تازا ترين
  • *صوبائي وزير سعيد غني پاران ڪراچي جي اسڪولن جو دورو، ايس او پيز تي عمل جي هدايت*
  • *مهانگائي جو نئون طوفان: 94 دوائن جي قيمتن ۾ 264 سيڪڙو واڌ: کاڄرو تيل، کير ۽ ٻارن جو کاڌو به مهانگا*
  • *لياقت آباد، ملير، قائد آباد، گلشن اقبال،گلستان جوهر، ڪلفٽن، کارادر، لياري ۾ بجلي ناياب*
  • *سنڌ ۾بجلي جو بدترين بحران، اڻ اعلانيل لوڊشيڊنگ جو عذاب جاري*

آزاد نظم…بيلا پنھور

پيئر ڌيئرن جو ڌن هوندا آھن
ڌيءُ کي پيءُ جي جتي سان به پيار هوندو آھي
پيءُ جيڪو اولاد جي سک لاءِ
پگھر وهائيندو آھي
ان پگھر جي سرهاڻ
ھڪ ڌيءُ لاءِ پئرس جي پرفيوم
کان به هزار ڀيرا وڌيڪ
وڻندڙ ھوندي آھي
منهنجو بابا به منهنجو ڌن آھي
منهنجي دولت منهنجي ملڪيت آھي
زندگي جي رڻ ۾ مون لاءِ بڙ جو وڻ آھي
منهنجو بابا منهنجو ساھه آھي
منھنجو اتساھ آھي
پيغمبري پيشي سان لاڳاپيل
منهنجي باباسائين جتي
هزارين خاندانن ۾ علم جي روشني پھچائي
شعور جي لاٽ ٻاري آھي
اهو ئي منھنجو بابا سائين
منھنجي وٿ آھي
منھنجو ڏڍ آھي
منھنجو سڀ آھي
منھنجو اڄ آھي
منھنجوآئيندو آھي
منھنجو پيار آھي
منھنجو سنسار آھي
منھنجو بابا سائين
شال جيئي سدائين

This entry was posted in Rachna. Bookmark the permalink.

Leave a Reply

Your email address will not be published. Required fields are marked *