تازا ترين
  • *ڪراچي: وڏي وزير مراد علي شاهه شير شاهه ۾عمارت ڪرڻ واري واقعي جو نوٽيس ورتو *وڏي وزير پاران ڪمشنر ڪراچي کي فوري طور انتظاميه کي متحرڪ ڪرڻ جي هدايت *ڪوشش ڪئي وڃي ته سمورن مزدورن جون حياتيون بچايون وڃن: وڏو وزير مراد علي شاهه*
  • *ٽنڊو غلام حيدر جي مختلف علائقن مان برسات ۽ گهارن جو پاڻي نيڪال نه ٿيو، رهواسي عذاب ۾ مبتلا *مويا نظرپور، ڏندو، حاجي صوڀو خان چانڊيو سميت 8 يوسيز جي ڪيترن ئي ڳوٺن ۾ پاڻي بيٺل پاڻي نيڪال نه ٿيڻ سبب مليريا، گيسٽرو ۽ ٻين بيماريون منهن ڪڍيو، ڪيترائي ڳوٺاڻا اسپتال ڀيڙا*
  • *سپريم ڪورٽ ۾ ذهني مريض قيدي جي موت واري سزا روڪڻ لاءِ اپيل تي ٻڌڻي *عدالت جوابدار غلام عباس جي طبي چڪاس لاءِ ميڊيڪل بورڊ جوڙي ڇڏيو *ميڊيڪل بورڊ کي طبي چڪاس ڪري ٽن هفتن اندر رپورٽ پيش ڪرڻ جو حڪم*
  • *ٽنڊو غلام حيدر ۾ ڳوٺاڻن جو برساتي پاڻي نيڪال نه ٿيڻ تي ٻارڙن کي پوليو جا ڦڙا پيئارڻ کان انڪار *ڳوٺ مير محمد لاشاري جي رهواسين برساتي پاڻي نيڪال نه ٿيڻ خلاف احتجاج ڪيو *ڳوٺ مان پاڻي نيڪال ڪرايو وڃي ٻي صورت ۾ ٻارڙن کي پوليو جا ڦڙا نه پيئارينداسين: ڳوٺاڻا*
  • *ٽنڊو ڄام زرعي يونيورسٽي ۽ وٽرنري يونيورسٽي سڪرنڊ ۾ وقتي وائيس چانسلرز جي مقرري *پروفيسر ڊاڪٽر ظهير الدين ميراڻي زرعي يونيورسٽي ٽنڊو ڄام جو وقتي وائيس چانسلر مقرر *احمد سلطان جتوئي وٽرنري يونيورسٽي سڪرنڊ جو وقتي وائيس چانسلر مقرر، نوٽيفڪيشن جاري*
  • *آصف زرداري ۽ نواز شريف هڪ ٻئي تي الزام لڳائيندا رهيا هاڻي گڏ ويٺا آھن: خرم شير زمان *بلاول جي تقرير مان لڳي پيو ته پاڪستان خلاف تحريڪ هلائڻ وڃن پيا: خرم شيرزمان *جيڪڏھن کين تحريڪ هلائڻي آھي ته ڪراچي ۽ لاڙڪاڻي کان شروع ڇو نٿا ڪن: خرم شير زمان*
  • *ڪراچي: دهشتگردي ٽوڙ عدالت ۾ انسپيڪٽر ناصر الحسن جي ٽارگيٽ ڪلنگ بابت ڪيس تي ٻڌڻي *ڏوهه ثابت نه ٿيڻ تي عدالت 5 جوابدارن کي بري ڪري ڇڏيو *اکين ڏٺن شاهدن جي تڪراري بيان جي ڪري ڏوهه ثابت نه ٿي سگهيو آهي: پوليس *
  • * ڪراچي: ميٽرڪ بورڊ شاگردن جي امتحان جا نتيجا پڌرا ڪري ڇڏيا *ڪراچي: ميٽرڪ بورڊ سائنس گروپ جي نتيجن جو اعلان ڪري ڇڏيو *ڪراچي: هڪ لک 68 هزار 880 شاگرد امتحان ۾ ڪامياب قرار*
  • *ڪشمور ويجهو سڱاوتي تڪرار تان هٿياربندن جي فائرنگ ۾ نوجوان قتل، واٽهڙو پيرسن زخمي *هٿياربندن جي فائرنگ ۾ عيد گاهه واسي علي گل سولنگي ۽ واٽھڙو پيرسن شاھمور خالدي زخمي ٿي پيا *زخمي سول اسپتال منتقل، نوجوان کي رحيم يار خان نيو پئي ويو ته رستي ۾ دم ڌڻي حوالي ڪيائين *مورزادو جکراڻي ۽ ڏاڏو جکراڻي نوجوان کي قتل ڪيو، قاتل گرفتار ڪري انصاف ڪيو وڃي: وارث *
  • *محرابپور ويجهو نوجوان بجلي جو ڪرنٽ لڳڻ سبب فوت *ڳوٺ ولي آباد ۾ علي ولد رمضان آرائين پکي مان ڪرنٽ لڳڻ سبب فوت ٿي ويو *
  • *سپريم ڪورٽ ۾ سرڪاري زمين تي پيٽرول پمپس ليز تي ڏيڻ بابت پاڻمرادو نوٽيس تي ٻڌڻي *عدالت ڪمشنر فيصل آباد پاران پيش ڪيل رپورٽ رد ڪري ڇڏي *سپريم ڪورٽ پاران ايندڙ ٻڌڻي تي ڪمشنر فيصل آباد کي ذاتي حيثيت ۾ پيش ٿيڻ جو حڪم *حڪم تي عمل نه ٿيو ته ڪمشنر ۽ اسسٽنٽ ڪمشنر ٻئي جيل ويندا: سپريم ڪورٽ*
  • *سڪرنڊ ۾ آل پارٽيز الائينس جي سڏ تي بجلي جي اڻ اعلانيل لوڊشيڊنگ خلاف احتجاجي ريلي *مظاهرين صحافي چوڪ کان ريلي ڪڍي حيسڪو آفيس جي گيٽ آڏو ڌرڻو هنيو، ڇتي نعريبازي *سڪرنڊ ۽ ڀرپاسي ۾ 16کان18 ڪلاڪ بجلي جي لوڊشيڊنگ ڪئي پئي وڃي: مظاهرين *
  • *ڪراچي: سهراب ڳوٺ وٽ پوليس ۽ ڏوهارين وچ ۾ مبينا مقابلو، 2 ڦورو زخمي حالت ۾ گرفتار *موٽر سائيڪل تي سوار ٽن جوابدارن ڦر جي ڪوشش ڪئي ته پوليس پهتي: پوليس *مقابلي ۾ زخمي ٿيل ڦورو فيروز اسپتال ۾ علاج دوران فوت ٿي ويو: پوليس *
  • *ڪراچي: شرافي ڳوٺ ۾ نجي ڪمپني جي لاڪرز مان چوري ڪندڙ جوابدار گرفتار *جوابدار لاڪرز ٽوڙي نجي ڪمپني جا 6 لک رپيا چوري ڪيا هئا: پوليس *سي سي ٽي وي فوٽيجز ۾ هڪ جوابدار ڪمپني اندر نظر آيو آهي: پوليس*
  • *رائونتي ۾ ڳوٺاڻن جو بنيادي سهولتن جي کوٽ خلاف احتجاجي ريلي، ڌرڻو *مختلف ڳوٺن جي رهواسين احتجاجي ريلي ڪڍي اي سي آفيس اوٻاوڙو آڏو ڌرڻو هنيو، نعريبازي *ڳوٺن ۾ اسڪول، پڪن روڊن ۽ اسپتال جهڙي جهڙي ڪا به سهولت نه آهي: ڳوٺاڻا*

اشو آف دي ڊي … پنوعاقل ۾ 11 ڀاتين جو قتل: سوشل ميڊيا تي سوڳ، جوابدار کي سخت سزا ڏيڻ جو مطالبو

پنو عاقل ڀرسان جيءُ جهوريندڙ واقعو پيش آيو آهي، جنهن تي سوشل ميڊيا تي به سوڳ واري صورتحال رهي، ڄاڻايو ويو آهي ته ڪينٽ ٿاڻي جي حد ڳوٺ ھاليجوي ڀرسان جوابدار پنھنجي گھر جي 11 ڀاتين کي ڇرين جا وار ڪري ڪُهي ڇڏيو، جن ۾ جوابدار جي زال، 3 پٽ، 2 پوٽا، هڪ ننهن ۽ 4 ڌيئرون شامل آهن، پوليس موجب جوابدار ذھني مريض آهي اهو جوابدار گدو اسپتال ۾ رهي چڪو آهي، جوابدار کي ٽن پٽن سوڌو گرفتار ڪيو ويو آهي، ڪجهه سال اڳ جوابدار پنهنجي ڀاءُ کي به قتل ڪيو هو، سوشل ميڊيا تي وڏي انگ ۾ ماڻهن انهي واقعي بابت پوسٽون شيئر ڪيون، مختيار عباسي لکيو ته جوابدار ميان وھاب الله انڍڙ کي ذھني مريض ڪنهن بڻايو آهي؟ جيڪڏهن ذهني مريض هيو ته ان کي اسپتال ڇو نه داخل ڪيو ويو؟ اها به هڪ جهالت آهي، عرفان عالماڻي لکيو ته سنڌ جي تاريخ ۾ وحشت ڀريو واقعو پيش آيو آهي، جوابدار پنج سال اڳ پنهنجي ڀاءُ کي به ڪٺو هو، اهڙي پوسٽ تي سيد جاويد سيوهاڻي لکيو ته جيڪڏهن ان وقت کيس سزا ملي ها ته اڄ 11 انساني جانيون بچي پون ها، عطيه اسماعيل لکيو ته پر اهي ته علائقي ۾ پير مرشد آهن.بشير چانڊيو پوسٽ شيئر ڪندي لکيو ته پنو عاقل ۾ انتهائي ڏکوئيندڙ واقعو پيش آيو آهي، اچو ته مسجدن، مدرسن، اسڪولن، ڪاليجن، يونيورسٽي ۾ انسانيت جو درس ڏيون نه ته هي ماڻهو هن سماج کي جهنم ۾ تبديل ڪري ڇڏيندا. شبير چانڊيو، امتياز عاشق، عزيز ميمڻ، مظفر ملڪ، عابد علي شيخ واقعي تي افسوس جو اظهار ڪيو ۽ جوابدار کي سخت سزا ڏيڻ جو مطالبو ڪيو. ان کانسواءِ ممتاز بخاري، آزاد انور مهر، سارنگ منير سومرو، عمران ڊيهو، ماجد سنديلو،فضل ابڙو ۽ ٻين واقعي بابت پوسٽون شيئر ڪيون، امر لغاري، دوست محمد راڄپر، گلشن لغاري، امر اقبال، آفتاب شاهه، سليم الله اوڳاهي، محبوب علي سومرو ۽ ٻين واقعي تي افسوس جو اظهار ڪيو، اهو پڻ سوال اٿاريو ويو ته 11 ماڻهو هڪ ئي وقت قتل، هڪ فرد ڪنهن جي مدد کانسواءِ ايڏا ماڻهو ڪيئن ٿو قتل ڪري سگهي؟ معاملي جي جاچ ڪئي وڃي.

This entry was posted in Technology. Bookmark the permalink.

Leave a Reply

Your email address will not be published. Required fields are marked *