تازا ترين
  • *ميهڙ ويجهو ملڪيت جي تڪرار تان چاچي ۽ ڀائٽين ۾ جهيڙو، 6ڄڻا زخمي ٿي پيا *ڳوٺ جوڙو لاکير ۾ لاکير برادري جي ٻن ڌرين ۾ جهيڙو ٿي پيو *ظفر،مظھر، حسين، عبدالله، وسيم، سعيد ۽ اظھر لاکير کي اسپتال منتقل ڪيو ويو *
  • *پنگريو ڀرسان زمين جي تڪرار تان ترڪ برادري جي ٻن ڌرين ۾ جهيڙو، 8 ڄڻا زخمي *جهيڙي دوران لٺيون ۽ ڪهاڙيون لڳڻ سبب ٽن عورتن سميت 8ڄڻا زخمي ٿي پيا*
  • *سنڌ جي مختلف شهرن ۾ ٻاررن ۽ عورتن سميت 30 کان وڌيڪ ماڻهن کي ڪتن ڏاڙهي زخمي ڪري ڇڏيو*
  • *ٽنڊوباگو ويجهو زمين جي تڪرار تان جهيڙو،8ڄڻا زخمي، اسپتال منتقل *ڳوٺ علي ترڪ ۾ ٻن ڌرين ۾ جهيڙي دوران 4 عورتن سميت 8 ڄڻا زخمي ٿي پيا *
  • وارهه ويجهو ٻن موٽرسائيڪلن ۾ ٽڪر، پيرسن فوت ٿي ويو *ماستر لاڙو وٽ حادثي ۾ پيرسن غلام مصطفيٰ گوگاڻي چانڊيو زخمي ٿي پيو *زخمي پيرسن لاڙڪاڻي جي اسپتال ۾ زخمن جا سور نه سهندي فوت ٿي ويو *
  • *سپريم ڪورٽ ۾ شهباز شريف خلاف مني لاندرنگ ڪيس، شريڪ جوابدارن جي اپيل تي ٻڌڻي *عدالت جوابدار فضل داد عباسي ۽ شعيب قمر جي ضمانت جي اپيل تي ٻڌڻي ڪئي *سپريم ڪورٽ ٻنهي جوابدارن جي ضمانت واري درخواست تي نيب کي نوٽيس جاري ڪري ڇڏيا *ٻنهي جوابدارن تي شهباز شريف لاءِ سهولتڪاري ۽ مني لانڊرنگ جو الزام آهي*
  • *روشن سنڌ منصوبو ڪرپشن ڪيس: سنڌ جو وڏو وزير مراد علي شاهه نيب اسلام آباد آڏو پيش *نيب ٽيم طرفان جعلي بئنڪ اڪائونٽس ڪيس جي حوالي سان به وڏي وزير کان پُڇاڳاڇا * نيب طرفان وڏي وزير مراد علي شاهه آڏو سوالنامو پيش ڪيو ويو *
  • *فيض گنج ۾ پيٽرول پمپ مالڪن حڪومتي فيصلي کي ٿڏي ڇڏيو، وڌيڪ اگهه تي پيٽرول جو وڪرو *پمپ مالڪن پاران پيٽرول جو في ليٽر 77 کان 78 روپيا ۾ وڪرو،عوام سخت پريشان *
  • *تنگواڻي ۾ پئٽرول سستو ٿيڻ بعد پيٽرول پمپ بند *پئٽرول نه ملڻ سبب صارفين سخت پريشاني جو شڪار *
  • *ملڪ ۾ پيٽرول سستو ٿيڻ کانپوءِ بحران پيدا ٿي ويو، ڪراچي سوڌو ملڪ جي اڪثر شهرن ۾ پيٽرول پمپ بند، عوام پريشان*
  • *چونڊڪو ۾ رولو ڪتن نينگري کي ڏاڙهي زخمي ڪري ڇڏيو *10ورهين جي ثمينا ڌي گلاب خاصخيلي کي اسپتال منتقل ڪيو ويو *نارو ۾ ٽن مهينن دوران ڪتن جي ڏاڙهيلن جو انگ500 ٿي ويو *
  • *بخشاپور ويجهو نوجوان کي رولو ڪتن ڏاڙهي زخمي ڪري ڇڏي *ڳوٺ محمد نواز چاچڙ واسي 24ورهين جي محراب علي چاچڙ کي رولو ڪتن ڏاڙهي وڌو *
  • *جوابدار گرفتار نه ٿيڻ خلاف مقتول ڀائرن جا پڪا چنا وٽ روڊ تي لاش رکي ڌرڻو هنيو ويو*
  • *پڪا چنا ڀرسان عورتن جي جهيڙي بعد جوابدارن فائرنگ ڪري 2 ڀائرن کي قتل ڪيو هو*
  • *سيوهڻ ڀرسان سڱاوتي تڪرار تان قتل ڪيل 2 ڀائرن جي جنازي نماز ادا، وارثن جو لاش رکي ڌرڻو*

دنيا جي وڏي ۾ وڏي انعام بابت ڪجهه دلچسپ حقيقتون

نوبيل انعام 1901ع کان وٺي انهن مردن، عورتن ۽ تنظيمن کي ڏنو ويندو آهي، جن جو ڪم الفريڊ نوبيل جي خواهشن مطابق انهن جي لاءِ وڏي ترقيءَ جو سبب بڻيو هجي. هتي نوبيل انعام ۽ ان جي خالق بابت حقيقتون ڄاڻڻ لاءِ پنج اهم ڳالهيون پيش ڪجن ٿيون.
نوبيل هڪ شاعر:
الفريڊ نوبيل تاريخ جي ورقن ۾ ڊائنامائٽ (ڌماڪيدار مادو) ايجاد ڪندڙ شخص طور سڃاتو وڃي ٿو، پر هو به انگريزي شاعري خاص ڪري شيلي ۽ بائرن جو پرستار هو، هن پوري زندگي شاعري ڪئي، ڪڏهن ڪڏهن پنهنجي سوئيڊش ٻولي ۾ به لکندو هو, پر اڪثر شيڪسپيئر واري انگريزي زبان ۾. هڪ دوست ڏانهن لکيل خط ۾ هن لکيو هو ته آئون پنهنجي لکڻين کي شاعري نه چوندس، ڇاڪاڻ ته آئون پنهنجي ڊپريشن گهٽائڻ ۽ انگريزي بهتر ڪرڻ لاءِ لکندو آهيان.
1882ع ۾ 29 سالن جي عمر ۾ جڏهن هن هڪ نوجوان عورت کي خط لکيو ته هن جواب ۾ چيو “منهنجو ميدان طبيعيات آهي، تحرير نه” جنهن سال سندس موت ٿيو، يعني 1896ع ۾ هن اسڪينڊل سان ڀرپور سانحي تي مشتمل هڪ ڊرامو “نيميسس” لکيو، جنهن جي شروعات کيس شيلي جي “دا سينسي” سان ٿي، جنهن ۾ هڪ عورت سورهين صديءَ جي روم ۾ جنسي استحصال ڪرڻ تي پنهنجي پيءُ کي قتل ڪري ڇڏيو هو.
خانداني معاملو
پهريون ڀيرو نوبيل انعام ڏيڻ کانپوءِ 6 ٻار پنهنجي والدين جي نقش قدم تي هلندي پاڻ ان انعام جا حقدار بڻجي چڪا آهن، جڏهن ته ستين 1915ع ۾ تمام گهٽ عمر يعني 25 سالن ۾ نوبيل انعام کٽيو.
ڪيوري خاندان پنج ايوارڊ حاصل ڪيا آهن، ڇاڪاڻ ته هر ڪامياب شخص هڪ انعام جو حقدار بڻجي ٿو، 2 ميري ڪيوري کي مليا، جن مان پهريون هن 1903ع ۾ طبيعيات جي ميدان ۾ پنهنجي مڙس پيري ۽ هينري بيڪوريل سان گڏ کٽيو، جڏهن ته 1911ع ۾ کيس ڪيميسٽري جي فيلڊ ۾ به انعام سان نوازيو ويو.
هن جي وڏي ڌي آئرين پنهنجي مڙس پيري جوليو سان گڏ 1935ع ۾ ڪيميسٽري ۾ ايوارڊ حاصل ڪيو، آئرين جي ننڍي ڀيڻ هينري رچرڊسن ليبوسي سان شادي ڪئي، جنهن يونيسيف جي سربراهه طور 1965ع ۾ نوبيل انعام حاصل ڪيو. ٻين جوڙن به انعام کٽيو آهي، 1974ع ۾ سوئيڊن جي گنر مردل معيشت جي شعبي ۾ انعام کٽيو ۽ 8 سال پوءِ سندس زال ايلوا کي امن جو نوبيل انعام ڏنو ويو.
غائباڻو ايوارڊ:
1901ع کان وٺي هيستائين امن جو انعام حاصل ڪندڙ پنج شخصيتون اوسلو ۾ منعقد ٿيندڙ ايوارڊ واري تقريب ۾ حصو وٺي نه سگهيون. 1936ع ۾ نامزد ڪيل جرمن صحافي ڪارل ون اوسٽزڪي نازي ڪئمپ ۾ قيد هو. 1975ع ۾ روسي آندري سخاروف جي نمائندگي سندس زال يلينا بونر ڪئي. 1983ع ۾ پولينڊ جي يونين اڳواڻ ليچ وليسا اوسلو اچڻ واري دعوت رڳو ان ڊپ جي ڪري رد ڪئي جو هن کي لڳو ته کيس واپس پولينڊ اچڻ نه ڏنو ويندو.
ميانمار جي مخالف ڌر اڳواڻ آنگ سان سوچي 1991ع ۾ پنهنجي گهر ۾ نظربند هئي، ان وقت کيس نوبيل انعام سان نوازيو ويو، ان به وليسا جيان ڊپ سبب سفر ڪرڻ کان انڪار ڪيو هو.
2010ع چين جي ليو زيابائو کي نوبيل انعام سان نوازيو ويو پر هو ان وقت جيل ۾ هو، هن جي ڪرسي خالي رهي، جتي اهو نوبيل انعام رکيو ويو.
رياضي لاءِ نوبيل انعام ڇو ناهي؟
1980ع ۾ محقق ڊگهي عرصي کان جاري انهن افواهن کي ختم ڪرڻ ۾ ناڪام رهيا ته الفريڊ نوبيل کي رياضي دان گوسٽا مٽگ ليفلر سان محبت هئي، ان افواهه جي حق ۾ ڪجهه به ناهي ۽ هر دليل ان کي غلط ثابت ڪري ٿو. پوءِ ڇو رياضي جي لاءِ ڪو انعام نه آهي؟ ان جون 2 امڪاني وضاحتون آهن.
پهرين هي ته 1895ع ۾ نوبيل پنهنجي وصيت لکي ان وقت سوئيڊن ۾ رياضي جي ميدان ۾ هڪ انعام اڳ ئي موجود هو، ان ڪري هن ان جي ضرورت محسوس نه ڪئي. ٻي هي ته 20 هين صديءَ جي شرعات تي اپلائيڊ سائنسز عوامي ۽ سائنسي محبوب شعبا هئا، ان وقت رياضيءَ جون انسانيت لاءِ خدمتون ايتريون واضح نه هيون، جيتريون اڄ آهن.
مرڻ کانپوءِ ايوارڊ:
نوبيل فائونڊيشن جي 1974ع جي قانون مطابق ڪنهن کي به مرڻ کانپوءِ نوبيل انعام نه ڏنو ويندو، ها، اهو انعام فقط ان صورت ۾ ڏيئي سگهجي ٿو جيڪڏهن اهو شخص آڪٽوبر ۾ اعلان ۽ ڊسمبر ۾ ايوارڊ ڏيڻ واري تقريب جي وچ واري عرصي ۾ فوت ٿي وڃي.
ان قانون ۾ تبديلي کان اڳ فقط 2 ماڻهن کي مرڻ کانپوءِ ايوارڊ ڏنو ويو. هن مان هڪ سوئيڊن جو ايرڪ ايڪسل هو، جن کي ادب جي شعبي ۾ ايوارڊ سان نوازيو ويو، ٻيو به سوئيڊن سان تعلق رکندڙ گڏيل قومن جو سيڪريٽري جنرل ڊگ هيمرسڪجولڊ هو جيڪو 1961ع ۾ هڪ جهاز حادثي ۾ فوت ٿي ويو هو، کيس ان ئي سال انعام ڏنو ويو.
2011ع ۾ ڪئنيڊا جي رالف اسٽئنمين طب جو انعام جو اعلان ٿيڻ کان 3 ڏينهن اڳ فوت ٿي ويو، نوبل ڪاميٽي کي خبر ئي نه پئي پوءِ به ان کي انعام ڏنو ويو.

This entry was posted in Feature Story. Bookmark the permalink.

Leave a Reply

Your email address will not be published. Required fields are marked *