تازا ترين
  • *صدر جي ڀٽيون ويجهو شادي شده عورت کي مبينا اغوا ڪرڻ جي ڪوشش *ڳوٺ مور جهٻر واسڻ ناهيدان شيخ کي جوابدارن پاران مبينا اغوا ڪرڻ جي ڪوشش ڪئي وئي *مڙس جي غير موجودگي ۾ نثار، هدايت ۽ شمن شيخ اغوا ڪرڻ جي ڪوشش ڪئي: ناهيدان شيخ*
  • *نيب شهباز شريف خلاف صاف پاڻي ڪمپني انڪوائري بند نه ڪئي آهي: نيب ترجمان *نيب شهباز شريف جي بدعنوانين خلاف ثبوتن جي بيناد تي ريفرنس داخل ڪيا: ترجمان *نيب ڪيسن ۾ رنڊڪون پيدا ڪندڙن کي مشورو آهي ته اهي عدالتي فيصلن جو انتظار ڪن: ترجمان*
  • *االعزيزيه ۽ ايون فيلڊ ريفرنس، نواز شريف جي لنڊن واري رهائشگاهه ٻاهران طلبي جا اشتهار لڳايا ويندا *رجسٽرار اسلام آباد هاءِ ڪورٽ پرڏيهي وزارت جي سيڪريٽري کي خط لکي ڇڏيو *طلبي جا اشتهار نواز شريف جي رهائشگاهه ٻاهران چورنگي تي لڳايا وڃن: خط *اشتهار پاڪستاني هاءِ ڪميشن پاران رهائشگاهه ٻاهران لڳايا وڃن: خط*
  • *لاڙڪاڻي ۾ مبينا تشدد جو نشانو بڻيل اي ايس آءِ اصغر مغيري جو يوٽرن *اصغر مغيري رٽائرمينٽ واري درخواست واپس وٺڻ بعد ڊيوٽي شروع ڪري ڇڏي *رٽائرمينٽ واري درخواست منظور نه ٿيڻ سبب ڊيوٽي شروع ڪئي آهي: اصغر مغيري *اصغر مغيري پاران رٽائرمينٽ بابت ڪا به درخواست ناهي ملي: ايس ايس پي جو پي آر او*
  • *هالاڻي ۾ هاءِ اسڪول جي ٻن شاگردن کي ڪورونا جي تصديق *هاءِ اسڪول ھالاڻي جي110 شاگردن جي ٽيسٽ ڪئي وئي جن مان ٻن جي رپورٽ پازيٽو اچي وئي *ڳوٺ الهڏنو جوڳي واسي ٻن شاگردن کي ڪورونا جي تصديق بعد گهرن ۾ آئيسوليٽ ڪيو ويو*
  • *ٺل ويجهو مقتول احمد نوناري جي قتل خلاف هنيل ڌرڻي دوران چڪريون، 3 اهلڪار زخمي* ٺل: مظاهرين ۽ پوليس ۾ چڪرين دوران ايس ايڇ او سميت 3 اهلڪار زخمي ٿي پيا، اسپتال منتقل *ٺل: پوليس جي مقتول احمد نوناري ۽ سعيد ڀٽي جي ڪيس ۾ گهربل 2جوابدار گرفتار ڪرڻ جي دعويٰ *جوابدار عظمت گهڃو ۽ محمد بخش کي گرفتار ڪيو آهي: پوليس *
  • * لاهور: احتساب عدالت ۾ رمضان شگر ملز ريفرنس جي ٻڌڻي *حمزه شهباز اوهان کي ڪورونا وائرس آهي؟: عدالت جو سوال *جي ها مونکي ڪورونا وائرس هو، هاڻي طبيعت بهتر آهي: حمزه شهباز جو جواب *عدالت وڪيلن جي هڙتال سبب ٻڌڻي 31 آڪٽوبر تائين ملتوي ڪري ڇڏي*
  • * سپريم ڪورٽ ۾ 25 هين آئيني ترميم خلاف درخواست تي ٻڌڻي *وفاق ۽ ڪي پي حڪومت درخواست ٻڌڻي جوڳي هجڻ تي اعتراض واري ڇڏيا *درخواستگذار کي پهرين درخواست ٻڌڻي جوڳي هجڻ بابت دليل ڏيڻا پوندا: ايڊيشنل اٽارني جنرل *آرٽيڪل 17 تحت سياسي حق ۽ بينادي حقن ۾ شمار ٿين ٿا: سپريم ڪورٽ *قبائلي علائقا پنهنجي مرضي سان پاڪستان ۾ شامل ٿين، انهن جون قربانيون آهن: عدالت*
  • *بلدياتي چونڊن ۾ آزاد اميدوارن کي مخصوس سيٽون نه ڏيڻ وارو معاملو *سنڌ هاءِ ڪورٽ ۾ ذوالفقار مرزا جي درخواست تي ٻڌڻي *بدين اتحاد، 2015ع ۾آزاد حيثيت سان 4يوسيز ۾ ڪاميابي حاصل ڪئي: درخواستگذر جو وڪيل *مخصوس سيٽون نه ڏيڻ سان يوسيز چونڊيل نمائندن بدران بيوروڪريٽس هلائين پيا: وڪيل *ايندڙ بلدياتي چونڊن ۾ اهو مسئلو ٻيهر سامهون ايندو: وڪيل *عدالت فوري ٻڌڻي لاءِ درخواست تي سنڌ حڪومت ۽ اليڪشن ڪميشن کي نوٽيس جاري ڪري ڇڏيا *عدالت ڌرين کي 18نومبر تائين جواب ڏيڻ جي به هدايت ڪري ڇڏي *قانون موجب مخصوص سيٽون رڳو سياسي جماعت کي کي ڏئي سگهجن ٿيون: اليڪشن ڪميشن *
  • *مدئجي ۾ گذريل ڏينهن پوليس جي مبينا مقابلي ۾ مارجي ويل نوجوان جي وارثن پاران لاش رکي ڌرڻو *مقتول صديق جلباڻي جي وارثن جلباڻي لاڙي وٽ لاش رکي روڊ بلاڪ ڪري ڇڏيو، ٽائرن کي باهيون* پوليس صديق کي ڪوڙي مقابلي ۾ قتل ڪيو، هڪ نوجوان کي به گم ڪيو ويو آهي: وارث*
  • *لاڙڪاڻو: ڊسٽرڪٽ اينڊ سيشن جج پاران چانڊڪا اسپتال جو دورو *لاڙڪاڻو: سيشن جج اقبال حسين ميتلو کي ايم ايس ڊاڪٽر ارشاد ڪاظمي پاران بريفنگ ڏني وئي *65بسترن واري ايڇ ڊي يو وارڊ ۾ پوسٽ ڪورونا مريضن لاءِ انتظام ڪيل آهن: ايم ايس چانڊڪا اسپتال *چانڊڪا اسپتال ۾ جديد سهولتون اطمينان بخش آهن، هڙتالون يا مظاهرا نه ٿيڻ گهرجن، سيشن جج *
  • *اسلام آباد: احتساب عدالت نارووال اسپورٽس سٽي ڪيس جي ٻڌڻي *نيب احسن اقبال خلاف ريفرنس داخل ڪرڻ لاءِ هڪ ڀيرو ٻيهر مهلت گهري ورتي *نيب جي جاچ آفيسر اڳڀرائي رپورٽ احتساب عدالت ۾ جمع ڪرائي ڇڏي *پري ايگزيڪيوٽو بورڊ ۾ ريفرنس پيش ڪيو هو، اڃا منظوري رهيل آهي: جاچ آفيسر*
  • *حيدرآباد ۾ ڪورونا جي ڪيسن ۾ ٻيهر واڌ، 24ڪلاڪن دوران 29نوان ڪيس ظاهر *حيدرآباد جي شهري تعلقي ۾ 6،لطيف آباد ۾11۽ قاسم آباد ۾ 12 نوان ڪيس ظاهر *221 ڄڻا گهرن ۾ آئيسوليٽ،7 ڄڻا سول اسپتال ۽ 5 ڄڻا ڪراچي جي اسپتالن ۾ داخل*

صفدر جي گرفتاري:سنڌ سرڪار طرفان جاچ ڪميٽي جو اعلان

ڪراچي ۾ رٽائرڊ ڪيپٽن صفدر کي جهڙي نموني گرفتار ڪيو ويو، اُن تي خدشا آهن: مراد علي شاهه

ڪراچي (اسٽاف رپورٽر) ڪراچي ۾ رٽائرڊ ڪيپٽن صفدر کي جهڙي نموني گرفتار ڪيو ويو، اُن تي خدشا آهن، وڏي وزير طرفان ڪراچي ۾ رٽائرڊ ڪيپٽن صفدر جي گرفتاري واري معاملي جي جاچ لاءِ وزارتي ڪميٽي جوڙڻ جو اعلان، وڏي وزير مراد علي شاهه چيو آهي ته ڪميٽي ۾ 3 کان 5 وزير شامل هوندا، ڪميٽي سمورن ماڻهن کان جاچ ڪري ذميوارن جو تعين ڪندي، ڪميٽي مون کي به گهرايو ته پيش ٿيندس، ڪميٽي جي سفارشن تحت سنڌ سرڪار وڌيڪ ڪارروائي ڪندي، ڪراچي ۾ پريس ڪانفرنس دوران وڏي وزير چيو ته پي ٽي آءِ پنهنجي ناپاڪ مقصد لاءِ مزارِ قائد کي استعمال ڪيو، معاملي جي تهه تائين وينداسين ۽ ڪنهن کي نه ڇڏينداسين.

وزيرن کي مهانگائي جي خاتمي کي پنهنجو مشن بڻائڻ گهرجي: وزيراعظم

اسلام آباد (بيورو رپورٽ) وزير اعظم جي صدارت هيٺ وفاقي ڪابينا جو اجلاس، گن اينڊ ڪنٽري ڪلب جي عارضي مئنجمينٽ ڪميٽي جي منظوري ڏني وئي، سنڌ انفراسٽرڪچر ڊولپمينٽ ڪميٽي جي چيف ايگزيڪٽو آفيسر جي مقرري جي منظوري، اجلاس ۾ مهانگائي جي خاتمي جي حوالي سان حڪومتي قدمن بابت تفصيلي بريفنگ ڏني وئي، اجلاس ۾ وزيراعظم وفاقي وزيرن کي هدايت ڪندي چيو ته وزير مهانگائي جي خاتمي کي پنهنجو مشن بڻائين، ذريعن موجب وزيراعظم چيو ته سياسي عورتن جي حوالي سان به محتاط انداز اختيار ڪيو وڃي.

ڪراچي جي شرين جناح ڪالوني ۾دڪان اندر سلينڊر ڌماڪو،6ڄڻا زخمي

ڪراچي (اسٽاف رپورٽر) ڪراچي جي شرين جناح ڪالوني ۾دڪان اندر سلينڊر ڌماڪو، 6ڄڻا زخمي ٿي پيا، سلينڊر ڦاٽڻ سبب 6ڄڻا زخمي ٿي پيا، هڪ ڄڻي جي حالت نازڪ ٻڌائي پئي وڃي، زخمين کي اسپتال منتقل ڪيوويو. جڏهن ته بس به ڌماڪي جي نذر ٿي وئي.

بحريا ٽائون جا 460 ارب رُپيا وفاق۽سنڌ سرڪار مان ڪنهن کي نه مليا، سپريم ڪورٽ طرفان رقم ترقياتي منصوبن تي خرچ ڪرڻ لاءِ ڪميشن قائم

وفاق ۽ سنڌ سرڪار جي درخواستن تي محفوظ ڪيل فيصلو جاري، اٽارني جنرل جي ڪميشن جوڙڻ واري استدعا منظور
ڪميشن جو سربراهه سپريم ڪورٽ جو جج هوندو، سنڌ جي گورنر ۽ وڏي وزير جا نمائندا به ڪميشن ۾ شامل هوندا:عدالت

اسلام آباد (بيورو رپورٽ) بحريه ٽائون جا 460 ارب رُپيا وفاق ۽ سنڌ سرڪار مان ڪنهن کي به نه مليا، سپريم ڪورٽ رقم ترقياتي منصوبن تي خرچ ڪرڻ لاءِ 11 رُڪني ڪميشن جوڙي ڇڏي، وفاق ۽ سنڌ سرڪار جي درخواستن تي محفوظ ڪيل فيصلو جاري، اٽارني جنرل جي ڪميشن جوڙڻ واري استدعا منظور، عدالت پنهنجي فيصلي ۾ چيو آهي ته ڪميشن جو سربراهه سپريم ڪورٽ جو جج هوندو، سنڌ جي گورنر ۽ وڏي وزير جا نمائندا به ڪميشن ۾ شامل هوندا، اٽارني جنرل، اي جي سنڌ ۽ چيف سيڪريٽري سنڌ کي به ڪميشن ۾ شامل ڪيو ويندو، اسٽيٽ بئنڪ جو نمائندو ۽ 2 سماجي شخصيتون به شامل هونديون، فيصلي ۾ چيو ويو آهي ته ڪميشن سنڌ ۾ ضرورت موجب نوان ترقياتي منصوبا شروع ڪندي، پهرين کان جاري منصوبن تي بحريه ٽائون جا پئسا خرچ نه ٿيندا.

ڪراچي ۾ رٽائرڊ ڪيپٽن صفدر خلاف ڪيس ۽ گرفتاري کانپوءِ پيدا ٿيل صورتحال تي وزيراعليٰ هائوس ۾ اهم اجلاس

اجلاس ۾ رٽائرڊ ڪيپٽن صفدر جي معاملي تي صلاح مشورن بعد حڪومتي موقف تيار

ڪراچي (اسٽاف رپورٽر) ڪراچي ۾ رٽائرڊ ڪيپٽن صفدر خلاف ڪيس ۽ گرفتاري کانپوءِ پيدا ٿيل صورتحال تي وزيراعليٰ هائوس ۾ اهم اجلاس، وڏي وزير مراد علي شاهه جي صدارت هيٺ اجلاس دوران صوبائي وزيرن سان گڏ آءِ جي سنڌ مشتاق مهر ۽ ايديسنل آءِ جي غلام نبي ميمڻ به شريڪ، ذريعن جو چوڻ آهي ته اجلاس ۾ رٽائرڊ ڪيپٽن صفدر جي معاملي تي صلاح مشورن بعد حڪومتي موقف تيار ڪيو ويو، وڏو وزير مراد علي شاهه پريس ڪانفرنس ذريعي صوبائي حڪومت جي موقف کان آگاهه ڪندو..

ملڪ ۾ دهشتگردي ٻيهر ڪر کڻي رهي آهي، سِڪيورٽي ادارا دهشتگردن کي چِٿڻ بدران قومي انتقامي پلان جو حصو بڻجي ويا آهن:نواز ليگ اڳواڻ

عمران خان جي نالائقيءَ تي قومي وقار قربان ٿي رهيو آهي، وزير ادارن پويان لڪن پيا:احسن اقبال
ڪراچي ۾ رٽائرڊ ڪئپٽن صفدر جي ته ضمانت ٿي وئي، آءِ جي سنڌ کي ضمانت ڪير ڏيندو؟: شاهد خاقان

اسلام آباد (بيورو رپورٽ) ملڪ ۾ دهشتگردي هڪ ڀيرو ٻيهر ڪر کڻي رهي آهي، سِڪيورٽي ادارا دهشتگردن کي چِٿڻ بدران قومي انتقامي پلان جو حصو بڻجي ويا آهن، سِڪيورٽي ادارا انتظامي سياست جي نذر ٿي ويا، اڳوڻي وفاقي وزير احسن اقبال چيو آهي ته عمران خان جي نالائقيءَ تي قومي وقار قربان ٿي رهيو آهي، سندس وزير هر هر قومي ادارن جي پويان لِڪـِي رهيا آهن، ڪڏهن عدليه ته ڪڏهن وري فوج کي آڏو آندو ويندو آهي، اڳوڻي وزيراعظم شاهد خاقان عباسي چيو آهي ته ڪراچي ۾ رٽائرڊ ڪئپٽن صفدر جي ته ضمانت ٿي وئي، آءِ جي سنڌ کي ضمانت ڪير ڏيندو؟ ڇا آءِ جي ڪنهن عدالت ۾ وڃي سگهي به ٿو يا نه؟ ملڪ ۽ معاشرو ايئن نه ٿو هلي سگهي، جيترو جلدي اهو سمجهيو وڃي ته بهتر آهي، جن ادارن کي دهشتگردن سان ويڙهه ڪرڻي هئي، اُنهن کي سياسي جنگ ۾ لڳايو ويو آهي.

جلسن ۾ ادارن ۽ اُنهن جي اعليٰ سخصيتن جا نالا وٺڻ تي اسان کي به افسوس آهي، اهڙي نوبت نه اچڻ گهرجي ها: فضل الرحمان

ملڪ کي جمهوريت جي پٽڙي تي نه آندو ته اهي سوال اڃا به وڌيڪ گهرا ٿيندا ويندا
اڃا به وقت آهي ته ملڪ ۾ حقيقي جمهوريت واپس آندي وڃي: ميڊيا سان ڳالهيون

حيدرآباد (بيورو رپورٽ) جلسن ۾ ادارن ۽ اُنهن جي اعليٰ سخصيتن جا نالا وٺڻ تي اسان کي به افسوس آهي، اهڙي نوبت نه اچڻ گهرجي ها، حڪومت مخالف اتحاد پي ڊي ايم جي سربراهه مولانا فضل الرحمان چيو آهي ته ملڪ کي جمهوريت جي پٽڙي تي نه آندو ته اهي سوال اڃا به وڌيڪ گهرا ٿيندا ويندا، اڃا به وقت آهي ته ملڪ ۾ حقيقي جمهوريت واپس آندي وڃي ۽ پارليامينٽ کي عوام جي حقيقي نمائندگي ڪندڙ بڻايو وڃي، اسٽيبلشمينٽ، بيورو ڪريسي، عدليه، اسٽيبلشمينٽ ۽ ٻين ادارن کي سياست ۾ شامل نه ٿيڻ گهرجي، اسان سمورن ادارن ۽ اُنهن جي شخصيت جو احترام ڪريون ٿا، پر ڪنهن ٻئي جي علائقي ۾مداخلت ڪئي ويندي ته شڪايتون ضرور اينديون، حيدرآباد ۾ ميڊيا سان ڳالهائيندي فضل الرحمان چيو ته حڪومت جمهوريت ۽ آئين جي عملدار لاءِ تحريڪ جي شروعات ڪئي آهي، هڪ ڀرپور جدوجهد ذريعي آئين جي عملداري کي يقيني بڻايو ويندو.

لاڙڪاڻو: هاءِ ڪورٽ مان ضمانت واري درخواست رد ٿيڻ تي زبير جکراڻي گرفتار

لاڙڪاڻو (بيورو رپورٽ) جيڪب آباد ۾ 2011ع دوران داخل ٿيل ڪيس ۾ زبير جکراڻي گرفتار، سنڌ هاءِ ڪورٽ سرڪٽ بئنچ لاڙڪاڻو جي حڪم تي پوليس زبير جکراڻي کي گرفتار ڪري ورتو، لاڙڪاڻو جَي سماجي اڳواڻ شير محمد مغيري جي درخواست تي سمورين ڌُرين کي 22 آڪٽوبر تي طلب ڪري ورتو، پوليس جو چوڻ آهي ته زبير جکراڻي 13 ڊي جي ڪيس ۾ روپوش هو، سنڌ هاءِ ڪورٽ طرفان ضمانت درخواست رد ڪرڻ بعد کيس گرفتار ڪيو ويو.

چوهڙ جمالي ڀرسان ڪراچي واسي 3 ڄڻا ستاواهه ۾ وهنجڻ دوران ٻڏي ويا، هڪ جو لاش هٿ، ٻن کي بچايو ويو

چوهڙ جمالي (ن پ ا) چوهڙ جمالي ڀرسان ڪراچي واسي 3 ڄڻا ستاواهه ۾ وهنجڻ دوران ٻڏي ويا، مقامي ٽوٻن وقت سر ڪارروائي ڪندي ٻن ڄڻن کي بچائي ورتو، هڪ جي ڳولا جاري، علائقي واسين جو چوڻ آهي ته ٻڏي ويل ڪراچي واسي درگاهه شاهه يقيق جي زيارت لاءِ آيا هئا، ستا واهه ۾ وهنجڻ دوران اونهي پاڻي ۾ وڃڻ سبب ٻڏي ويا..

گرينڊ هيلٿ الائنس جي جدوجھد ڪامياب، رسڪ الائونس بند ڪرڻ وارو نوٽيفڪيشن واپس

ملازمن جو روڪيل ڪورونا رسڪ الائونس وري بحال ڪيو ويو آھي: صحت کاتو
آچر تي گرينڊ ھيلٿ الائنس جي وفد جي سيڪريٽري ھيلٿ وچ ۾ ڳالھيون ٿيون

ڪراچي (اسٽاف رپورٽر) گرينڊ هيلٿ الائنس جي جدوجھد ڪامياب، رسڪ الائونس بند ڪرڻ وارو نوٽيفڪيشن واپس ورتو ويو آهي، صحت کاتي جو چوڻ آهي ته ملازمن جو روڪيل ڪورونا رسڪ الائونس وري بحال ڪيو ويو آھي، الائونس جاري رکڻ لاءِ فنانس ڊپارٽمينٽ کي صحت کاتي پاران ليٽر جاري ڪيو ويو آهي، آچر تي گرينڊ ھيلٿ الائنس جي وفد جي سيڪريٽري ھيلٿ وچ ۾ ڳالھيون ٿيون هيون، ڪجهه ڏينهن کان گرينڊ هيلٿ الائنس جي سڏ تي سرڪاري اسپتالن ۾ رسڪ الائونس جي بحالي لاءِ او پي ڊيز جو بائيڪاٽ جاري هو، جنهن سبب مريض پريشانين کي منهن ڏئي رهيا هئا.

سکر پوليس طرفان مبينا مقابلي ۾ هڪ پورهيت کي هاف فراءِ ڪرڻ واري دعويٰ ڪوڙي قرار

سکر (بيورو رپورٽ) سکر پوليس طرفان مبينا مقابلي ۾ هڪ پورهيت کي هاف فراءِ ڪرڻ واري دعويٰ ڪوڙي قرار، نهال لکڻ جي وارثن احتجاج ڪندي چيو آهي ته سائيٽ پوليس نهال لکڻ کي 3 ڏينهن اڳ کيس بنا جواز گرفتار ڪيو، 50 هزار رُپيا رشوت نه ملڻ تي کيس گوليون هنيون ويون، نهال گڏهه گاڏو هلائي پيٽ گذر ڪندو آهي، پوليس نهال سوڌو ٻين خلاف ڪوڙو ڪيس داخل ڪيو آهي، پورهيت نهال لکڻ جي وارثن طرفان پوليس جي ذميوار عملدارن خلاف ڪارروائي ڪري انصاف جو مطالبو، سکر پوليس جي ترجمان چيو آهي ته نهال لکڻ مقابلي دوران فائرنگ جي نتيجي ۾ زخمي ٿيو، وٽانئس پستول به هٿ ڪيو ويو آهي، جوابدار ۽ سندس وارث ڪوڙا الزام هڻي رهيا آهن.

سجاول ضلعي جي روڊن ۽ پلن جون 186 رٿائون سالن کان رولڙي جو شڪار، گذريل سال جي منصوبن کي هن سال به بجيٽ نه ملي

2010ع واري مھا ٻوڏ دوران ضلعي جا 80 سيڪڙو روڊ ٽٽي تباھ ٿي ويا ھئا،وري ٻيهر ڪم شروع ڪيو ويو
ميرپور بٺورو جي مک روڊن، لنڪ روڊن ۽ پلن جون اسڪيمون 3 سالن ۾ مڪمل ڪرڻيون هيون اڃا تائين پوريون نه ٿي سگھيون

سجاول (رپورٽ مشتاق سعيد) سجاول ۾ روڊن ۽ پلن جون 186 رٿائون سال کان رولڙي جو شڪار ٿي ويون آهن، سال 2019ع ۾ شروع ڪرڻ بعد اڌ ۾ رھيل رٿائن لاء 2020ع ۾ بجيٽ نه ملي، عام ماڻھن توڙي ٽراسپورٽرز کي سخت مشڪلاتون درپيس آهن. ان ڏس ۾ سجاول ۾ ھاء ويز کاتي پاران سال 2019ع ۾ سجاول ضلعي جي مختلف تعلقن کاروڇاڻ، شاھبندر، جاتي، سجاول ۽ ميرپور بٺورو جي مک روڊن، لنڪ روڊن ۽ پلين جون 186 اسڪيمون شروع ڪيون ويون ھيون، جيڪي 3 سالن ۾ مڪمل ڪرڻ جو هدف رکيو ويو ۽ ڄاڻايل رٿائن لاء سالياني ترقياتي بجيٽ 50 ڪروڙ مختص ڪيل آھي ھاءِ ويز پاران سال 2019ع ۾ مليل ترقياتي بجيٽ سان 186 اسڪيمن تي ڪم شروع ڪرايو ويو پر سال 2020ع دوران ڄاڻايل منصوبن لاء بجيٽ نه ملڻ ڪري رٿائون اڌ ۾ رھجي رولڙي جون شڪار ٿي ويون آھن، جنھن ڪري ضلعي جي ٽٽل روڊ رستن تان گذرڻ دوران عام ماڻھن ۽ گاڏين وارن کي سخت ڏکيائيون پيش اچي رھيون آھن. ان ڏس ۾ ھاءِ ويز کاتي سجاول جي ايگزيڪيوٽو انجنيئر غلام فريد مغيري جو چوڻ ھو ته سرڪار پاران بجيٽ نه ملڻ ڪري اسڪيمون مڪمل نه ٿي سگھيون آھن. اسان اختيارين سان معاملي تي لکپڙھ ڪئي آھي، جيئن ئي بجيٽ ملندي ته سموريون اسڪيمون مڪمل ڪرايون وينديون. ٻئي طرف شھرين ۽ گاڏين وارن غني راھمون، سليمان ميمڻ، عزيز سرواڻ، مولوي اشرف ۽ ٻين چيو آھي ته ضلعي جا ڪيترائي مک رستا توڙي لنڪ روڊ ٽٽل ھجڻ ڪري ڳوٺاڻن کي شھرن تائين پھچڻ ۾ مشڪل پيش اچي ٿي ڪنھن حادثي وقت يا بيماري جي حالت ۾ شھر جي اسپتالن ڏانھن ايندڙ مريضن کي روڊ ٽٽل ھجڻ ڪري پھچائڻ ۾ گھڻو وقت لڳي ٿو، جنھن سان سندن جانيون ضايع ٿيڻ جو پڻ خدشو رھي ٿو. واضح رهي ته سال 2010ع واري مھا ٻوڏ دوران سجاول ضلعي جا 80 سيڪڙو روڊ رستا ٽٽي تباھ ٿي ويا ھئا جن کي ٻيھر تعمير ڪرائڻ لاء سنڌ سرڪار پاران وفاق ۽ عالمي بينڪ کان پڻ مدد گھري وئي ھئي جنھن بعد ڪيترن ئي روڊن جو ڪم شروع ڪيو ويو ۽ ڪيترائي منصوبا مڪمل پڻ ٿي چڪا پر سالياني برساتن سبب روڊن کي وڌيڪ نقصان پھتو گذريل سال شروع ڪيل روڊن ۽ پلين جي 186 اسڪيمن کي گذريل تيز برساتن دوران وڏو نقصان پھتو آھي ۽ مختلف روڊ ھنڌان ٽٽي اکڙي ويا آھن. ضلعي جا ساحلي ڳوٺ پڪن رستن کان محروم آهن، ھزارين رھواسي ڏکيائين ۾ ورتل، برساتن دوران لنگھه بند ٿي وڃڻ ڪري ڳوٺن جو شھرن سان رابطو ڪٽجي وڃي ٿو. ضلعي جي ساحلي تعلقن جاتي، شاھبندر ۽ کاروڇاڻ جا ھزارين ڳوٺ ھن جديد دور ۾ به روڊن جي سھولت کان محروم آھن جنھن ڪري لکين ماڻھو پريشاني جو شڪار آھن ھر سال برساتن دوران ساحلي ڳوٺن کان شھرن ڏانھن ايندڙ ڪچا رستا ۽ ٻيا لنگھ ٻڏي بند ٿي وڃڻ ڪري ڳوٺن جو شھرن سان رابطو ڪٽجي وڃي ٿو ۽ رھواسي مشڪلات ۾ اچي وڃن ٿا رھواسين مطالبو ڪيو آھي ته ساحلي ڳوٺن ۾ پڪا روڊ ٺھرائي سھولت ڏياري وڃي.

سانگهڙ ۾ ميونسپل ايڊمنسٽريٽر ۽ چيف ميونسپل آفيسر مقرر نه ٿيا، شهر گندگيءَ جي ڍير ۾تبديل

شھر جي مک رستن، ڪاروباري مرڪزن تي گندگيءَ جا ڍير پيل، ڪچرو ساڙڻ سبب شھري ساھ جي بيمارين ۾ وٺجي ويا

سانگهڙ (رپورٽر) سانگهڙ شھر گندگيءَ جي ڍير ۾ تبديل ٿي ويو. شھري انتظاميا مان ميونسپل ايڊمنسٽريٽر اسدالله کوسو پاران چارج ڇڏڻ کان پوءِ تقرري نه ٿي سگهي، جڏھن ته چيف ميونسپل آفيسر جي بدلي ٿيڻ کان پوءِ سندس جاءِ به ڀرجي نه سگھي. جنھن سبب شھر ۾ انتظامي معاملا رولڙي جي شڪار ٿيڻ سبب شھر جون حالتون ڏينهون ڏينهن بدتر ٿينديون پيون وڃن. شھر جي مک رستن ايم اي جناح روڊ، باکوڙو روڊ، ڪلاٿ ڊپو مارڪيٽ، ڪياني روڊ،سوسائٽي روڊ ، حيدرآباد روڊ تان صفائي نه ٿيڻ سبب عام شھري توڙي دڪاندار پريشان ٿي ويا آهن. ان حوالي سان شھرين وسيم ميمڻ ، علي گل جمالي، قيوم لانڊر ۽ ٻين پنھنجي اخبار سان ڳالهائيندي چيو ته اسان پنهنجي عمر ۾ ھن قسم جي بدترين انتظاميا نه ڏٺي، اڳ به ڪو شھر گلزار نه ھوندو ھو پر گھٽ ۾گھٽ ھفتي ۾ ٻه ٽي ڀيرا روڊ تي ٻھاري ايندي هئي پر ھاڻ ته ان کان به وياسين، ماڻھو مجبوري ۾ گند ساڙي ڇڏيندا آهن جنهن ڪري ھر گھر ۾ ھڪ ماڻھو ساھ جي مرض ۾ مبتلا آهي. ھنن وڌيڪ چيو ته پير صاحب جي ٿلھي، زاھد ٽائون، راڻا راجپوت ڪالوني، نظاماڻي پاڙو، مڱريا پاڙو، مري پاڙو ۾ ايتري ته گندگي جو آزار آهي جو ماڻھو لڏپلاڻ تي مجبور آهن. ناليون اٿلي گھٽين گھرن ۾ وھي رھيون آھن. سٽيزن ايڪشن ڪاميٽي جي اڳواڻن حسن عسڪري، محمد رحيم خاصخيلي پنهنجي اخبار سان ڳالهائيندي چيو ته اسان گھڻئي گڏجاڻيون ڪيون ضلعي انتظاميا سان پر ڪو فائدو نه ٿيو ، ھاڻ ڪورٽ جو دروازو کڙڪائي رھيا آھيون.

ٽنڊو محمد خان ۾ جعلي ڪاغذن ذريعي ٻن سالن تائين پگهار کڻڻ واري ڪيس ۾ ٻن پوليس اهلڪارن جي ضمانت منظور

ٽنڊومحمد خان (ن پ ا) ٽنڊو محمد خان ۾ جعلي ڪاغذن ذريعي ٻن سالن تائين پگهار کڻڻ واري ڪيس ۾ ٻن پوليس اهلڪارن جي ضمانت منظور، حيدرآباد جي ائنٽي ڪرپشن ڪورٽ اهلڪار شهزادو ۽ امجد علي جي گرفتاري کان اڳ ضمانت منظور ڪري ورتي، جوابدارن کي 50-50 هزار رُپين جا ضمانتي مچلڪا جمع ڪرائڻ جو حڪم، پوليس جو چوڻ آهي ته ٽن پوليس اهلڪارن خلاف 14 آڪٽوبر تي جعلي ڪاغذن ذريعي پگهار کڻڻ جو ڪيس داخل ڪيو ويو، اهلڪار 2017ع کان 2019ع تائين غيرقانوني طور پگهار کڻندا رهيا.

ڪوٽڙي ڪبير ۾ روڊ حادثي ۾ زخمي ٿيل پيرسن محمد سچل گمبٽ جي گمس اسپتال ۾ فوت

گمبٽ ( ن پ ا) ڪوٽڙي ڪبير وٽ روڊ حادثي ۾ زخمي ٿيل پيرسن محمد سچل چنو گمس اسپتال ۾ زخمن جا سور نه سھندي فوت ٿي ويو. پيرسن جو مڙھ وارث ضروري ڪارروائي بعد رسول آباد کڻائي ويا. ياد رهي ته پيرسن اڄ صبح جو ڪوٽڙي ڪبير وٽ قومي شاهراهه تي ٻن موٽرسائيڪلن وچ ۾ ٽڪر جي نتيجي ۾ زخمي ٿيو هو.

Breaking News
  • ڪراچي: شرين جناح ڪالوني ۾دڪان اندر سلينڊر ڌماڪو، 6 ڄڻا زخمي

  • نيب شهباز شريف جي بدعنوانين خلاف ثبوتن جي بيناد تي ريفرنس داخل ڪيا: ترجمان

  • نيب شهباز شريف خلاف صاف پاڻي ڪمپني انڪوائري بند نه ڪئي آهي: نيب ترجمان

  • لاڙڪاڻو: عدالت جي حڪم تي سردار زبير خان جکراڻي گرفتار

  • ڪيپٽن (ر) صفدر جي گرفتاري:سنڌ سرڪار طرفان ڪميٽي جو اعلان

  • 18 آڪٽوبر تي ٿيل سازش کي بي نقاب ڪيو ويندو: وڏو وزير

  • پي ٽي آءِ وارا پاڻ به مزار قائد جو تقدس پائمال ڪري چڪا آهن: وڏو وزير

  • ڪوڙ کير پير ناهن هوندا، ڪوڙ ڪوڙ هوندو آهي: مراد علي شاهه

  • مزار قائد جي احاطي ۾ نعرا پهريون ڀيرو ناهن لڳا: وڏو وزير

  • پوليس کي پنهنجو ڪم ڪرڻو هو ۽ ڪيس داخل ڪيو: وڏو وزير

  • چوهڙ جمالي ڀرسان ڪراچي واسي 3 ڄڻا ستاواهه ۾ وهنجڻ دوران ٻڏي ويا، هڪ فوت

  • ٺل: مظاهرين ۽ پوليس ۾ چڪرين دوران ايس ايڇ او سميت 3 اهلڪار زخمي ٿي پيا

  • ٺل ويجهو مقتول احمد نوناري جي قتل خلاف هنيل ڌرڻي دوران چڪريون، 3 اهلڪار زخمي

  • لاهور: احتساب عدالت طرفان نيب جي استدعا رد، شهباز شريف جوڊيشل رمانڊ تي جيل حوالي

  • 11رڪني ڪميشن جو سربراهه سپريم ڪورٽ مقرر ڪندي، گورنر سنڌ ۽ وڏي وزير جو نمائندو به شامل هوندو

ٺل ويجهو مقتول احمد نوناري جي قتل خلاف هنيل ڌرڻي دوران مظاهرين ۽ پوليس ۾ چڪريون، 3 اهلڪار زخمي

پوليس طرفان احمد نوناري ۽ سعيد ڀٽي ڪيس ۾ گهربل2 جوابدار گرفتار ڪرڻ جي دعويٰ

ٺل (ن پ ا) ٺل ۾ گُهڃا ۽ نوناري برادري جي ٻن ڌُرين ۾ ٿيل جهيڙي دوران زخمي ٿيل عطائي ڊاڪٽر احمد نوناري فوت، جهيڙي ۾ نينگر سوڌو قتل ٿيلن جو انگ وڌي 2 ٿي ويو، مقتول عطائي ڊاڪٽر احمد نوناري جي وارثن طرفان زيرو پوائنٽ تي لاش رکي ڌرڻو، مڇريل ماڻهن طرفان طرفان ٽائرن کي باهيون ڏئي پوليس خلاف نعريبازي، مقتولن جي وارثن طرفان جي ڪيس ۾ نامزد جوابدار ڌُر جي گهرن ۾ ڀڃ ڊاهه، پوليس اهلڪارن ۽ مڇريل ماڻهن ۾ منهن ماري، مقتول ڊاڪٽر جي وارثن چيو آهي ته پوليس جي نااهلي سبب عطائي ڊاڪٽر احمد نوناري ۽ واٽهڙو نينگر سعيد ڀٽي قتل ٿيا، ڪيس داخل ٿيڻ باوجود پوليس جوابدارن جي گرفتاري لاءِ ڪک ڀڃي ٻيڻو ناهي ڪيو، مظاهرين طرفان جوابدارن جي گرفتاري تائين احتجاج جاري رکڻ جو چتاءُ ڏنو ويو.

مدئجي ۾ گذريل ڏينهن پوليس جي مبينا مقابلي ۾ مارجي ويل نوجوان جي وارثن پاران لاش رکي ڌرڻو

مقتول صديق جلباڻي جي وارثن جلباڻي لاڙي وٽ لاش رکي روڊ بلاڪ ڪري ڇڏيو
پوليس صديق کي ڪوڙي مقابلي ۾ قتل ڪيو، هڪ نوجوان کي به گم ڪيو ويو آهي: وارث

مدئجي (ن پ ا) مدئجي ۾ گذريل ڏينهن پوليس جي مبينا مقابلي ۾ مارجي ويل نوجوان جي وارثن پاران لاش رکي ڌرڻو هنيو ويو، مقتول صديق جلباڻي جي وارثن جلباڻي لاڙي وٽ لاش رکي روڊ بلاڪ ڪري ڇڏيو، ٽائرن کي باهيون، مقتول جي وارثن جو چوڻ هو ته پوليس صديق کي ڪوڙي مقابلي ۾ قتل ڪيو، هڪ نوجوان کي به گم ڪيو ويو آهي، صديق جلباڻي جي ڪيس ۾ ملوث اهلڪارن خلاف ڪارروائي ڪري انصاف ڪيو وڃي، ٻي صورت ۾ احتجاج جاري رهندو.

نواز ليگ اڳواڻ رٽائرڊ ڪيپٽن صفدر هر سال 18 آڪٽوبر تي مزارِ قائد وڃي مادرِ ملت جا نعرا هڻڻ جو اعلان ڪري ڇڏيو

مادرِ ملت ۽ نواز شريف جو پيغام کڻي نڪتو آهيان: ميڊيا سان ڳالهيون

لاهور (بيورو رپورٽ) نواز ليگ اڳواڻ رٽائرڊ ڪيپٽن صفدر هر سال 18 آڪٽوبر تي مزارِ قائد وڃي مادرِ ملت جا نعرا هڻڻ جو اعلان ڪري ڇڏيو، رٽائرڊ ڪيپٽن صفدر چيو آهي ته مزارِ قائد تي مادرِ ملت زنده آباد جا نعرا هنيا، اِن ۾ ڪهڙي خرابي آهي، مادرِ ملت ۽ نواز شريف جو پيغام کڻي نڪتو آهيان، هاڻي هر سال 18 آڪٽوبر تي مزارِ قائد وڃي مادر ملت زنده آباد جا نعرا هڻندس، هي نالائق مون کي مزارن جو ڪهڙو ادب سيکاريندا، لاهور ۾ ميڊيا سان ڳالهائيندي نواز ليگ اڳواڻ چيو ته پوليس کي سندس ڪمري جا دروازا ٽوڙڻ ڪوبه حق نه هو، ايف آءِ آر داخل ڪندڙ پاڻ قانون کي گهربل آهي.

هزارين خامين باوجود ملڪ کي نواز شريف، آصف زرداري ۽ سندن ٻارن حوالي ڪيئن ٿو ڪري سگهجي؟ وفاقي وزير

اپوزيشن وارا ٻڌائين ته عمران خان جي قد ڪاٺ وارو هڪ ماڻهو به اُنهن وٽ آهي؟:فواد چوڌري
اپوزيشن طرفان جاري ڊرامي جو مقصد پنهنجي ڪرپشن تي پردو وجهڻ آهي: شبلي فراز

اسلام آباد (بيورو رپورٽ) هزارين خامين باوجود ملڪ کي نواز شريف، آصف زرداري ۽ سندن ٻارن حوالي ڪيئن ٿو ڪري سگهجي؟ حڪومت ۾ انتظامي بهتري جي گنجائش آهي، وفاقي وزير فواد چوڌري چيو آهي ته اپوزيشن واري ٻڌائين ته عمران خان جي قد ڪاٺ وارو هڪ ماڻهو به اُنهن وٽ آهي؟ پي ڊي ايم جي ناڪامي عمران خان کان وڌيڪ ملڪ جي ضرورت آهي، وفاقي وزير شبلي فراز پي ڊي ايم تي تنقيد ڪندي چيو آهي ته سياسي ٻهرُوپين طرفان ڪجهه ڏينهن کان جاري ڊرامي جو مقصد پنهنجي ڪرپشن تي پردو وجهڻ آهي، اپوزيشن وارن قومي ناڻي تي ڌاڙو هنيو، اُهي قومي ڏوهاري آهن، اپوزيشن وارا ٻڌي ڇڏين، عمران خان ڪنهن جي به دٻاءُ ۾ نه ايندو، کانئن هڪ – هڪ پائي جو حساب ورتو ويندو.

ڪراچي ۾ رٽائرڊ ڪيپٽن صفدر خلاف ڪيس داخل ڪرائيندڙ وقاص جي عدالت طرفان ضمانت منظور

ڪراچي (اسٽاف رپورٽر) ڪراچي ۾ رٽائرڊ ڪئپٽن صفدر خلاف ڪيس جو فريادي وقاص پنهنجي خلاف ڪيسز ۾ ضمانت لاءِ عدالت پهچي ويو، سنڌ هاءِ ڪورٽ دهشتگردي، هنگامي ۽ سرڪاري ڪم ۾ مداخلت واري ڪيس ۾ جوابدار وقاص جي عبوري ضمانت منظور ڪري ورتي، جوابدار وقاص کي 30 هزار رُپين جا ضمانتي مچلڪا جمع ڪرائڻ جو حڪم، ٻڌڻي دوران جوابدار وقاص ۽ سندس مامو ايم پي اي حليم عادل شيخ پيش ٿيا، عدالت طرفان جوابدار وقاص کي 10 ڏينهن اندر لاڳاپيل عدالت سان رابطو ڪرڻ جي هدايت، پوليس جو چوڻ آهي ته جوابدار وقاص خلاف 25 آگسٽ 2019ع تي گلشن معمار جي پوليس مٿان حملي جو ڪيس داخل ڪيو ويو، وقاص تي پوليس موبائيل کي نقصان پهچائڻ، اهلڪارن مٿان پٿراءُ ۽ سرڪاري ڪم ۾ مداخلت جا الزام آهن، نواز ليگ جي نائب صدر مريم نواز چيو آهي ته مون اڳ ئي چيو هو ته عقل بدران طاقت جو استعمال ڪندئو ته پاڻ ئي وائکا ٿي ويندئو، ڪاوڙ سٺي شئي نه آهي.

ڄامشوري ۾ جدوجهد ڪميٽي پاران بنيادي سهولتن جي کوٽ خلاف ريلي، ڊي سي آفيس آڏو ڌرڻو

جدوجهد ڪميٽي روڊن جي مرمت، ڊرينيج پاڻي نيڪال ۽ ٻين مطالبن جي مڃتا لاءِ احتجاج ڪيو
مظاهرين پاران ڳالهين لاءِ آيل ڊي سي ڄامشورو ۽ مختيارڪار ڪوٽڙي کي ڌرڻو ختم ڪرڻ کان جواب

ڄامشورو (ن پ ا) ڄامشوري ۾ جدوجهد ڪميٽي پاران بنيادي سهولتن جي کوٽ خلاف ريلي، ڊي سي آفيس آڏو ڌرڻو، مظاهرين پاران روڊن جي مرمت، ڊرينيج پاڻي نيڪال، صاف پاڻي جي فراهمي ۽ ٻين مطالبن جي مڃتا لاءِ احتجاج ڪيو، مظاهرين پاران ڳالهين لاءِ آيل ڊي سي ڄامشورو ۽ مختيارڪار ڪوٽڙي کي ڌرڻو ختم ڪرڻ کان کتو جواب، مظاهرين جو چوڻ هو ته اوهان جي وعدن تي ڀروسو ناهي، اڳ به ڪيترائي واعدا ڪيا ويا جن تي عمل ناهي ٿيو.

اسلام آباد جي احتساب عدالت ۾ پارڪ لين ريفرنس تي ٻڌڻي، آصف علي زرداري طرفان حاضري کان ڇوٽ واري درخواست داخل

فاروق ايڇ نائيڪ جي چيلهه ۾ تڪليف آهي، ان ڪري هو پيش نه ٿي سگهيو: معاون وڪيل
فاروق ايڇ نائيڪ پيش نه ٿيو، ايئن ٿيندو ته پوءِ شاهد ايترو خرچ ڪيئن برداشت ڪندا: احتساب عدالت

اسلام آباد (بيورو رپورٽ) اسلام آباد جي احتساب عدالت ۾ پارڪ لين ريفرنس تي ٻڌڻي ٿي، اڳوڻي صدر آصف علي زرداري جي طرفان حاضري کان ڇوٽ واري درخواست داخل ڪرائي وئي، معاون وڪيل عدالت کي ٻڌايو ته فاروق ايڇ نائيڪ جي چيلهه ۾ تڪليف آهي، ان ڪري هو پيش نه ٿي سگهيو، عدالت چيو ته شاهدن کي ڪراچي کان گهرايو آهي، وڪيل کي اچڻ گهرجي ها، عدالت چيو ته جيڪڏهن ائين ٿيندو ته شاهدن ايترو خرچ ڪيئن برداشت ڪري سگهندا، ڊپٽي پراسيڪيوٽر جنرل نيب چيو ته ٽرائل جي عمل کي اڳتي وڌائڻ چاهيون ٿا.

پنوعاقل ۾ ٻه ڏينهن اڳ قتل ٿيل چاچڙ برادري جي پيءُ پٽ جي قتل ڪيس ۾ ٻه جوابدار گرفتار

پنوعاقل (ن پ ا) ماڪن جي ڳوٺ ۾ ٻه ڏينهن اڳ چوپائي مال جي واڙي جي ڀت ڪرڻ تان فائرنگ ۾ قتل ٿيل پيءُ پٽ جي قتل ڪيس ۾ پوليس ٻن جوابدارن کي گرفتار ڪري ورتو. بائجي ٿاڻي جي پوليس قتل ٿيل پورهيت اربيلو چاچڙ ۽ پرويز چاچڙ جي قتل ڪيس ۾ پوليس توقير ۽ آزاد ماڪو جي گرفتاري ظاهر ڪري ڇڏي. ايس ايس پي سکر جو چوڻ هو ته ضلعي اندر ڪنهن به قسم جي بدمعاشي قبول نه ڪئي ويندي متاثر ڌر کي انصاف ڏرايو ويندو ۽ ڪيس ۾ نامزد وڌيڪ جوابدار به گرفتار ڪيا ويندا.

گجرانوالا ۾ پي ڊي ايم جي جلسي ۾ ڪورونا ايس او پيز تي عمل نه ڪرڻ تي ن ليگ ۽ ٻين پارٽين جي اڳواڻن خلاف ڪيس داخل

سول لائين ٿاڻي تي داخل ايف آءِ آر ۾ ن ليگ اڳواڻ خرم دستگير سميت 100 ڄڻا نامزد
پي ڊي ايم 16 آڪٽوبر تي جناح اسٽيڊيم ۾ جلسو ڪيو هو

گجرانوالا (ڊيسڪ رپورٽ) گجرانوالا ۾ پي ڊي ايم جي جلسي ۾ ڪورونا ايس او پيز تي عمل نه ڪرڻ تي ن ليگ ۽ ٻين پارٽين جي اڳواڻن خلاف ڪيس داخل، سرڪار جي فرياد تي سول لائين ٿاڻي تي داخل ايف آءِ آر ۾ ن ليگ اڳواڻ خرم دستگير سميت 100 ڄڻا نامزد، روڊ بلاڪ ڪرڻ جا به قلم شامل ڪيا ويا، پي ڊي ايم 16 آڪٽوبر تي جناح اسٽيڊيم ۾ جلسو ڪيو هو.

ويب سيريز ”50 ڪروڙ“ جون جهلڪيون جاري: مني هيسٽ جو پاڪستاني ورزن قرار

پاڪستاني ايڪشن ٿرلر ويب سيريز ”50 ڪروڙ“ جي فنڪارن جون جهلڪيون سامهون اچي ويون

ڪراچي (انٽرٽينمينٽ ڊيسڪ) ايندڙ ايڪشن ٿرلر پاڪستاني فلم 50 ڪروڙ جي ڪردارن کي متعارف ڪرائڻ جو ٽيزر ۽ تصويرون سامهون ايندي ئي سوشل ميڊيا صارفين دعويٰ ڪرڻ شروع ڪئي آهي ته ڄاڻايل فلم کي نيٽ فليڪس جي ويب سيريز مني هيسٽ جي ڪاپي تي ٺاهيو ويو آهي. جيتوڻيڪ هيل تائين 50 ڪروڙ جي ڪهاڻي جي حوالي سان ڪي تفصيل سامهون نه آيا آهن جڏهن ته ڄاڻايل فلم جي ڪردارن جي جهلڪ سامهون اچڻ کانپوءِ پاڪستاني شوقينن ڪردارن کي ڏسندي ئي دعويٰ ڪئي آهي ته پاڪستاني فلم نيٽ فليڪس جي سيريز جي ڪاپي هوندي. 50 ڪروڙ ۾ اعجاز اسلم، فيصل قريشي، محمود اسلم، صبورعلي، فريال مخدوم، زالي سرحدي، اسد صديقي، نعمان حبيب، نويد رضا، عمر شهزاد ۽ انوشي عباسي ايڪشن ۾ نظر ايندا. اهو واضح ناهي ته فلم جي ڪهاڻي ڪهڙي موضوع تي آهي ۽ ڪڏهن رليز ٿيندي. جاري ڪيل جهلڪين ۾ ڪردارن کي پوليس جي ڪردار طور به متعارف ڪرايو ويو آهي. هوڏانهن اعجاز اسلم پنهنجي هڪ وڊيو پيغام ۾ الزامن کي رد ڪيو ۽ چيو آهي ته تنقيد ڪرڻ وارا ماڻهو هڪ هفتو انتظا ڪن کين پاڻ ئي اندازو ٿيندو ته هو غلط هئا. هن اشارو ڏنو ته 50 ڪروڙ نيٽ فليڪس جي ويب سيريز جي ڪاپي ناهي ۽ نه ئي پاڪستاني فلم جي ڪردارن کي نيٽ فليڪس جي ويب سيريز جيان ڏيکاريو ويندو. هن شوقينن کي اپيل ڪئي ته هو هفتو انتظار ڪن.

زيد علي زال کي بي ايم ڊبليو ڪار تحفي ۾ ڏئي ڇڏي

ڪراچي (انٽرٽينمينٽ ڊيسڪ) پاڪستاني ڄائي ڪينيڊين يوٽيوبر ۽ ڪاميڊين زيد علي پنهنجي زال يمنيٰ کي تحفي ۾ ڪار ڏئي ڇڏي آهي جنهن جي تصوير انٽرنيٽ وائرل ٿي وئي آهي. فوٽو اينڊ وڊيو شيئرنگ ايپ انسٽاگرام تي زيد علي پنهنجي زال يمنيٰ سان گڏ هڪ تصوير پوسٽ ڪئي آهي جنهن ۾ زيد علي جي زال پنهنجي نئين ڪار تي ويٺل نظر اچي ٿي. انسٽاگرام تي تصوير پوسٽ ڪندي زيد علي لکيو ته اڄ اسان جي شادي جي سالگرهه ناهي ۽ نه ئي اڄ يمنيٰ جي سالگرهه آهي. هن لکيو ته اڄ ڪو خاص ڏينهن ناهي پر ان باوجود به مان پنهنجي زال يمنيٰ کي هي نئين ڪار خريد ڪري تحفي ۾ ڏيڻ جو فيصلو ڪيو آهي. هن لکيو ته لڳي ٿو ته اسان کي پنهنجي پيارن کي تحفا ڏيڻ لاءِ ڪنهن خاص ڏينهن جو انتظار نه ڪرڻ گهرجي هر ڏينهن پيار ڪرڻ گهرجي.

پائل گهوش جو رچا چڍا جي وڪيل تي ٽرولنگ جو الزام

پائل گهوش ساک متاثر ڪرڻ بابت ڪيس ۾ رچا کان معافي ورتي هئي
رچا جي وڪيل سوينا بيدي مون کي ٽرول ڪري رهي آهي: پائل گهوش

ممبئي (انٽرٽينمينٽ ڊيسڪ) بالي ووڊ اداڪارا پائل گهوش گذريل ڏينهن بدنام ڪرڻ جي حوالي سان داخل ڪيل ساک متاثر ڪرڻ بابت ڪيس ۾ اداڪارا رچا چڍا کان معافي گهري هئي پر هن رچا چڍا جي وڪيل تي پاڻ کي ٽرول ڪرڻ جو الزام لڳائي نئون تڪرار شروع ڪري ڇڏيو آهي. پائل گهوش معافي گهرڻ کان اڳ وري وري سوشل ميڊيا تي بيان ڏيندي نظر آئي هئي ته هو رچا چڍا کان معافي نه گهرندي. دلچسپ ڳالهه اها هئي جو پائل گهوش ڪيترين ئي ٻڌڻين دوران عدالت سامهون معافي گهرڻ تي راضپو ڏيکاريو هو ۽ پوءِ سوشل ميڊيا تي واري معافي وٺڻ کان انڪار ڪندي رهي. هاڻي پائل گهوش رچا چڍا جي وڪيل تي پاڻ کي ٽرول ڪرڻ جو الزام لڳايو آهي هن ڪجهه اسڪرين شاٽس شيئر ڪيا ۽ چيو ته هڪ ٽوئٽر صارف سندس خلاف ڳالهائي رهيو آهي. هن الزام لڳايو ته رچا جي وڪيل سوينا بيدي ان شخص جي حمايت ڪئي هئي.

مبارڪپور ويجهو پلاٽ جي تڪرار تان مستوئي برادري جي ٻن ڌرين ۾ جهيڙو، 10 ڄڻا زخمي

مبارڪپور(ن پ ا) مبارڪپور ويجهو پلاٽ جي تڪرار تان مستوئي برادري جي ٻن ڌرين ۾ جهيڙو،ٽن عورتن سميت 10ڄڻا زخمي ٿي پيا، ڳوٺ عارف آباد ۾ جهيڙي دوران دائود، دادن، گل حسن، امير بخش مستوئي ۽ ٻيا زخمي ٿي پيا، کين اسپتال منتقل ڪيو ويو.

پنجاب جي سُڌ سماءَ واري وزير جي بلاول ڀٽو ۽ سنڌ حڪومت تي تنقيد

لاهور (بيورو رپورٽ) پنجاب جي سُڌ سماءَ واري وزير جي بلاول ڀٽو ۽ سنڌ حڪومت تي تنقيد، فياض الحسن چوهاڻ چيو آهي ته بلاول ڀٽو پنجاب جي وڏي وزير تي تنقيد ڪرڻ کان اڳ سنڌ تي نظر وجهي، ڪڻڪ جي خريداري، ٽيڪس اوڳاڙي ۽ ڪورونا خلاف ويڙهه ۾ ناڪامي سنڌ حڪومت جي نااهلي تي مهر لڳائي ڇڏي آهي، رهيل ڪسر ڪيپٽن صفدر خلاف ڪيس ۾ مراد علي شاهه جي اعتراف پوري ڪري ڇڏي، مراد علي شاهه مڃيو آهي ته صوبائي انتظاميا ۽ آءِ جي تي ڪنٽرول نه آهي.

فورم ۾ توهان به مختلف مسئلن يا موضوعن تي بحث ۾ حصو وٺي
سگهو ٿا.

هاڻ رڳو صحافي نه پر توهان به پنهنجي علائقي جا مسئلا اجاگر ڪري سگهو ٿا، جنهن لاءِ خبرون، تصويرون ۽ فوٽيجز هن نمبر 03022610318 تي واٽس ايپ ڪريو.

ٽنڊوغلام حيدر: باهه سبب 12 گهر سڙي رک ٿي ويا

April 9, 2019

رپڙي: گرلس اسڪول ۾ ماسترياڻيون مقرر نه ٿيون!

April 2, 2019

اڄ جي تصوير

مضمون

ملڪ کي سياسي مانڌاڻ جي ضرورت آهي يا استحڪام جي!

ايڊيٽوريل

ٻيٽن واري معاملي تي عوامي اڀار ۽ سياسي اڳڀرايون

نصير ميمڻ

ٻيٽ، ٻيڙياتا ۽ ٻگها

ميان مير چانڊيو

سنڌ بيراج يا ڊيلٽا بيراج

محمد ادريس راجپوت

سنڌ تي قبضي جي ڪوشش ۽ ڌرتي ڌڻين جو ردعمل!

حيات تنيو

آءِ جي سنڌ جو مبينا اغوا ۽ صفدر جي گرفتاري!!

حبيب جمالي ڪراچي مان لکي ٿو