائنسدان پروفيسر ايلن ووڊوارڊ جو چوڻ هو ته “افسوس جي ڳالهه آهي ته روس جي ان سفر جو رخ انٽرنيٽ کي ٽوڙڻ طرف هڪ ٻيو قدم آهي. آمراڻن ملڪن کي گھرجي ته اهي شهرين کي انٽرنيٽ تائين رسائي کي ڪنٽرول ڪن ۽ هو ايران ۽ چين طرف ڏانهن ٿا ڏسن جيڪي اڳ ئي ايئن ڪري چڪا آهن. ان جو مطلب اهو آهي ته ماڻهو ان باري ۾ ڳالهائڻ تائين رسائي حاصل نه ڪري سگھندا ته سندن ملڪن ۾ ڇا هلي رهيو آهي ۽ هو پنهنجو پاڻ ۾ ئي مگن آهن”.
مقامي انٽرنيٽ ڪيئن ڪم ڪندو آهي؟
انهن قدمن جو مقصد روس جو پنهنجي انٽرنيٽ ورڪ کي پنهنجي عالمي هم منصب سان تعلق کي محدود ڪرڻ ۽ انٽرنيٽ تائين شهرين جي رسائيءَ تي ڪنٽرول حاصل ڪرڻ آهي. پروفيسر ووڊ وارڊ موجب “ان جي لاءِ آءِ ايس پيز (انٽرنيٽ سروس فراهم ڪندڙ) ۽ ٽيلي ڪميونيڪيشن ڪمپنين کي پنهنجي حدن ۾ هڪ وڏو انٽرنيٽ جوڙڻ ۾ مدد ملندي جيئن هر ڪا وڏي ڪمپني ڪندي آهي” ته حڪومت ڪيئن هڪ خودمختيار انٽرنيٽ قائم ڪندي؟ ملڪ سمنڊ هيٺيان تارن يعني نوڊز وسيلي بين الاقوامي ويب سروس حاصل ڪندا آهن، جتان ٻين ملڪن جي مواصلاتي نيٽ ورڪس تي ۽ ٻين ملڪن جي ڊيٽا منتقل ڪرڻ لاءِ رابطن جا هنڌ هوندا آهن. انهن هنڌن کي بند ڪرڻ يا گھٽ ۾ گھٽ انهن جي نگراني ڪرڻ جي ضرورت پوندي آهي. ان لاءِ مقامي آءِ ايس پيز جي سهڪار جي ضرورت هوندي آهي ۽ جيڪڏهن صرف آڱرين تي ڳڻڻ جيترا رياستي ملڪيت وارا فرمس به ان ڪم جو حصو بڻجي وڃن ته ايئن ڪرڻ مدد ملي سگھي ٿي. هڪ ملڪ وٽ جيترا گھڻا نيٽ ورڪ ۽ رابطا هوندا، اتي ڪنٽرول حاصل ڪرڻ به ايترو ئي ڏکيو هوندو. پوءِ روس کي متبادل نظام بڻائڻ جي ضرورت پوندي. ايران نيشنل انفارميشن نيٽ ورڪ ويب سروس تائين رسائيءَ جي اجازت ڏيندو آهي پر نيٽ ورڪ تي موجود سموري مواد جي نگراني ڪئي ويندي آهي ۽ پرڏيهي ڄاڻ کي محدود رکيو ويندو آهي. ان کي ايران جي سرڪاري ٽيلي ڪميونيڪشن ڪمپني هلائيندي آهي. انٽرنيٽ رسائي کي حڪومت جي ڪنٽرول هيٺ آڻڻ جو هڪ فائدو اهو آهي ته ورچوئل پرائيويٽ نيٽ ورڪ (وي پي اين)، جيڪو اڪثر بلاڪس کي روڪڻ لاءِ استعمال ٿيندو آهي، ڪم ناهي ڪندو.
ان جو هڪ ٻيو مثال چين جي هٿ ٺوڪي گريٽ فائر وال آهي. هيءُ ڪيترين ئي بين الاقوامي انٽرنيٽ سروسز تائين پهچ ۾ رڪاوٽ پيدا ڪندي آهي، جنهن ڪري ڪيترين ئي مقامي ڪمپنين کي پنهنجا پير ڄمائڻ ۾ مدد ملي. روسي ٽيڪنالاجي جون ڪمپنيون يا انڊيڪس ۽ ميل اڳ ئي چيمپئين آهن پر ٻين مقامي ڪمپنين کي به فائدو ٿي سگھي ٿو. روس جو پنهنجو وڪيپيڊيا ٺاهڻ جو به منصوبو آهي ۽ سياستدان هڪ اهڙو بل به منظور ڪري چڪا آهن جنهن سان اهڙن سمورن سمارٽ فونز جي وڪري تي پابندي هوندي جنهن ۾ روس جو سافٽ ويئر انسٽال ٿيل نه هوندو.
ٽيڪنيڪي ڏکيائيون:
هڪ ماهر خبردار ڪيو آهي ته هن پاليسي سان اظهار جي آزادي تي پابندي لڳي سگھي ٿي پر اهو چوڻ به وقت کان اڳ آهي ته هي تجربو ڪامياب ويندو. ٿنڪ ٽينڪ نيو آمريڪا ۾ سائبر سيڪيورٽي پاليسي جي فيلو جسٽن شيرمن خابرو اداري کي ٻڌايو ته “ماضي ۾ آن لائين ڪنٽرول حاصل ڪرڻ ۾ روسي حڪومت کي ٽيڪنيڪي ڏکيائين سان منهن ڏيڻو پيو آهي. جهڙوڪ روسي شهرين کي ڳجھي مئسيجنگ ايپ ٽيلي گرام تائين پهچ حاصل ڪرڻ کان روڪڻ ۾ وڏي حد تائين ناڪام ڪوششون وغيره. ان تجربي جي اڻپوري ڄاڻ جي ڪري ان ڳالهه جو اندازو لڳائڻ ڏکيو آهي ته روس کي ڌار انٽرنيٽ جي ان سفر ۾ ڪيتري حد تائين ڪاميابي ملي سگھي ٿي ۽ ڪاروباري نقطهءَ نظر سان هاڻي اهو ڏسڻو آهي ته روس کي ملڪي ۽ پرڏيهي سطح تي ڪيتري دٻاءُ کي منهن ڏيڻو ٿو پوي.”
مواصلات واري وزارت جي نائب سربراهه جو چوڻ هو ته هي تجربو منصوبابندي تحت پورو ڪيو ويندو. اليڪسي سوڪولو چيو ته مشقن جي نتيجن مان اهو ظاهر ٿو ٿئي ته روسي فيڊريشن ۾ عام طور، عملدار ۽ ٽيلي ڪام آپريٽرز اڀرندڙ خطرن جو اثرائتي انداز ۾ جواب ڏيڻ ۽ انٽرنيٽ ۽ گڏيل ٽيلي مواصلات نيٽ ورڪ جي مضبوط ڪم کي يقيني بڻائڻ جي لاءِ تيار آهن.” روس جي سرڪاري نيوز ايجنسي جي اطلاعن موجب انهن تجربن ۾ انٽرنيٽ وارن اوزارن جي ڪمزوري جو اندازو لڳايو آهي ۽ ان ۾ “پرڏيهي ناڪاري اثرن” جو مقابلو ڪرڻ لاءِ نيٽ جي صلاحيت کي جاچڻ جي هڪ مشق به شامل آهي.
-ترجمو: ارشد سولنگي

This entry was posted in Technology. Bookmark the permalink.

Leave a Reply

Your email address will not be published. Required fields are marked *