تازا ترين
  • *ميرپورخاص ۾ بئنڪ عملي جي مبينا زيادتين خلاف استادن جو احتجاجي مظاهرو *بئنڪ عملو ايجنٽس ذريعي پگهارن مان 3 کان 4سئو روپيا ڪٽوتي رشوت وٺن ٿا: مظاهرين *
  • *موهن جو دڙو ويجهو گرمي جي سٽ نه سهندي پورهيت فوت ٿي ويو *ڳوٺ انب پور واسي 35ورهين جو نياز علي جوڳي گرمي سبب فوت ٿي ويو *نياز علي گهر ۾ ويٺو هو، اوچتو گرمي جون دانهون ڪرڻ بعد فوت ٿي ويو: وارث *
  • *دوڙ ۾ 11 عورتن سميت وڌيڪ 18ڄڻا ڪورونا جو شڪار، متاثرن جو انگ 86 ٿي ويو *ڪورونا متاثرن کي سندن گهرن ۾ آئيسوليٽ ڪيو ويو آهي: فوڪل پرسن *
  • *دادو مان شاگرد ٻن ڏينهن کان پراسرار نموني گم *نائين ڪلاس جو شاگرد مير ماجد پنهور ٻن ڏينهن کان پراسرار نموني گم، ڳولا باوجود ڏس پتو نه پيو *خميس جي ڏينهن کان ڀاءُ گم آهي: خالد پنهور *
  • *ڇاڇرو ۽ ڏاهلي تعلقن ۾ ٻيهر ماڪڙ جا ڪٽڪ پهچي ويا *تازو برسات کانپوءِ ڦٽل گاهه ماڪڙ کائي چٽ ڪري ڇڏيو، ڏڪار متاثر ماروئڙا پريشان *
  • *حيدرآباد: احساس ڪفالت پروگرام جي رقم سينٽر بدران فصل ۾ ڏيڻ وارو معاملو، عملدارن نوٽيس ورتو *ٽائيم نيوز تي خبر نشر ٿيڻ کانپوءِ احساس پروگرام جي عملدارن نوٽيس ورتو، جاچ جو حڪم جاري *هوسڙي ۾ قائم سينٽر جي ايجنٽ 1000 رپيا ڪٽوتي ڪري مستحق ماڻهن کي رقم ڏني *
  • *واهي پانڌي: نئن نلي تي ڊيم ٺاهڻ خلاف جمالي ۽ شاهاڻي برادري پاران احتجاجي ريلي، ڌرڻو *مظاهرين اسپتال کان گورک چوڪ تائين احتجاجي ريلي ڪڍي ڌرڻو هنيو،ڇتي نعريبازي *نئن نلي جي قدرتي وهڪري تي سمال ڊيم ٺهڻ سان زمينون بنجر ٿي وينديون: مظاهرين *
  • *خيرپورناٿن شاهه ويجهو نوجوان مبينا ڦاهو کائي آپگهات ڪري ڇڏيو *ڳوٺ ڪريم داد لنڊ واسي ساجد جمالي گهر اندر مبينا ڦاهو کائي آپگهات ڪيو *
  • *ڏاهلي تعلقي ۾ ڪورونا وائرس جا وڌيڪ 14ڪيس ظاهر، متاثر گهرن ۾ آئيسوليٽ *ڇاڇرو ۽ ڏاهلي تعلقن ۾ ڪورونا جي متاثرن جو انگ143ٿي ويو*
  • *ٻانڌي ۾ ڪورونا جا وڌيڪ 7ڪيس ظاھر، متاثرن جو انگ وڌي11 ٿي ويو *سمورا متاثرن پنهنجي گهرن اندر آئيسوليٽ *3ڏينھن اڳ رورل ھليٿ سينٽر جي ملازمن سميت 50ماڻھن جا سيمپلز ورتا ويا هئا *7ڄڻن ۾ ڪورونا جي تصديق ٿي آهي: صحت کاتو*
  • *سکر: سرڪاري ڪڻڪ ۾ خرد برد ۽ اسمگلنگ ۾ ملوث جوابدارن خلاف نيب جي ڪارروائي *ڪڻڪ اسمگلنگ جي الزام ھيٺ نوشھرفيروز مان 3 ڄڻا گرفتار: نيب ذريعا *گرفتار ٿيلن ۾ عظيم آرائين، جمعا خان ۽ منور شامل آهن: نيب ذريعا *گرفتار جوابدارن تي ڪروڙين رپين جي ڪڻڪ اسمگل ڪرڻ جو الزام آهي: نيب ذريعا *
  • *جيڪب آباد ۾ مقتول نوجوان اسلم شاهه جي قاتلن جي گرفتاري لاءِ ڪيل احتجاج تي پوليس جي ڪاهه *پوليس مقتول نوجوان جي وارث عورتن ۽ ٻارڙن کي موبائل ۾ کنڀي کڻي وئي *
  • *ڪي اليڪٽرڪ کي واڌو گئس جي فراهمي باوجود بجلي جي اڻ اعلانيل لوڊشيڊنگ جاري *ملير، شاهه فيصل، ڪورنگي، قائد آباد، ناظم آباد، ڊفينس ۽ ٻين علائقن ۾ لوڊشيڊنگ *
  • *قاضي احمد ۾ وڌيڪ19 ڄڻن کي ڪورونا جي تصديق، متاثرن ۾ 5 عورتون به شامل *هڪ ڏينهن اڳ 86 ماڻهن جا سيمپلز ورتا ويا هئا، 19ڄڻن ۾ وائرس جي تصديق ٿي *
  • *نئون ڪوٽ: مٺي روڊ تي ٻن چنگچي رڪشائن وچ ۾ ٽڪر، 4 ڄڻا زخمي *اعواڻ پيٽرول پمپ ڀرسان ٻن چنگچي رڪشائن ۾ ٽڪر ٿيو، زخمي اسپتال منتقل *زخمين ۾ عمران راجپوت، عاقل، دانش راجپوت ۽ صداقت راجپوت شامل *
امام الحق: 8عورتن کي دوکو ڏيڻ۽ هراسمينٽ جوالزام
قومي ڪرڪيٽ ٽيم جي اوپنر امام الحق جو هڪ ٻيو اسڪينڊل سامهون اچي ويو، هو اڳوڻي چيف سليڪٽر انضمام الحق جو ڀائيٽيو آهي

ڪراچي(اسپورٽس نيوز) قومي ڪرڪيٽ ٽيم جي اوپنر امام الحق جو هڪ ٻيو اسڪينڊل سامهون اچي ويو آهي. امام الحق چيف سليڪٽر انضمام الحق جو ڀائيٽو آهي، مٿس سفارش جو الزام هنيو ويو هو. سماجي رابطن واري ويب سائيٽ تي هڪ صارف امام الحق سان واٽس ايپ تي ٿيل مبينا ڳالهه ٻولهه شيئر ڪندي الزام هنيو ته اوپنر کيس ڪهاڻيون ٻڌائي دوکو ڏيندو رهيو. امام الحق تي مبينا طور تي الزام لڳايو ويو آهي ته هن 7 کان 8 عورتن کي هراسان ڪيو ۽ دوکو ڏنو آهي.سوشل ميڊيا تي عورتن قومي اوپنر تي هراسمينٽ ۽ دوکو ڏيڻ جا الزام لڳايا ۽ واٽس ايپ تي ٿيل ڳالهه ٻولهه جا اسڪرين شاٽس به لڳايا. ٽوئيٽر تي هيش ٽيگ “مي ٽو ۽ امام الحق” ٽاپ ٽرينڊ بڻجي ويو آهي، جڏهن ته امام الحق ڪوبه رد عمل ظاهر نه ڪيو آهي.واضح رهي ته ڪجهه عرصو اڳ بلاگر ۽ وي لاگر يوخانو جي نالي سان مشهور عمر خان به اهڙن ئي الزامن جي ور چڙهيو هو، ان کان اڳ امام الحق کي “پرچي” ۽ سيلفش ڪرڪيٽ جو لقب به ملي چڪو آهي. امام الحق کي خودغرض ڪرڪيٽر جو لقب سندس سست انداز جي ڪري ڏنو ويو آهي، جڏهن ته چيف سليڪٽر انضمام الحق جو ڀائيٽو هئڻ جي ڪري مٿس پرچي جو ليبل به لڳي چڪو آهي.

هٿ ۾ سور هو، چيائون ته ڪيتري تڪليف برداشت ڪري سگهين ٿو: وهاب رياض
هٿ ۾ سور هو، مون الله ڏانهن ڏٺو ۽ چيو ته الله مونکي عزت ڏئي سگهي ٿو ۽ اسان ميچ کٽي وياسين

ليڊز(اسپورٽس نيوز) پاڪستاني ڪرڪيٽ ٽيم جي فاسٽ بالر وهاب رياض جو چوڻ آهي ته جڏهن مان بيٽنگ لاءِ ويس ته هٿ ۾ ڏاڍي تڪليف هئي. فاسٽ بالر وهاب رياض عماد وسيم سان گڏ پاڪستان کي ڪاميابي ۾ اهم ڪردار ادا ڪيو، وهاب رياض ٽٽل آڱر سان ميچ ۾ شرڪت ڪئي. ميچ بعد وهاب رياض جو چوڻ هو ته جڏهن بيٽنگ لاءِ ويس ته ڏاڍي تڪليف هئي، هٿ ۾ سور هو، مون الله ڏانهن ڏٺو ۽ چيو ته الله مونکي عزت ڏئي سگهي ٿو ۽ اسان ميچ کٽي وياسين. هن چيو ته مون سڀ ڪجهه الله تي ڇڏي ڏنو هو، اهو عزت ۽ ذلت ڏيڻ وارو آهي، افغانستان خلاف ميچ جو فيصلو ٽيم انتظاميا مون تي ڇڏيو هو، ميچ کان اڳ مونکان پڇيو ويو ته ڪيتري تڪليف برداشت ڪري سگهين ٿو. وهاب رياض راشد خان کي مڊ وڪيٽ بائونڊري مٿان شاندار ڇڪو هڻي پاڪستان لاءِ هدف وڌيڪ آسان بڻائي ڇڏيو هو. وهاب رياض چيو ته وارم اپ بالنگ بعد مون چيو هو ته ميچ ۾ سيڪڙو ڏيڻ جي ڪوشش ڪندس، فيلڊنگ ۽ بيٽنگ بابت ڪجهه نٿو چئي سگهان.هن چيو ته ڪپتان مونکي يقين ڏيارڻ لاءِ چيو ته مان سئو سيڪڙو ڏيندس، مون ها چيو ته ان چيو ته اچو کيڏو، جنهن منهنجي اعتماد ۾ واڌ ڪئي.

نيوزيلينڊ خطرناڪ ٽيم آهي: ايئن مورگن
لارڊز ۾ پنهنجي ماڻهن کي فائنل کٽي خاص تحفو ڏيڻ چاهيون ٿا، 27سالن بعد فائنل کيڏي رهيا آهيون

لارڊز(اسپورٽس نيوز) ورلڊ ڪپ ۾ انگلش ڪرڪيٽ ٽيم جي ڪپتان ايئن مورگن چيو آهي ته نيوزيلينڊ ٽيم خطرناڪ آهي، تنهنڪري ان کي ڪمزور حريف سمجهڻ جي غلطي نه ڪنداسين، پرجوش ماحول ۾ انگلينڊ ڪامياب ٿيندو ته انگلش ڪرڪيٽ کي فائدو ٿيندو.لارڊز ۾ پريس ڪانفرنس ڪندي مورگن چيو ته لارڊز ۾ پنهنجي ماڻهن کي فائنل کٽي خاص تحفو ڏيڻ چاهيون ٿا، 27سالن بعد لارڊز ۾ فائنل کيڏي رهيا آهيون، ٽورنامينٽ جو فائنل کٽڻ لاءِ پرعزم آهيون. هن چيو ته گذريل چئن سالن جي محنت رنگ لاتو آهي، اسان وٽ خاص موقعو آهي، پوري ٽيم چاهي ٿي ته پنهنجي قوم لاءِ ڪجهه خاص ڪيون.هڪ سوال جي جواب ۾ مورگن چيو ته فائنل اليون ۾ 11 رانديگرن اچي سگهن ٿا، سڀ ٽيم ۾ شامل نٿا ٿي سگهن، هن وقت رڳو ورلڊ ڪپ تي ڌيان ڏئي رهيا آهيون.هن چيو ته لارڊز ۾ هاءِ اسڪورنگ ميچ ناهن ٿينديون، تنهنڪري هاءِ اسڪورنگ ميچ جي امڪان ناهي، اسان ورلڊ ڪپ ٽرافي کٽڻ لاءِ پرعزم آهيون، پنهنجي مداحن کي مايوس نه ڪنداسين..

پاڪستان 1992ع واري ورلڊ ڪپ ۾ اربع تي نيوزيلينڊ کي هارايو هو
18 مارچ اربع تي پاڪستان نيوزيلينڊ کي گروپ ميچ ۾ شڪست ڏني هئي

ڪراچي: انگلينڊ ۾ جاري ڪرڪيٽ ورلڊ ڪپ پاڪستان لاءِ هيل تائين 1992 واري ورلڊ ڪپ جيان ئي هلي رهيو آهي ۽ ٻنهي ميگا ايونٽس وچ ۾ پاڪستان جي حوالي سان ڪيتريون ئي هڪ جهڙايون سامهون اچي چڪيون آهن. پاڪستان ۽ نيوزيلينڊ وچ ۾ ورلڊ ڪپ جي اهم ميچ کان اڳ 1992 ۽ هلندڙ ورلڊ ڪپ جي هڪ ٻي هڪجهڙائي سامهون آئي آهي ۽ جيڪڏهن تاريخ پاڻ کي ورجائي ٿي ته اها هڪجهڙائي به پاڪستان جي حق ۾ رهندي. 1992 واري ورلڊ ڪپ ۾ به جڏهن 18 مارچ تي پاڪستان نيوزيلينڊ کي گروپ ميچ ۾ شڪست ڏني ته اهو ڏينهن اربع جو هو ۽ هن ڀيري به جڏهن پاڪستان ۽ نيوزيلينڊ آمهون سامهون آيا ته اهو ڏينهن به اربع جو هو. 1992 ۾ نيوزيلينڊ خلاف ميچ ۾ رميز راجا 119 رنز جي کيڏي هئي. ميچ کان اڳ پاڪستاني شوقينن اميد جو اظهار ڪيو ته جيڪڏهن تاريخ پاڻ کي ورجائي ٿي ته پاڪستان نيوزيلينڊ کي شڪست ڏيندو. ورلڊ ڪپ 2019 ۾ پاڪستان جي ڪارڪرڪدگي تي نظر وجهجي ته 1992 واري ورلڊ ڪپ کان مختلف ناهي.

شهپر هجن ته اهڙا” محمد حفيظ جو شهپر وٽڻ جو انداز مقبول

لنڊن (اسپورٽس نيوز) ڪرڪيٽ جي ميدانن ۾ بيٽ گهمائڻ ته راند جو حصو آهي ۽ ان ۾ پاڪستاني ڪرڪيٽر محمد حفيظ مهارت رکي ٿو پر اڄڪلهه هو بيٽ سان گڏوگڏ پنهنجي شهپرن کي به گهمائي رهيو آهي ۽ سندس اهو انداز سوشل ميڊيا تي ايتري ته مقبوليت ماڻي چڪو آهي جو آءِ سي سي پنهنجي عالمي ڪپ آفيشل ٽوئيٽر اڪائونٽ تان ان کي شئير ڪيو آهي جنهن تي واهپيدار دلچسپ تبصرا ڪري رهيا آهن.آءِ سي سي پنهنجي ورلڊ ڪپ ٽوئيٽر اڪائونٽ تي ان ڏس ۾ هڪ ويڊيو شيئر ڪئي آهي جنهن ۾ پاڪستاني ٽيم جي هيڊ ڪوچ مڪي آرٿر، ڪپتان سرفراز احمد ۽ امام الحق سميت ڪرڪيٽ سان چاهه رکندڙ ننڍڙا ٻالڪ حفيظ جي شهپرن کي وٽڻ واري انداز جي نقل ڪري رهيا آهن.ويڊيو ۾ مڪي آرٿر چيو ته محمد حفيظ جنهن نموني هر هر پنهنجن شهپرن کي وٽيندو آهي سندس اهو هڪ الڳ ئي انداز آهي، هو فيشن جو شعور رکي ٿو.سرفراز احمد کان سوال ڪيو ويو ته جيڪڏهن اوهان کي محمد حفيظ لاءِ ڪو هڪ لفظ چوڻ هجي ته اهو ڪهڙو هوندو جنهن جي جواب ۾ هن چيو ته ” پروفيسر “، امام الحق جو چوڻ هو ته محمد حفيظ هڪ بهترين رانديگر آهي، هو ڏاڍو سٺو کيڏندو آهي ۽ جڏهن بالنگ هلائيندو آهي ته تمام گهڻي رواني سان هلائيندو آهي.

ورلڊ ڪپ ٽرافي پاڪستان کڻي اچو، تاحيات بجلي مفت وٺو: پنجاب جي وزير جي انوکي آڇ

لاهور(م ڊ) پنجاب جي توانائي بابت وزير ڊاڪٽر اختر ملڪ ورلڊ ڪپ کٽڻ جي صورت ۾ رانديگرن جي گهرن ۾ تاحيات مفت بجلي مهيا ڪرڻ جو اعلان ڪري ڇڏيو.ڊاڪٽر اختر ملڪ چيو ته رانديگر باقاعدا کيڏن ۽ ملڪ جو نالو روشن ڪن، سندن گهرن کي هميشه لاءِ روشن ڪرڻ اسان جي ذميواري آهي.هن ميڊيا سان ڳالهائيندي چيو ته دنيا کي ٻڌائي ڇڏيو ته هي نئون پاڪستان آهي ۽ ورلڊ ڪپ کٽن تي ڪرڪيٽرن کي تاحيات مفت بجلي مهيا ڪئي ويندي.

پاڪستان سپر ليگ جي رانديگرن کي 2 ڏينهن آرام جو موقعو ملي ويو

لاهور(اسپورٽس نيوز) پاڪستان سپر ليگ ۾ شامل رانديگرن کي 2 ڏينهن جو آرام جو موقعو ملي ويو آهي، جڏهن ته سومر کان شيخ زيد اسٽيڊيم ابوظهبي ۾ ميچز ٿينديون. پي ايس ايل فور جي شروعاتي مرحلي ۾ دبئي انٽرنيشنل ڪرڪيٽ اسٽيڊيم ۾ 7 ميچز کيڏيون ويون، جنهن کانپوءِ شارجا ۾ 8 مقابلا ٿيا، هڪ ڀيرو ٻيهر دبئي ۾ ميدان لڳو ۽ 7 ميچز جو رائونڊ مڪمل ٿي ويو. 2 ڏينهن آرام کانپوءِ سومر تي ابوظهبي ۾ ميچز ٿينديون، جتي پهرين ڏينهن پشاور زلمي ۽ ڪوئيٽا گليڊي ايٽرز، جڏهن ته ڪراچي ڪنگز ۽ ملتان سلطانز ٽيمون آمهون سامهون ٿينديون. ڪراچي ۽ لاهور ۾ رٿيل ميچز لاءِ تياريون مڪمل ڪيون ويون آهن، جڏهن ته دبئي مرحلو مڪمل ٿيڻ کانپوءِ عالمي رانديگر پنهنجي ملڪن ڏانهن به روانا ٿي رهيا آهن، جيڪي آرام بعد پاڪستان ايندا.

2 ڏينهن آرام بعد سومر تي ابوظهبي ۾ ميچز ٿينديون، پشاور زلمي ۽ ڪوئيٽا گليڊي ايٽرز ۾ آمهون سامهون ٿينديون

2 ڏينهن آرام بعد سومر تي ابوظهبي ۾ ميچز ٿينديون، پشاور زلمي ۽ ڪوئيٽا گليڊي ايٽرز ۾ آمهون سامهون ٿينديون

ڀارت هٿان شڪست جو ذميوار رڳو سرفراز نه پر سڀ آهيون: محمد حفيظ

لنڊن(اسپورٽس نيوز) قومي ٽيم جي تجربيڪار بيٽسمين محمد حفيظ جو چوڻ آهي ته ورلڊ ڪپ ۾ ڀارت هٿان شڪست جو اوترو ئي ڏک آهي جيترو ڪنهن ٻئي کي آهي. لنڊن ۾ پريڪٽس سيشن کانپوءِ ميڊيا جي نمائندن سان ڳالهائيندي محمد حفيظ جو چوڻ هو ته گذريل ڪجهه ڏينهن مايوس ڪندڙ ۽ تڪليف ڏيندڙ هئا پر هاڻي ٽيم طور ايندڙ چيلينج جي تياري ڪري رهيا آهيون. محمد حفيظ جو چوڻ هو ته ٽوئٽ ڏسي فيصلا نٿا ڪري سگهجن، ڀارت خلاف ٽاس کٽي فيلڊنگ جو فيصلو ٽيم جو گڏيل هو پر اسان سٺي بالنگ نه ڪئي. هڪ سوال جي جواب ۾ محمد حفيظ چيو ته اسان ٽيم طور سٺو نه کيڏيو، خراب پرفارمنس جو ذميوار ڪو هڪ نه پر سڀ رانديگر آهن. هن چيو ته ڪو به رانديگر شڪست لاءِ ميدان ۾ ناهي لهندو، رانديگرن تي ذاتي حملا ڪرڻ ٺيڪ ناهن. شعيب ملڪ بابت سوال تي محمد حفيظ چيو ته مان هجان يا شعيب ملڪ، سڀ ٽيم جي بهتري لاءِ کيڏندا آهيون، شعيب ملڪ خراب ڪارڪردگي باوجود به هاڪاري انداز ۾ تياري ڪري رهيو آهي. محمد حفيظ چيو ته پوائنٽس ٽيبل تي ٽيم کي هيٺ ڏسي تڪليف ٿئي ٿي پر ٽورنامينٽ ۾ اڃا به چانس باقي آهي، اڳتي سٺي ڪرڪيٽ کيڏنداسين.

انگلينڊ ۽ آسٽريليا اڄ دوبدو: سڀاڻي پاڪ-نيوزيلينڊ جود نگل

لنڊن(اسپورٽس نيوز) انگلينڊ ۽ آسٽريليا اڄ ميدان تي لهڻ لاءِ تيار آهن، جڏهن ته سڀاڻي پاڪستان جو ورلڊ ڪپ جي نمبر ون ٽيم نيوزيلينڊ سان مقابلو شيڊيول آهي. ورلڊ ڪپ جي ميزبان ٽيم انگلينڊ 8 پوائنٽس سان پوائنٽس ٽيبل تي چوٿين نمبر تي موجود آهي، جڏهن ته آسٽريليا جا 10 پوائنٽس آهن. پاڪستان 5 پوائنٽس سان ستين نمبر تي آهي، جڏهن ته نيويلينڊ 11 پوائنٽس سان پهرين نمبر تي آهي. ٻئي ميچز پاڪستاني وقت موجب منجهند اڍائي وڳي شروع ٿينديون. پاڪستان کي سيمي فائنل ۾ پهچڻ لاءِ باقي ٽي ميچز کٽڻيون آهن، جنهن کانپوءِ سيمي فائنل ۾ ڪواليفاءِ ڪرڻ جا چانسز وڌي ويندا. نيوزيلينڊ کي سيمي فائنل ۾ پهچڻ لاءِ رڳو هڪ ميچ کٽڻي آهي. قومي ٽيم اڄ پريڪٽس سيشن شروع ڪندي. هيڊ ڪوچ مڪي آرٿر، بالنگ ڪوچ رانديگرن کي ٽريننگ ڏيندا. هوڏانهن مڪي آرٿر جو چوڻ آهي ته پاڪستان جي فيلڊنگ لائين ڪمزور آهي. ٽيم کي فيلڊنگ تي وڌيڪ ڌيان ڏيڻ جي ضرورت آهي.

آفريدي ٽنڊولڪر، ڌوني بدران رڳو ڪوهلي کي پنهنجي ٽيم ۾ ڇو شامل ڪيو؟

ڪراچي(اسپورٽس نيوز) اڳوڻي ڪپتان ۽ آل رائونڊر شاهد آفريدي پنهنجي آل ٽائم ورلڊ ڪپ اليون ۾ سچن ٽنڊولڪر ۽ ايم ايس ڌوني کي نه کڻڻ ۽ رڳو ڀارت جي ويرات ڪوهلي کي ٽيم جو حصو بڻائڻ جو سبب ٻڌائي ڇڏيو. ڀارتي ميڊيا موجب شاهد آفريدي جو چوڻ آهي ته سچن ٽنڊولڪر ۽ مهندرا سنگهه ڌوني سندس پسنديده ڀارتي رانديگرن ۾ شامل آهن، ٽنڊولڪر ۽ ڌوني عظيم رانديگر آهن ۽ جن ڀارتي ڪرڪيٽ بورڊ کي ڪيئي ڪاميابيون ڏياريون، شاهد آفريدي چيو ته ڪوهلي کي ٽيم ۾ ان ڪري شامل ڪيو ته هو بيٽنگ ڪندي خوبصورت لڳندو آهي.آفريدي پنهنجي ٽيم ۾ سعيد انور ۽ ايڊم گلڪرسٽ کي اوپنرز جي حيثيت ۾ شامل ڪيو، جنهن جو مطلب ته ٽنڊولڪر ۽ ڌوني لاءِ ٽيم ۾ ڪابه جاءِ ناهي، جڏهن ته ڀارت جي رڳو ويرات ڪوهلي کي رڪي پونٽنگ بعد چوٿين نمبر تي رکيو ويو. شاهد آفريدي جي آل ٽائيم ورلڊ اليون ۾ سعيد انور، ايڊم گلڪرسٽ، رڪي پونٽنگ، ويرات ڪوهلي، انضمام الحق، جيڪ ڪيلس، وسيم اڪرم، گلين مڪ گرا، شين وارن، شعيب اختر ۽ ثقلين مشتاق شامل آهن.شاهد آفريدي موجب ڀارت جا سمورا دورا خوب انجواءِ ڪيا، ڇاڪاڻ ته مونکي ڀارت خوب پيار ڏيندا آهن، ڪرڪيٽ ٻنهي ملڪن ۾ ڇڪتاڻ گهٽائڻ جو ذريعو آهي.

عمر ڪوٽ جا اُستاد ڪرڪيٽ ۾ به اڳتي، کيت گلوبل ٽيم نائٽ ٽورنامينٽ جو فائنل کٽي ورتو
گلوبل ٽيم پھرين کيڏندي مقرر 6 اوورن ۾ 101 رنسون ٺاهيون، کيت سنگھه 17 بالن تي 48 رنز ٺاهي نمايان رهيو

عمرڪوٽ (رپورٽ: اوي گوسوامي) عمر ڪوٽ ۾ نائٽ ڪرڪيٽ ٽورنامينٽ ڪرائي وئي، جنهن ۾ ماڊرن اسڪول ۽ گلوبل ٽيمن آمهون سامهون ٿيون. گلوبل اسڪول ٽيم پھرين کيڏندي مقرر 6 اوورن ۾ 101 رنسون ٺاهيون، جنهن ۾ کيت سنگھه 17 بالن تي 48 رنز ٺاهي نمايان رهيو. جواب ۾ ماڊرن اسڪول ٽيم جا استاد رانديگر ٻوٽو نه ٻاري سگهيا ۽ سموري ٽيم مقرر 6 اوورن ۾ رڳو 25 رنسون ٺاهي سگھي.فائنل ۾ پهتل شاگرد ٽيمن ۾ مھران اسڪول ۽ سنگم اسڪول ٽيم مقابلو ڪيو. مھران اسڪول ٽيم پھرين کيڏندي 6 اوورن ۾ 3 وڪيٽن جي نقصان تي 52 رنسون ٺاهيون، جواب ۾ سنگم اسڪول ٽيم 53 رنسون ٺاهي ميچ کٽي ورتي.ان موقعي تي اشفاق احمد ميراڻي، عبدالرحمان راجڙ، نبي بخش سومرو ۽ ٻين ونر ۽ رنر ٽيم جي ڪپتانن کي ٽرافيون ڏنيون. اڳواڻن نوجوان رانديگرن جي حوصلا افزائي سان گڏ اميد ظاهر ڪئي ته مستقبل ۾ به ائين ئي بهترين راند کيڏندا رهندا، ڇاڪاڻ ته رانديون صحت مند سرگرمي جو علامت آهي.

پنو عاقل ۾ ٽي ٽين ٽورنامينٽ، سنڌ نيشنل ٽيم سوڀاري

پنو عاقل (رپورٽ: نديم بوزدار) پنو عاقل ۾ ٽي ٽين ٽورنامينٽ هِڪ ڏينهن جي وقفي بعد دلچسپ مقابلا ستين ڏينهن به هلندڙ، سنڌ نيشنل ٽاس کٽي بالنگ جو فيصلو ڪيو، جيڪو درست ثابت ٿيو. شهيد ذوالفقار علي ڀٽو اسپورٽس ڪمپليڪس ۾ آل سنڌ ڊاڪٽر آفتاب سومرو ٽي ٽين نائيٽ ٽورنامينٽ ۾ عبدالرحمان ڪلب لاڙڪاڻا جي ٽيم مقرره 10 اوورن ۾ 8 وڪيٽن جي نقصان تي علي رضا جي 26 رنسن جي مدد سان 94 رنسن جو ٽارگيٽ ڏنو، جواب ۾ سنڌ نيشنل مليل ٽارگيٽ جو پيڇو ڪيو ۽ سجاد بلو جي زبردست ۽ جارحانه بيٽنگ سان آخري بال تي ميچ پنهنجي نالي ڪيو. اهڙي ريت هي رائونڊ سنڌ نيشنل ڪلب سکر مئچ کٽي پنهنجي نالي ڪيو. آرگنائزر عاشق حيدري ۽ آصف مهر جو چوڻ هو ته هِڪ ڏينهن جي ريسٽ بعد ميچون ٻيهر شروع ٿي ويون آهن ۽ ٽورنامينٽ کي ڏسڻ لاءِ شهري وڏي انگ ۾ شرڪت ڪن پيا.

گهوٽڪي جا رانديگر

گهوٽڪي جا رانديگر

گهوٽڪي ۾ ڪرڪيٽ جو دنگل، رانديگرن کي انعام ڏنا ويا

گهوٽڪي(رپورٽ: ماجد علي سنگهڙ)گهوٽڪي ۾ عماره هائيرسڪنڊري اسڪول ۾ اسپورٽس ويڪ جي حوالي سان ٽيون رائونڊ ٿي گذريو. اڄ ٽيئن راونڊ ۾ يارنهين ڪلاس جي ٽيم ڏهين ڪلاس جي ٽيم کي شڪست ڏئي سيمي فائينل لاء ڪواليفاءِ ڪري ورتو. گهوٽڪي جي ڪلمه چوڪ جي ڪرڪيٽ گراونڊ تي عماره هائير سيڪنڊري اسڪول طرفان شروع ٿيل اسپورٽس ويڪ جي حوالي سان اڄ ٽيئن راونڊ ۾ يارنهن ڪلاس ۽ ڏھين ڪلاس جي ڪرڪيٽ ٽيمن ۾ مقابلو ٿيو. يارنهن ڪلاس جي ڪرڪيٽ ٽيم جي ڪپتان اسامه سليمان ٽاس کٽي پهريان بيٽنگ ڪرڻ جو فيصلو ڪيو ۽ مقرر 8 اورن ۾ 74 رنسون اسڪور ڪيون.ڏهين ڪلاس جي ڪرڪيٽ ٽيم 74 رنسون جو ڏنل حدف حاصل ڪرڻ جي ڪوشش ڪئي، 7 اورن ۾ سموري ٽيم 60رنسون ٺاهي سگهي ال آئوٽ ٿي وئي. اهڙي طرح يارنهن ڪلاس جي ڪرڪيٽ ٽيم ڪاميابي پنهنجي نالي ڪري سيمي فائينل لاء ڪواليفاءِ ڪري ورتو

مرزا پور ۾ سپر ڪپ ٽورنامينٽ ۾ طارق اليون سوڀاري

مرزاپور(ن پ ا) مرزاپور ۾ رمضان سپر ڪپ ٽورنامينٽ جا دلچسپ مقابلا جاري آهي، ڪالهه طارق اليون ۽ سيد اليون ۾ ميچ کيڏي وئي. سيد اليون ٽاس کٽي پهريان بيٽنگ ڪندي 10اوورن ۾ 96رنسن جو ٽارگيٽ ڏنو، جنهن ۾ مجيب لوهر 34 ۽ تنوير جوڻيجو 30رنز ٺاهي نمايان رهيا، جڏهن ته اظھر شيخ 2 ۽ طاهر انصاري هڪ شڪار ڪيو. جواب ۾ طارق اليون سخت مقابلي بعد آخري اوور ۾ هدف پورو ڪري ميچ پنهنجي نانءُ ڪري ورتي، جنيد شيخ 30 ۽ طارق انصاري 20 رنز ٺاهي سوڀ ڏيارڻ ۾ ڪردار ادا ڪيو.

مصباح جو ٻارڙن جي دل جي مفت سرجري اسپتال ٺاهڻ جو اعلان

فيصل آباد (اسپورٽس ڊيسڪ) عمران خان بعد مصباح الحق به ملڪ ۾ اسپتال ٺاهڻ جو اعلان ڪري ڇڏيو. اڳوڻي ڪپتان مصباح الحق ٻارڙن جي دل جي مفت سرجري جي پهرين اسپتال ٺاهڻ جو اعلان ڪيو. لاهور ۾ 2 ارب رپين جي لاڳت سان ٺاهي ويندڙ اسپتال 125 بسترن تي ٻڌل هوندي، جتي ساڳئي وقت 5 سينيئر اسپيشلسٽ مقرر ڪيا ويندا.

اڳوڻو ڪپتان مصباح الحق

اڳوڻو ڪپتان مصباح الحق