تازا ترين
  • *ڌرڻن دوران اڌ رات جو پيغام مليو ته استعيفيٰ ڏيو نه ته مارشلا لڳي سگهي ٿو، مون چيو استعيفيٰ نه ڏيندس، جيڪو ڪرڻو اٿو ڪيو: نواز شريف*سليڪٽيڊ وزيراعظم کي آڻيندڙ اصل ذميوار آهن، اليڪشن ۾ ڌانڌلي کي لکئي جو ليک سمجهي ماٺ ڪري نٿا ويهي سگهون*اڄ پارليامينٽ کي چونڊيل نمائندن بدران ڪو ٻيو هلائي رهيو آهي: نواز شريف جو لنڊن مان پارٽي جي سي اي سي کي وڊيو خطاب*
  • *نواز شريف هڪ ڀيرو ٻيهر گرفتاري وارنٽس وصول ڪرڻ کان انڪار ڪري ڇڏيو*
  • *اسان نواز شريف کي پورو موقعو ڏنو، جوابدار سڄي نظام کي شڪست ڏئي پرڏيهه هليو ويو: اسلام آباد هاءِ ڪورٽ*هاڻي جوابدار ٻاهر ويهي کلندو هوندو ته ڪيئن سموري نظام کي دوکو ڏنو، هي انتهائي شرمناڪ رويو آهي*

انگلينڊ ۾ طلاق وارو ڏينهن ڪڏهن ملهايو ويندو آهي؟.

نئين سال جي آمد رڳو ڪرسمس جون خوشيون ئي ختم ناهي ڪندي پر اها طلاق جي ڏينهن جي آمد جو به اعلان ڪندي آهي. گذريل ڪجهه سالن ۾ وڪيلن جي وچ ۾ يوم طلاق (طلاق جي ڏينهن) مشهوري ماڻي ورتي آهي. اطلاعن موجب ان ڏينهن قانوني فرمز طرفان جوڙن ۾ عليحدگي ۽ طلاق جي انگ ۾ واڌ ڏٺي وئي آهي. هي ڏينهن جنوري جي پهرئين سومر تي ملهايو ويندو آهي جيڪو هلندڙ سال 6 جنوري تي ملهايو ويو، هن ڏينهن تي ڌار ٿيندڙ جوڙا نئين سال جي نئين شروعات ڪرڻ چاهيندا آهن. جنوري 2019ع ۾ ازدواجي لاڳاپن بابت ڪم ڪندڙ تنظيم ريليٽ جي رپورٽ موجب طلاق جي ڏينهن دوران ان هن جي ويب سائيٽ تي ايندڙ ماڻهن جي انگ ۾ واڌ ڏسڻ ۾ آئي. سال جي پهرئين 3 ڪم وارن ڏينهن دوران ريليٽ جي ويب سائيٽ گذريل سال دوران 84 سيڪڙو کان وڌيڪ صارفين وزٽ ڪئي. ريليٽ طرفان جاري بيان ۾ چيو ويو آهي ته “جنوري جي پهرئين سومر تي وڪيلن ۽ قانوني فرمز کي جوڙن طرفان طلاق لاءِ ملندڙ نين انڪوائرين ۾ اڻ ڳڻي واڌ ٿي وئي آهي.”
جنوري 2017ع جي دوران ريليٽ کي ان جي هيلپ لائين تي ملندڙ فون ڪالز ۾ گذريل مهيني جي ڀيٽ ۾ 24 سيڪڙو واڌ ڏسڻ ۾ آئي آهي، ان کان سواءِ ڊائيورس سپورٽ سروس جيڪا 2018ع کان فعال آهي، ان مان حاصل ٿيندڙ ڊيٽا موجب لڳ ڀڳ 40 هزار پنج سئو ماڻهن جي باري ۾ اها اڳڪٿي ڪئي وئي هئي ته هو جنوريءَ ۾ آن لائين سرچ ۾ “طلاق” جو لفظ ڳوليندا. امانڊا ميڪ السٽر جيڪا مانچسٽر جي رهواسي ۽ ميڪ السٽر فيملي لا نالي قانوني فرم جي شريڪ مئنيجر پڻ آهي، ان جو چوڻ آهي ته شايد انگلينڊ جي ماڻهن کي لڳي ٿو ته طلاق وارو ڏينهن وڪيلن طرفان مفت جي مشهوري ماڻڻ جي لاءِ اٿاريل هڪ معاملو آهي پر هيءُ هڪ حقيقي معاملو آهي. امانڊه جو چوڻ آهي ته “اهي رشتا جيڪي اڳ ئي ڇڪتاڻ جو شڪار هوندا آهن، سي آخرڪار ٽٽي ويندا آهن، جڏهن هي ماڻهو هڪٻئي سان گھڻو وقت گذاريندا آهن. پر گھڻو ڪري جوڙا تهوار جي ڏينهن جي گذرڻ جو انتظار ڪندا آهن جيئن هو پنهنجي ٻارن، مٽن مائٽن يا پنهنجي جلد ئي “اڳوڻي” ٿي ويندڙ ساٿي لاءِ انهن موڪلن کي خراب نه ڪري ڇڏين.”
نومبر ۾ رپورٽ ڪيو ويو هو ته انگلينڊ ۽ ويلز ۾ رهندڙ جوڙن وچ ۾ طلاق جي شرح اڌ صديءَ دوران سڀ کان هيٺين ترين سطح تي آهي. انگلينڊ جي قومي شماريات جي اداري او اين ايس جي آفيس مان حاصل ڪيل انگن اکرن موجب 2017ع ۽ 2018ع دوران جوڙن ۾ طلاق جا هڪ لک هڪ هزار ڇهه سئو 69 ڪيس رپورٽ ڪيا ويا. پر 2018ع ۽ 2019ع دوران جوڙن جي وچ ۾ طلاق جا 90 هزار 8 سئو 71 ڪيس رپورٽ ڪيا ويا جيڪي 1971ع کان هن وقت تائين جي سڀ کان گھٽ ترين شرح هئي. او اين ايس موجب ڏهن مان چار شاديون طلاق تي ختم ٿينديون آهن جن مان اڌ ۾ شاديءَ جي پهرين ڏهن سالن ۾ ئي عليحدگي ٿي ويندي آهي.
سبرينا هاروي/ ارشد سولنگي

This entry was posted in Rachna. Bookmark the permalink.

Leave a Reply

Your email address will not be published. Required fields are marked *