تازا ترين
  • *ٽنڊو غلام حيدر ۾ ڳوٺاڻن جو برساتي پاڻي نيڪال نه ٿيڻ تي ٻارڙن کي پوليو جا ڦڙا پيئارڻ کان انڪار *ڳوٺ مير محمد لاشاري جي رهواسين برساتي پاڻي نيڪال نه ٿيڻ خلاف احتجاج ڪيو *ڳوٺ مان پاڻي نيڪال ڪرايو وڃي ٻي صورت ۾ ٻارڙن کي پوليو جا ڦڙا نه پيئارينداسين: ڳوٺاڻا*
  • *ٽنڊو ڄام زرعي يونيورسٽي ۽ وٽرنري يونيورسٽي سڪرنڊ ۾ وقتي وائيس چانسلرز جي مقرري *پروفيسر ڊاڪٽر ظهير الدين ميراڻي زرعي يونيورسٽي ٽنڊو ڄام جو وقتي وائيس چانسلر مقرر *احمد سلطان جتوئي وٽرنري يونيورسٽي سڪرنڊ جو وقتي وائيس چانسلر مقرر، نوٽيفڪيشن جاري*
  • *آصف زرداري ۽ نواز شريف هڪ ٻئي تي الزام لڳائيندا رهيا هاڻي گڏ ويٺا آھن: خرم شير زمان *بلاول جي تقرير مان لڳي پيو ته پاڪستان خلاف تحريڪ هلائڻ وڃن پيا: خرم شيرزمان *جيڪڏھن کين تحريڪ هلائڻي آھي ته ڪراچي ۽ لاڙڪاڻي کان شروع ڇو نٿا ڪن: خرم شير زمان*
  • *ڪراچي: دهشتگردي ٽوڙ عدالت ۾ انسپيڪٽر ناصر الحسن جي ٽارگيٽ ڪلنگ بابت ڪيس تي ٻڌڻي *ڏوهه ثابت نه ٿيڻ تي عدالت 5 جوابدارن کي بري ڪري ڇڏيو *اکين ڏٺن شاهدن جي تڪراري بيان جي ڪري ڏوهه ثابت نه ٿي سگهيو آهي: پوليس *
  • * ڪراچي: ميٽرڪ بورڊ شاگردن جي امتحان جا نتيجا پڌرا ڪري ڇڏيا *ڪراچي: ميٽرڪ بورڊ سائنس گروپ جي نتيجن جو اعلان ڪري ڇڏيو *ڪراچي: هڪ لک 68 هزار 880 شاگرد امتحان ۾ ڪامياب قرار*
  • *ڪشمور ويجهو سڱاوتي تڪرار تان هٿياربندن جي فائرنگ ۾ نوجوان قتل، واٽهڙو پيرسن زخمي *هٿياربندن جي فائرنگ ۾ عيد گاهه واسي علي گل سولنگي ۽ واٽھڙو پيرسن شاھمور خالدي زخمي ٿي پيا *زخمي سول اسپتال منتقل، نوجوان کي رحيم يار خان نيو پئي ويو ته رستي ۾ دم ڌڻي حوالي ڪيائين *مورزادو جکراڻي ۽ ڏاڏو جکراڻي نوجوان کي قتل ڪيو، قاتل گرفتار ڪري انصاف ڪيو وڃي: وارث *
  • *محرابپور ويجهو نوجوان بجلي جو ڪرنٽ لڳڻ سبب فوت *ڳوٺ ولي آباد ۾ علي ولد رمضان آرائين پکي مان ڪرنٽ لڳڻ سبب فوت ٿي ويو *
  • *سپريم ڪورٽ ۾ سرڪاري زمين تي پيٽرول پمپس ليز تي ڏيڻ بابت پاڻمرادو نوٽيس تي ٻڌڻي *عدالت ڪمشنر فيصل آباد پاران پيش ڪيل رپورٽ رد ڪري ڇڏي *سپريم ڪورٽ پاران ايندڙ ٻڌڻي تي ڪمشنر فيصل آباد کي ذاتي حيثيت ۾ پيش ٿيڻ جو حڪم *حڪم تي عمل نه ٿيو ته ڪمشنر ۽ اسسٽنٽ ڪمشنر ٻئي جيل ويندا: سپريم ڪورٽ*
  • *سڪرنڊ ۾ آل پارٽيز الائينس جي سڏ تي بجلي جي اڻ اعلانيل لوڊشيڊنگ خلاف احتجاجي ريلي *مظاهرين صحافي چوڪ کان ريلي ڪڍي حيسڪو آفيس جي گيٽ آڏو ڌرڻو هنيو، ڇتي نعريبازي *سڪرنڊ ۽ ڀرپاسي ۾ 16کان18 ڪلاڪ بجلي جي لوڊشيڊنگ ڪئي پئي وڃي: مظاهرين *
  • *ڪراچي: سهراب ڳوٺ وٽ پوليس ۽ ڏوهارين وچ ۾ مبينا مقابلو، 2 ڦورو زخمي حالت ۾ گرفتار *موٽر سائيڪل تي سوار ٽن جوابدارن ڦر جي ڪوشش ڪئي ته پوليس پهتي: پوليس *مقابلي ۾ زخمي ٿيل ڦورو فيروز اسپتال ۾ علاج دوران فوت ٿي ويو: پوليس *
  • *ڪراچي: شرافي ڳوٺ ۾ نجي ڪمپني جي لاڪرز مان چوري ڪندڙ جوابدار گرفتار *جوابدار لاڪرز ٽوڙي نجي ڪمپني جا 6 لک رپيا چوري ڪيا هئا: پوليس *سي سي ٽي وي فوٽيجز ۾ هڪ جوابدار ڪمپني اندر نظر آيو آهي: پوليس*
  • *رائونتي ۾ ڳوٺاڻن جو بنيادي سهولتن جي کوٽ خلاف احتجاجي ريلي، ڌرڻو *مختلف ڳوٺن جي رهواسين احتجاجي ريلي ڪڍي اي سي آفيس اوٻاوڙو آڏو ڌرڻو هنيو، نعريبازي *ڳوٺن ۾ اسڪول، پڪن روڊن ۽ اسپتال جهڙي جهڙي ڪا به سهولت نه آهي: ڳوٺاڻا*
  • *ڏهرڪي ۾شهرين ۽ استادن جو اسڪول کولرائڻ لاءِ احتجاجي مظاهرو *پريس ڪلب اڳيان ڪيل احتجاج ۾سياسي سماجي ڪارڪن شريڪ *سنڌ جا اسڪول بند ڪري تعليم تباهه ڪئي پئي وڃي: ڄام فتاح سميجو *7 مهينا اسڪول بند رهيا، حڪومت پنهنجو فيصلو واپس وٺي اسڪول کولرائي: مطالبو*
  • *قمبر ويجهو موٽرسائيڪل ۽ چنگچي رڪشا ۾ ٽڪر، ٻن عورتن سميت 4ڄڻا زخمي ٿي پيا *زخمي حسين علي، حيات خاتون، سرداران خاتون۽ ياسين چانڊيو کي اسپتال منتقل ڪيو ويو*
  • *پنوعاقل لڳ پٽڙي ڪراس ڪندڙ نينگر ٽرين جي ٽڪر ۾ فوت ٿي ويو *نينگر فاروق پٽڙي ڪراس ڪري رهيو هو ته ٽرين ٽڪر هنيو،لاش وارثن حوالي*

تاريخ…انگريزي ادب جو تاريخي دور ۽ اينگلو سيڪسنس جو انگلستان تي قبضو …فدا حسين ڪٻر

انگريزي ادب ۾ وليم شيڪسپيئر, ڪرسٽوفر مارلوو ۽ بين جانسن جھڙا عظيم ڊراما نگار پيدا ٿيا جن پنھنجي قلم جي چنھب سان دانائي جي دنيا جا در کولي ڇڏيا تـ وليم ورڊسورٿ ۽ پيبي شيلي جھڙي عظيم شاعرن انگريزي ادب ۾ شاعري کي چار چنڊ لڳائي ڇڏيا جڏھن تـ جديد دور ۾ ورجينيا وولف ۽ جيمس جوئز اچي انگريزي ادب ۾ ناول جھڙي صنف کي سگهارو بڻايو۔ انگريزي ادب جي تاريخ حقيقت ۾ تمام گھڻي ڊگھي آھي ڪجھه تاريخدانن جو خيال آھي تـ انگريزي ادب جي شروعات نارمن فرانسسين جي انگستان تي قبضي کان ٿي جڏهن تـ ڪجھه تاريخدانن جو موقف آھي تـ انگريزي ادب جي شروعات رومنس جي حڪمراني واري دور کان شروع ٿي آهي،
انگلستان تي ´ڪيلٽڪ` تھذيب جي شروعات کان ئي حڪمراني رھي. ھن تھذيب جي ماڻھن کي “بريٿون” ۽ “گيلز” چيو ويندو ھو ـ لڳ ڀڳ پنجونجاھ قبل مسيح کان ھن تھذيب جي ماڻھن جي انگلستان جي ٻيٽ تي رھائش رھي ۽ رومن قبيلي جون انگلستان تي مسلسل قبضي لاءِ ڪاهون ٿينديون رھيون ۽ نيٺ پھرين صدي عيسوي جي ٽيتاليھين سال ۾ رومن انگستان تي قبضو ڪرڻ ۾ ڪامياب ٿـيا۔ رومن جي ڪاميابي جو اصل سبب سندن ڊڪٽيڪٽر جيولير سيزر جي عقلمندي ۽ ڪامياب فوجي طاقت ھئي جنھن کيس انگستان جي سرزمين تي کيمان کوڙڻ ڏنا ـ رومن فوج ان وقت يورپ جي سڀ کان وڏي طاقت ھئي جنھن ۾ دنيا جي ٻين قومن سان منھن اٽڪائڻ جي صلاحيت ھئي ـ رومن طاقتور ھئڻ سان گڏوگڏ ايترا ظالم ۽ جبري نـ ھئا جو قديمي رھاڪو ´ڪيلٽڪس` کي ئي انگستان مان ڪڍي ڇڏين پر ڪيلٽڪ تھذيب جي ماڻھن کي ڪمزور سمجھي پاڻ ڇپر ڇانو سمجھي امن سان رھايو ـ رومن سلطنت انگستان ۾ امن سان رھندي انگستان جي مختلف علائقن ۾ بنيادي ڍانچي تي تمام گھڻو خيال رکندي تمام خوبصورت تاريخي جڳهيون ۽ قعلا تعمير ڪرايا جن تعميراتي ڪمن ۾ “ھيڊرين وال” بـ مشھور آھي ـ
رومنس تعميراتي ڪمن سان گڏوگڏ ادب ۾ لاطيني زبان کي وڌيڪ حيثيت ڏيندي پنھـجون لکڻيون لاطيني زبان ۾ لکيون جيڪا سندن اباڻي ٻولي جي حيثيت رکندي ھئي ـ لڳ ڀڳ ۴٠٧ع ۾ جرمني جي ھڪ قوم “وسيگوٿ” نالي ھڪ قبائلي قوم رومنس جي اصلي وطن روم تي حملا ڪري ڏنا ۽ روم کي قبضي ھيٺيان ڪرڻ جي ڪوشس ڪئي ـ رومن کي انگستان جي سرزمين جي ٽڪري کان سندن اباڻي زمين وڌيڪ پياري ۽ عزيز ھئي ۽ نيٺ ۴٠٧ع ۾ رومنس انگستان جي سزرمين ٻيھر اصلي رھاڪو “ڪيلٽس” کي واپس ڪري روم ھليا وياـ رومنس جي انگستان ڇڏڻ سان ئي آئرلينڊ کان “سڪاٽس” ۽ اتر طرف کان “پٽس” نالي جي ٻن قبيلن انگستان جي سرزمين تي حملا ڪرڻ جون تياريون ڪيون درحقيقت تـ ھنن قبيلي جي اک انگلستان تي پھريان کان ئي ھئي پر رومنس جي طاقتور فوج جي للڪار سبب خاموش رھياـ ڪيلٽڪ قبيلي پنھنجي ۽ انگستان جي بچا۽ خاطر ۽ اسڪاٽس ۽ پٽس قبيلن کي روڪڻ لا۽ ڊينمارڪ مان ھڪ قوم “جيوٽس” ۽ اتر جرمني مان ٻن قومن اينگلس ۽ سيڪسنس کي مدد لاءِ طلب ڪيو تـ جيئن ھو ٻن قبيلن کي انگلستان تي قبضي کان روڪي سگھن پر ڪيلٽڪ قوم پنھنجي ئي پير تي پاڻ ڪھاڙو واھي ڪڍيو ڇو تـ ھن ھڪ قبضي خور قوم کان بچڻ لاءِ ٻي قبضاخور قوم کي مدد لاءِ گھرائي ورتوـ
اتر جرمني ۽ ڊينمارڪ جي ھنن قومن جو انگستان اچڻ جو مقصد صرف انگلستان جي زرخيز زمين ۽ آبادگاري ھئي ـ ان وقت انگلستان جھڙي سرسبز ۽ زرخيري زمين پوري يورپ ۾ نـ ھئي ۽ پوءِ ڀلا ڪھڙي قوم اھڙي موقعي کي ٺڪرائيندي ـ اينگلس ۽ سيڪسنس يورپ جي اوڀريندي واري ساحلي ڪناري کان ۴١٠ع ۾ انگلستان جي سامونڊي ڪناري پھتا ۽ پوءِ پٽس ۽ اسڪاٽس کي شڪست ڏئي انگلستان جي سرزمين ڪيلٽڪس حوالي ڪري واپس ڪرڻ بدران اصلي رھواسين کي انگستان جي سرزمين تان ڌڪي ڌڪاري ڪڍي پاڻ تخت تي ويھي رھياـ انگلستان جي اصلي وارثن ڪيلٽڪس کي ھن جرمني ۽ ڊينمارڪ جي اينگلس, سيڪسنس ۽ جيوٽس قبيلن ڀرپاسي جي علائقن “ويلس” جي پھاڙي ۽ ميداني علائقن ڏانھن ڌڪاري ڇڏيوـ ڪيلٽڪس جي ھن وڏي ھجرت کي انگلستان جي تاريخ ۾ “نيشنل مائگريشن” سڏيو ويندو آھي ـ ڪيلٽڪس جي وڃڻ کان پوءِ انگستان مڪمل طور تي اينگلس_سيڪسنس ۽ جيوٽس جي ھٿن جي ترين ھيٺيان اچي ويوـ بدنصيبي سان جيوٽس جي قوم صرف ٢٠٠ سالن تائين ئي حڪمراني ڪري سگھي ۽ سندس وجود ختم ٿيو پر اينگلس ۽ سيڪسنس دليري جو مظاھرو ڪندي ايندڙ وڌيڪ ۴٠٠ سالن تائين انگلستان تي حڪومت ڪئي
ڪنگ الفريد دي گريٽ کي ٨٧١ع ۾ انگلو-سيڪسنس جو بادشاھه بڻايو ويو جنھن اولڊ انگريزي ۾ ادب جي لکڻين ۽ پڙھائي لکائي تي تمام گھڻو ڪم ڪرايوـ ھن قوم کي بعد ۾ انگلو-سيڪسنس جي نالي سان پڙھڻ ۽ لکڻ شروع ڪيو ويو ۽ ان ئي انگل-لينڊ جي نالي سان اڄ لفظ “انگلينڊ” وجود ۾ آيو آھي ـ ھن قبيلي پاڻ سان گڏ اولڊ-انگلش کي انگستان ۾ لکرائڻ ۽ پڙھائڻ شروع ڪيو ۽ پراڻي رومنس جي لکيل ھٿ اکرين کي پنھنجي ٻولي ۾ ترجمو ڪرڻ شروع ڪيو ۽ پراڻي لاطيني زبان کي استعمال ڪرڻ کان پاسو ڪري پزيرائي وٺرائي ـ انگستان ۾ انگلو-سيڪسنس جي حڪومت دوران ھڪ ٻي قوم “وائيڪنگس” ٻـه ڀيرا ٧٨٧ع ۽ ٨٦٦ع ۾ حملا ڪري قبضو ڪرڻ جي ڪوشش ڪئي ـ پھرين ڪاھه ۾ تـه ھو مڪمل ناڪام رھيا پر ٻيھر ڪاھه ڪندي ھو ايسٽ اينگليا تي قبضو ڪندي ويسيڪس ڏانھن وڌڻ لڳا تـ جيئن ھو مڪمل انگستان تي قبضو ڪري سگھن پر ڪنگ الفريد دي گريٽ اولھه انگلستان جي سڀني بادشاھي راڄ کي متحد ڪري کين ويسيڪس تائين پھچڻ نـ ڏنوـ ڪنگ الفريد دي گريٽ انگستان جي سرزمين کي بچائيندي رياست لاءِ ڪجھه نوان قانون عمل هيٺ آندا ۽ تعليم و تربيت تي وڏو غور ويچار ڪيوـ
ڪنگ الفريد دي گريٽ جي وفات کانپوءِ انگلستان جي ڪرنگهي واري هڏي ٽٽي پئي ڇو تـ ڪنگ الفريد واحد ليڊر ھو جيڪو انگستان کي چڱي طرح سنڀالي ويٺل ھوـ الفريد جي وفات کان پوءِ ٨٧٦ع ۾ انگلستان ڊينمارڪ ۽ ناروي جي قبيلي “ڊينس” جي حملن ۽ ڪاھن جي وچ ۾ زخمي شينھن جيئان ڦاسي پيوـ سالن جي ڪاھن ۽ حملن کان پوءِ لڳ ڀڳ ١٠٠٣ع ۽ ١٠١٣ع جي وچ ۾ “ڊينس” قبيلي انگلستان جي ٽن علائقن نورٿمرياـ ايسٽ اينگيا ۽ مرشيا تي مڪمل قبضو ڪري ورتوـ اھڙي ريت لڳ ڀڳ اڌ انگستان “ڊينس” جي قبضي ۽ اڌ اڃان بـ انگلو-سيڪسنس جي ھٿن ۾ ھو پر مک مرڪز ويسيڪس اڃان بـ انگلو-سيڪسنس جي ھٿن ۾ ھو ـ “ڊينس” جي اھڙي اڌوڪاري انگستان تي قبضي کي “ڊين لا” طور سڃاتو وڃي ٿوـ ڳالھيون صرف اتي ئي ختم نـ ٿيون پر ان کان پوءِ ڪجهھ جنگيون ھليون جنھن کان پوءِ ھنن جي ڪھاڻين جو زوال آيوـ ١٠٦٦ع ۾ انگلو-سيڪسنس پاران پنھنجا قبضي ھيٺ آيل علائقا “ڊينس” کان واپس وٺڻ لاءِ ناروي جي آرمي سان جنگ وڙھي جنھن کي “اسٽيمفوٽ جي جنگ” چيو وڃي ٿو جيڪا انگلو-سيڪسنس کٽي پنھنجا قبضي ھيٺ آيل علائقا واپس وٺي “ڊينس” کي شڪست ڏئي جشن ملھايوـ پر اچانڪ صرف ٽن ھفتن اندر اندر جڏھن انگلو-سيڪسنس جنگ مان ٿڪل ٽٽل ھئا تـ نارمن فرانسسين جي فوج فرانس کان اچي “ھيسٽنگس جي جنگ” ۾ انگلو-سيڪسنس جي حڪمراني جي تابوت ۾ آخري ڪوڪو ھڻي سندن اقتدار کي ھميشھ ھميشھ لاءِ زمين ۾ دفن ڪري ڇڏيو ۽ انگستان تي قبضو ڪري تاريخ رقم ڪري ڇڏي.

This entry was posted in Feature Story. Bookmark the permalink.

Leave a Reply

Your email address will not be published. Required fields are marked *