تازا ترين
  • *سپريم ڪورٽ ۾ شهباز شريف خلاف مني لاندرنگ ڪيس، شريڪ جوابدارن جي اپيل تي ٻڌڻي *عدالت جوابدار فضل داد عباسي ۽ شعيب قمر جي ضمانت جي اپيل تي ٻڌڻي ڪئي *سپريم ڪورٽ ٻنهي جوابدارن جي ضمانت واري درخواست تي نيب کي نوٽيس جاري ڪري ڇڏيا *ٻنهي جوابدارن تي شهباز شريف لاءِ سهولتڪاري ۽ مني لانڊرنگ جو الزام آهي*
  • *روشن سنڌ منصوبو ڪرپشن ڪيس: سنڌ جو وڏو وزير مراد علي شاهه نيب اسلام آباد آڏو پيش *نيب ٽيم طرفان جعلي بئنڪ اڪائونٽس ڪيس جي حوالي سان به وڏي وزير کان پُڇاڳاڇا * نيب طرفان وڏي وزير مراد علي شاهه آڏو سوالنامو پيش ڪيو ويو *
  • *فيض گنج ۾ پيٽرول پمپ مالڪن حڪومتي فيصلي کي ٿڏي ڇڏيو، وڌيڪ اگهه تي پيٽرول جو وڪرو *پمپ مالڪن پاران پيٽرول جو في ليٽر 77 کان 78 روپيا ۾ وڪرو،عوام سخت پريشان *
  • *تنگواڻي ۾ پئٽرول سستو ٿيڻ بعد پيٽرول پمپ بند *پئٽرول نه ملڻ سبب صارفين سخت پريشاني جو شڪار *
  • *ملڪ ۾ پيٽرول سستو ٿيڻ کانپوءِ بحران پيدا ٿي ويو، ڪراچي سوڌو ملڪ جي اڪثر شهرن ۾ پيٽرول پمپ بند، عوام پريشان*
  • *چونڊڪو ۾ رولو ڪتن نينگري کي ڏاڙهي زخمي ڪري ڇڏيو *10ورهين جي ثمينا ڌي گلاب خاصخيلي کي اسپتال منتقل ڪيو ويو *نارو ۾ ٽن مهينن دوران ڪتن جي ڏاڙهيلن جو انگ500 ٿي ويو *
  • *بخشاپور ويجهو نوجوان کي رولو ڪتن ڏاڙهي زخمي ڪري ڇڏي *ڳوٺ محمد نواز چاچڙ واسي 24ورهين جي محراب علي چاچڙ کي رولو ڪتن ڏاڙهي وڌو *
  • *جوابدار گرفتار نه ٿيڻ خلاف مقتول ڀائرن جا پڪا چنا وٽ روڊ تي لاش رکي ڌرڻو هنيو ويو*
  • *پڪا چنا ڀرسان عورتن جي جهيڙي بعد جوابدارن فائرنگ ڪري 2 ڀائرن کي قتل ڪيو هو*
  • *سيوهڻ ڀرسان سڱاوتي تڪرار تان قتل ڪيل 2 ڀائرن جي جنازي نماز ادا، وارثن جو لاش رکي ڌرڻو*

خوبصورت آواز واري بلبل ايران……خانم گوگوش….جي آر جوڻيجو

بلبل ايران جنهن جي آواز جي لهرن ۾ ڪيئي جسم لرزش ۾ اچي ويندا هئا، بلڪه خانم گوگوش جو رڳو آواز ئي انساني دلين تي راڄ نه ڪندو هو پر هن جون خماريل اکيون به ڪيترن ئي دلين جا تاڪ کولي ڇڏينديون هيون. هن جي چهري تي خدائي جي خلقيل حسين ڪائنات جو تصور ٿو اچي، اهو ئي سبب آهي جو اڳئين زماني ۾ تقريبن ايران کان وٺي پاڪستان ۾ هر گهر ۾ بلبل ايران جو پورٽريٽ لڳل هوندو هو، هڪ دوست جيڪو ايران ۾ خانم گوگوش جي تصويرن کي گهرن ۾ لڳل ڏسي به چڪو آهي، پوڙهي وهي کي پهتل انهي شخص موجب ڇا ته اهو دور هو، جڏهن 3 سال رهڻ دوران ڏٺو ته خانم گوگوش جي تصوير هر گهر ۽ مڪان ۾ لڳل هوندي هئي. هڪ ته آواز ڪمال جو ٻيو سندس شڪل خوبصورت، پر خميني جي انقلاب ڪيترائي آواز دٻائي رکيا، ان ۾ هڪ خوبصورت آواز خانم گوگوش به هئي. 1979ع کان وٺي 2000ع تائين يعني ايڪويهه سال سندس آوازي گونج تي ايران ۾ مسلسل پابندي رهي ۽ خانم گوگوش پنهنجي گهر تائين محدود ٿي وئي ۽ کيس ٻاهر وڃڻ لاءِ به اجازت نه هئي.
جنهن بعد 2000ع ۾ ھڪ دفعو ٻيهر هو ميدان تي آئي ۽ سندس گيت “مان واپس اچي وئي آھيان” ڪينيڊا ۽ دبئي ۾ گونجڻ لڳا ۽ 21 سالن کان بعد جو آواز انهي کان به وڌيڪ حسين هو. ٻڌايو وڃي ٿو ته دبئي ۾ سندس ڪنسرٽ ۾ 3 لک ماڻھن شرڪت ڪئي.
ڪيڏو نه دلفريب آواز آھي اڄ به جڏھن انهن گيتن کي ٻڌجي ٿو ته ماڻهو آواز جي لهرن ۾ گم ٿيو وڃي پر ڇا ڪجي هتي سدائين آوازن جا ڳلا گهٽيا ويا آھن، آواز سرحدن جا محتاج ناهن هوندا، خوبصورت آواز هن ڪائنات جي ميراث هوندا آھن جن کي ڪنهن قوم يا ڪنهن ملڪي سرحد جي محدود دائري اندر قيد نٿو ڪري سگهجي. اهو ئي سبب آهي ته جڏھن خانم گوگوش پاڪستان اچي ٿي ته هتي جا ماڻھو سندس آوازي جادو تي موهجي ٿا وڃن، سندس آواز هتان جي ڌرتي سان ٻکي ٿو ۽ ڌرتي جي ماڻھن جي دل ۾ اهو آواز سمائجي وڃي ٿو جو کائنس متاثر ٿي ايران جي گهرن جي ڀتين جيان پاڪستان جي گهرن ۽ دڪانن توڙي مزدورن جي ريڙھن تي به خانم گوگوش جي تصوير آويزان ٿيڻ لڳي ٿي.اهڙا آواز يقينن هن حسين ڪائنات جي خالق جي اها تخليق آھن جن کي مصور پنهنجي سموري محنت سان ٺاهي هن ڪائنات کي سرن جي مالها ۾ پوئي ڇڏيو آھي.
اهڙا ئي آواز الست بربڪم جي آواز جيان انساني اندر ۾ اوتجي ويندا آھن، اڄ جڏھن سالن کانپوءِ به انهي آواز کي ٻڌجي ٿو يا خانم گوگوش جي تصويرن کي ڏسجي يا وري ڪنهن انهي زماني جي ماڻھو کان خانم گوگوش متعلق ڳالهيون ٻڌجن ٿيون ته دل باغ بهار ٿي وڃي ٿي، هڪ حسين منظر اکين جي سامهون تري ٿو اچي، جنهن ۾ خانم گوگوش جي دلفريب اکين جي گهرائي جون ڇوليون ھجن ٿيون جنهن ۾ ھن جي معصوم چنڊ ڪني جهڙي چهري جي چمڪ هجي ٿي. اهڙن آوازن کي واقعي به دنيا جي طاقت ختم نه ٿي ڪري سگهي. اڄ خميني گهڻن ماڻهن کي ياد نه هوندو، پر گوگوش جو آواز اڄ به ڪيتريون ئي سرحدون پار ڪري دلين تي راڄ ڪري رهيو آھي. اڄ به خانم گوگوش جو آواز اداس دلين تي ڪڪر جيان وسي ٿو، اڄ به هن جي تصوير ۾ نظر ايندڙ معصوم چهرو باهه جي شعلن ۾ ڀٽڪندڙ دلين کي آسيس ڏيئي تاريخ کان ڪيترائي سوال ڪري رهيو آھي.
خانم گوگوش جو ستون البم 2012 ۾ رليز ٿيو آهي يقينن گوگوش جي فنڪاري جي دور ۾ سندس مڙس محمود گورباني جو ساٿ پڻ آهي پر اهو ساٿ پڻ خانم سان ڪجهه سال بعد ئي الڳ ٿي ويو. 2018 ۾ هڪ انٽرويو ۾ جڏهن هن کان سوال ڪيو ويو ته توهان جي اڃان تائين جوان هجڻ جو ڇا سبب آهي ته هن جواب ڏنو محبت، موسيقي ۽ فروٽ. يقينن موسيقي روحانيت جي غذا آهي، انساني جذبا به روحانيت سان تعلق رکن ٿا. جيسين هن ڪائنات جون حسناڪيون رهڻيون آهن، انهن حسناڪين جي هر منظر ۾ خانم گوگوش به دلين تائين ڇهاءُ ڪندي رهندي.

This entry was posted in Rachna. Bookmark the permalink.

Leave a Reply

Your email address will not be published. Required fields are marked *