تازا ترين
  • *ڪشمير هر پاڪستاني جي دل ۾ ڌڙڪندو آهي ۽ وزيراعظم ڪشمير جو ڪيس هڪ نئين رخ ۾ پيش ڪيو: ڪشمير ڪميٽي جو چيئرمين شهريار آفريدي * ڪشمير ڪميٽي جي چيئرمين شهريار آفريدي لائن آف ڪنٽرول تي چَڪوٺِي سيڪٽر جو دورو ڪيو * جي او سي ميجر جنرل عامر احسن نواز شهريار آفريدي کي ايل ايو سي جو دورو ڪرايو ۽ بريفنگ ڏني *
  • *ڪراچي جهاز حادثي جي جاچ ٽيم واقعي واري هنڌ جو دورو ڪري فرانزڪ لاءِ نمونا گڏ ڪري ورتا * ڪراچي: رينجرز جهاز حادثي ۾ هٿ آيل سامان پي آءِ اي اختيارين حوالي ڪري ڇڏيو *ڪراچي: قانون لاڳو ڪندڙ ادارن حادثي واري هنڌ کي مڪمل طور تي سيل ڪري رکيو آهي *
  • *ڪراچي: پنجاب مان آيل ٽيم جهاز حادثي بابت جاچ لاءِ آئي آهي، ان جو مڙهن جي سڃاڻپ سان ڪو تعلق نه آهي: سنڌ جي صحت واري وزير عذرا پيچوهو * ڪراچي: گورنر عمران اسماعيل پيش آيل سانحي تي سياست ڪرڻ ۽ بيان بازي کان پاسو ڪري: عذرا پيچوهو * ڪراچي: عمران اسماعيل کي ڄاڻ ئي نه آهي ته ڪراچي ۽ ڄامشوري ۾ فارنزڪ ليب موجود آهي: صحت واري وزير *
  • *لاڙڪاڻو: پ پ چيئرمين بلاول ڀٽو زرداري ۽ وڏي وزير مراد علي شاهه ۾ فون تي رابطو * لاڙڪاڻو: مراد علي شاهه جي جهاز حادثي بعد امدادي ڪمن ۽ ڪورونا جي صورتحال بابت آگاهي لاڙڪاڻو: * بلاول ڀٽو زردار طرفان ٻارن ۾ ڪورونا تيزي سان پکڙجڻ تي ڳڻتي جو اظهار
  • *ڪراچي: سنڌ حڪومت صوبي ۾ شراب جا گتا کولڻ جي اجازت ڏئي ڇڏي آهي * ڪراچي: نوٽيفڪيشن موجب سنڌ ۾ عيد جي ٽئين ڏهاڙي کان شراب جا گتا کلي ويندا * ڪراچي: شراب جا گتا کولڻ لاءِ ڪورونا وائرس کان بچاءَ بابت احتياطي اپائن لاءِ قاعدا ۽ ضابطا پڻ جوڙيا ويا *
  • *صوبائي خودمختياري خلاف ڳالهائيندڙن جي دماغ جو مٿيون پاسو خالي آهي: مولا بخش چانڊيو*
  • *منهنجو دوست شهباز شريف خطري ۾ آهي، کيس مشورو آهي ته نيب ۾ وڃي پيش ٿئي: شيخ رشيد*
  • *مان چاهيان ٿو ته عوام هن ڀيري روايت کان هَٽِي ڪري عيد ملهائَي: وزيراعظم*
  • *عيد الفطر مذهبي عقيدت ۽ احترام سان ملهائي پئي وڃي*

عيد الفطر مذهبي عقيدت ۽ احترام سان ملهائي پئي وڃي

ملڪ جي ننڍن وڏن شهرن ۾ عيد نماز جا اجتماع منعقد ڪيا ويا

اسلام آباد/ ڪراچي(نمائيندن وٽان) سنڌ سميت سموري ملڪ ۾ عيد الفطر مذهبي عقيدت ۽ احترام سان ملهائي پئي وڃي، ڪراچي، لاهور، اسلام آباد، ڪوئيٽا، پشاور سميت ملڪ جي ننڍن وڏن شهرن ۾ عيد نماز جا اجتماع منعقد ڪيا ويا. ڪورونا وائرس جي خاتمي ۽ ڪراچي جهاز حادثي ۾ فوت ٿيلن توڙي مسلمان امُت ۾ ايڪي لاءِ خاص دعائون گهريون ويون. ڪراچي، حيدرآباد، ميرپور خاص، لاڙڪاڻو، شهيد بينظير آباد ۽ سکر ڊويزن جي مڙني شهرن ۾ منقعد ڪيل نماز جي اجتماعن دوارن ڪٿي ايس او پيز تي عملدرآمد ته ڪٿي ڀڃڪڙي نظر آئي. ملڪ ۾ ڪورونا وبا جي ڪري اهم شخصيتون عيد سادگي سان ملهائي رهيون آهن، صدر عارف علوي پنهنجي گهروارن عيد ملهائي رهيو آهي، جڏهن ته وزيراعظم عمران خان به اسلام آباد بني گالا ۾ عيد ملهائي رهيو آهي، سينيٽ چيئرمين صادق سنجراڻي به پنهجي اباڻي علائقي ۾ عيد ملهائي رهيو آهي. آرمي چيف جنرل قمر جاويد باجوه هميشه جيان اڳئين مورچن ۾ پنهنجي فوجي جوانن سان گڏ عيد ملهائي رهيو آهي. سنڌ جي وڏي وزير مراد علي شاهه ڀان سيد آباد، سنڌ جي گورنر عمران اسماعيل ڪراچي، پنجاب جي وڏي وزير عثمان بوزدار ۽ گورنر چوڌري سرور به پنهنجن گهرن ۾ عيد ملهائي رهيا آهن. شهباز شريف لاهور ۾ ۽ جماعت اسلامي جي امير سراج الحق منصوره ۾ عيد ملهائي رهيو آهي.

مان چاهيان ٿو ته عوام هن ڀيري روايت کان هَٽِي ڪري عيد ملهائَي: وزيراعظم

اسلام آباد(بيورو) وزيراعظم عمران خان چيو آهي ته مان چاهيان ٿو ته عوام هن ڀيري روايت کان هَٽِي ڪري عيد ملهائَي. ٽوئيٽ ڪندي وزيراعظم عوام کي اپيل ڪئي آهي ته ايس او پيز جو ڀرپور خيال رکيو وڃي. عمران خان چيو آهي ته عيد نماز سميت سمورين موڪلن دوران سماجي وِٿي جو به خاص خيال رکيو وڃي. ٻئي پاسي پيپلزپارٽي جَي چيئرمين بلاول ڀٽو ۽ سنڌ جَي وڏي وزير سيد مراد علي شاهه جِي ڪورونا ۽ جهاز سانحَي کي نظر ۾ رکندَي به عوام کي سادگي سان عيد ملهائڻ ۽ ايس او پيز تي عملدرآمد يقيني بڻائڻ جي اپيل ڪئي آهي..

صدر، وزيراعظم ۽ آرمي چيف قوم کي عيد جون مبارڪون ڏنيون

اسلام آباد (بيورو) صدر، وزيراعظم ۽ آرمي چيف قوم کي عيد جون مبارڪون ڏنيون آهن، صدر عارف علوي عيد جي پيغام ۾ چيو آهي ته هو پنهنجي عيد پي آءِ اي حادثي جي شهيدن، ڪورونا سان پيدا ٿيل صورتحال ۾ روزي ڪمائڻ جي ڪوشش ڪندڙ پورهيتن، ڊاڪٽرز، نرسز، مريضن، هندستان جو ظلم برداشت ڪندڙ ڪشميرين، فلسطينين ۽ مسلمان مهاجرين جي نالي ڪيان ٿو. وزيراعظم عمران خان عيد جي پيغام ۾ ڪشميرين کي سلام پيش ڪندي چيو آهي ته والاريل ڪشمير ۾ قابض ڀارتي فوج جي جاري ظلم ۽ ستم جو بهادري سان مقابلو ڪندڙ ۽ صبر سان جبل جيان ڄمي رهڻ تي ڪشميرين کي اسان جو سلام آهي. آرمي چيف جنرل قمر جاويد باجوه قوم کي عيد جون مبارڪون ڏيندي چيو آهي ته چيلنجن تي قابو پائڻ لاءِاڄ الله جي مدد ۽ رهنمائي جي دعا ڪيون ٿا..

پاڪستان ۽ چين خلاف ڀارت سازشن ۾ رُڌل آهي، مودي جو ڪشمير ماڊل تباهه ۽ ناڪام ٿي ويو: آرمي چيف

ملڪ اندر جنهن به طبقي ۾ هٿ وجهون ٿا ته اُهو مافيا جيان ري ايڪٽ ڪري رهيو آهي: جنرل قمر جاويد باجوه
آر موجب آرمي چيف ايل او سي جي دوري دوران جوانن سان گڏ عيد نماز ادا ڪئي ۽ ملڪي سلامتي لاءِ دعائون گهريون: آءِ ايس پي

اسلام آباد(بيورو) پاڪ فوج جي سپهه سالار جنرل قمر جاويد باجوه چيو آهي ته پاڪستان ۽ چين خلاف ڀارت سازشن ۾ رُڌل آهي، مودي جو ڪشمير ماڊل تباهه ۽ ناڪام ٿي ويو، ملڪ اندر جنهن به طبقي ۾ هٿ وجهون ٿا ته اُهو مافيا جيان ري ايڪٽ ڪري رهيو آهي. آءِ ايس پي آر موجب آرمي چيف ايل او سي جي پونا سيڪٽر جي دوري دوران جوانن سان گڏ عيد نماز ادا ڪرڻ کانپوءِ جوانن کي خطاب ڪيو ۽ ملڪي سلامتي لاءِ دعائون گهريون. آرمي چيف چيو آهي ته پاڪستان جو بهتر مستقبل، خوشحالي ۽ ترقي جمهوريت سان واڳيل آهي، اسان کي ملڪي ادارن کي مضبوط ڪرڻو پوندو. آءِ ايس پي آر موجب آرمي چيف جوانن جا بلند حوصلن جي تعريف ڪندي چيو آهي ته پاڪ فوج جو ڪلچر، ايمان، اتحاد ۽ تنظيم آهي، 27 فيبروري تي پاڪ فوج تاريخي ڪارنامو سرانجام ڏنو. جنرل قمر جاويده چيو آهي ته الله تعاليٰ پنهنجي رحمتن ذريعي ڪورونا وبا کان قوم کي نجات ڏياري، ڪورونا کان محفوظ رهڻ لاءِ پاڪ فوج جا جوان سختيءَ سان احتياطي تدبيرن تي عمل ڪن. آرمي چيف چيو آهي ته مذهبي ڏهاڙن تي به فرض نڀائڻ فوج جو فخر آهي، پاڪ فوج پوري عزم ۽ استحڪام سان گڏ پنهنجا فرض نڀائڻ جو سلسلو جاري رکندي. آرمي چيف والاريل ڪشمير جي عوام سان يڪجهتي جو اظهار ڪندي چيو آهي ته پاڪستان آرمي عيد ڪشميرين سان گڏ يڪجهتي طور ملهائي رهي آهي، ڪشميرين تي 5 آگسٽ کان غير انساني لاڪ ڊائون ۽ ڀارتي ظلم جاري آهن. هن وڌيڪ چيو آهي ته ڀارت والاريل ڪشمير ۾ بگڙجندڙن صورتحال کان عالمي برادري جو ڌيان هٽائڻ جي ڪوشش ڪري رهيو آهي ۽ لائن آف ڪنٽرول تي مسلسل جنگ بندي معاهدي جي به ڀڇڪڙي ڪري رهيو آهي. آءِ ايس پي آر موجب آرمي چيف ڀارتي دهشتگرد اڀي نندن کي گرفتار ڪندڙ يونٽ سان گڏ عيد جو ڏينهن گذاريو. آءِ ايس پي آر موجب آرمي چيف ڀارتي اڳراين خلاف منهن ٽوڙ جواب ڏيڻ تي جوانن جي تعريف ڪئي. آءِ ايس پي آر موجب آرمي چيف چيو آهي ته ڪشميري ۽ عالمي برادري ڀارتي قدمن کي تسيلم ناهي ڪيو، ڀارت اقليتن کي ختم ڪرڻ چاهي ٿو. آرمي چيف چيو آهي ته مودي جو ڪشمير ماڊل تباهه ۽ ناڪام ٿي چڪو آهي، ڀارتي معيشت به تباهي جي ڪناري تي آهي، پاڪ فوج پنهنجي مادر وطن جي حفاظت لاءِ ڀرپور صلاحيت رکي ٿي.آرمي چيف چيو آهي ته پاڪ فوج هڪ منظم ادارو آهي، هن اداري ۾ احتساب جو موثر نظام آهي، آفيسر ۽ سندس گهرواريءَ خلاف سخت ڪارروائي ٿي چڪي آهي. آرمي چيف چيو آهي ته اڄ جن جوانن کي خطاب ڪري رهيو آهيان هي يونٽ 100 جانيون قربان ڪري چڪو آهي، شهيد ٿياسين ته سڀ کان وڏو درجو نه ته غازي ٿينداسين. جنرل قمر جاويد باجوه چيو آهي ته اسلام برداشت، بردباري ۽ صبر جو درس ڏي ٿو، الله حقوق العباد نه نڀائڻ تي معاف نه ڪندو، رمضان کانپوءِ به جوان قران پاڪ مان فائدو حاصل ڪندا رهن..

طالبان ۽ افغان حڪومت عيد الفطر جي موقعي تي ٽن ڏينهن لاءِ جنگ بندي جو اعلان

صدر اشرف غني ۽ آمريڪي خاص نمائندي زلمي خليل زاد اهڙي قدم جي آجيان ڪئي

ڪراچي (مانيٽرنگ ڊيسڪ) طالبان ۽ افغان حڪومت عيد الفطر جي موقعي تي ٽن ڏينهن لاءِ جنگ بندي جو اعلان ڪيو آهي، صدر اشرف غني ۽ آمريڪي خاص نمائندي زلمي خليل زاد اهڙي قدم جي آجيان ڪئي آهي. آمريڪي خابرو اداري جي رپورٽ موجب، طالبان طرفان جنگ بندي جو اعلان طالبان اڳواڻ جي عيد الفطر جي پيغام بعد جاري ڪيو ويو، جنهن ۾ چيو ويو ته هو امن ٺاهه تي قائم آهن. جنگ بندي واري جاري ڪيل حڪم نامي ۾ طالبان ويڙهاڪن کي حملا نه ڪرڻ ۽ افغان سڪيورٽي فورسز سان ڀائيچارو قائم ڪرڻ جي به هدايت ڪئي وئي آهي. طالبان کي هدايت ڪئي وئي آهي ته دشمن جي علائقي ۾ داخل ٿيڻ ۽ حملي کان به پاسو ڪيو وڃي، جيڪڏهن دشمن طرفان حملو ڪيو وڃي ٿو ته ان جو ڀرپور جواب ڏنو وڃي. افغان صدر اشرف غني جنگبندي واري اعلان جي آجيان ڪندي چيو ته ڪمانڊر ان چيف جي حيثيت سان اي اين ڊي ايس ايف کي ٽن ڏينهن لاءِ جنگ بندي تي عمل ڪرڻ ۽ رڳو حملي جي صورت ۾ بچاءَ جي هدايت ڪئي آهي. هوڏانهن آمريڪي خاص نمائندي زلمي خليل زاد به طالبان ۽ افغان حڪومت ۾ جنگبندي واري اعلان جي آجيان ڪندي چيو آهي ته ڪورونا دنيا لاءِ رمضان۾ ڏکيائيون پيدا ڪيون آهن ۽ وڌندڙ ڇڪتاڻ سبب افغانين لاءِ به مسئلا وڌيا. هن چيو ته ٻنهي ڌرين لاءِ ڏکيا چئلنجز موجود آهن، هو سمجهي ٿو ته ٻنهي طرفن جا اڳواڻ سٺا فيصلا ڪن ته هو انهن تي ضابطو آڻي سگهندا. زلمي خليل زاد چيو ته اها اڳڀرائي امن عمل ۾ تيزي آڻڻ جو موقعو فراهم ڪري پئي، اتفاق ڪيل قيدين جي آزادي، تشدد ۾ گهٽتائي ۽ افغان ڳالهين لاءَ نئين تاريخ تي به اتفاق ٿيڻ گهرجي. آمريڪي خاص نمائندي زلمي خليل زاد چيو ته هي هڪ اهم موقعو آهي، جنهن کي وڃائڻ نه گهرجي، آمريڪا ان لاءِ ڪردار ادا ڪندو.

وزيراعظم کي گذارش ڪندس جهاز سانحي جي جاچ ايف آءِ اي کان به ڪرائي وڃي: گورنر سنڌ

ڪراچي ايئرپورٽ ڀرسان غيرقانوني طور گهڻ ماڙ عمارتن جي ڀرمار آهي: عمران اسماعيل
متاثرن کي خاطري ڪرايون ٿا ته جهاز حادثي جي شفاف جاچ ڪرائي ويندي

ڪراچي(اسٽاف رپورٽر) سنڌ جي گورنر عمران اسماعيل پي آءِ اي جهاز سانحي بابت جاچ ۾ سنڌ بلڊنگ ڪنٽرول اٿارٽي کي شامل ڪرڻ جو اشارو ڏيندي چيو آهي ته هو وزيراعظم کي گذارش ڪندو ته سانحي جي جاچ ايف آءِ اي کان به ڪرائي وڃي. ڪراچي ۾ جهاز حادثي ۾ فوت ٿيل صحافي انصار نقوي ۽ شبير احمد جي پونيئرن سان تعزيت بعد ميڊيا سان ڳالهائيندي گورنر چيو آهي ته فوتين جي پونيئرن توڙي زخمين کي معاوضو ڏيڻ جو سلسلو سڀاڻي کان شروع ڪيو ويندو. سنڌ جي گورنر چيو آهي ته ڪراچي ايئرپورٽ ڀرسان غيرقانوني طور گهڻ ماڙ عمارتن جي ڀرمار آهي، متاثرن کي خاطري ڪرايون ٿا ته جهاز حادثي جي شفاف جاچ ڪرائي ويندي. هن چيو ته ڪراچي ايئرپورٽ آبادي آهي، هن کي هاءِ وي طرف منتقل ڪرڻ لاءِ ڪم ٿي رهيو آهي. گورنر عمران اسماعيل چيو آهي ته لاشن جي سڃاڻپ لاءِ ڊي اين اي جي ٽيم ڪراچي يونيورسٽي ۾ پنهنجو ڪم ڪري رهي آهي.

پنجاب مان آيل ٽيم جهاز حادثي بابت جاچ لاءِ آئي آهي، ان جو مڙهن جي سڃاڻپ سان ڪو تعلق نه آهي: سنڌ جي صحت واري وزير عذرا پيچوهو

گورنر عمران اسماعيل پيش آيل سانحي تي سياست ڪرڻ ۽ بيان بازي کان پاسو ڪري:عذرا
گورنر کي ڄاڻ ئي نه آهي ته ڪراچي ۽ ڄامشوري ۾ فارنزڪ ليب موجود آهي: صحت واري وزير

ڪراچي (رپورٽر) سنڌ جي صحت واري وزير عذرا پيچوهو چيو آهي ته پنجاب مان آيل ٽيم جهاز حادثي بابت جاچ لاءِ آئي آهي، ان جو مڙهن جي سڃاڻپ سان ڪو تعلق نه آهي، گورنر عمران اسماعيل پيش آيل سانحي تي سياست ڪرڻ ۽ بيان بازي کان پاسو ڪري. جاري ڪيل بيان ۾ صحت واري وزير عذرا پيچوهو سنڌ جي گورنر کي تنقيد جو نشانو بڻائيندي چيو ته عمران اسماعيل کي ڄاڻ ئي نه آهي ته ڪراچي ۽ ڄامشوري ۾ فارنزڪ ليب موجود آهي. هن چيو ته گورنر عمران اسماعيل پيش آيل سانحي تي سياست ڪرڻ ۽ بيان بازي کان پاسو ڪري. عذرا پيچوهو چيو ته ڪراچي يونيورسٽي جي ليب ۾ جهاز حادثي جي فوتين جي ڊي اي اين لاءِ جزا ورتا ويا آهن. سنڌ جي صحت واري وزير چيو ته پنجاب کان آل ٽيم جهاز حادثي بابت جاچ لاءِ آئي آهي، مڙهن جي سڃاڻپ سان ٽيم جو ڪو تعلق نه آهي.

اتر وزيرستان ۾ اڻڄاتل موٽرسائيڪل سوار هٿياربندن جي فائرنگ۾ٽي ڄڻا اجل جو شڪار

ڪراچي (مانيٽرينگ ڊيسڪ) خيبرپختونخوا جي علائقي اتر وزيرستان ۾ اڻڄاتل موٽرسائيڪل سوار هٿياربندن جي فائرنگ ۾ ٽي ڄڻا اجل جو شڪار ٿي ويا. پوليس موجب، اتر وزيرستان جي علائقي مير علي ۾ فائرنگ جو واقعو پيش آيو، جتي اڻڄاتل موٽرسائيڪل سوار هٿياربندن رستي ويندڙن کي گولين جو کاڄ بڻايو. پوليس جو چوڻ آهي ته فوتين جي سڃاڻپ زبيد الله، فرمان الله ۽ ملڪ نعمت الله جي نالي سان ٿي آهي. پوليس موجب، زبيد الله خان سي ايس ايس آفيسر آهي ۽ اسلام آباد ۾ مختلف عهدن تي رهي چڪو آهي. پوليس جو چوڻ آهي ته زبيد الله اسلام آباد کان عيد ملهائڻ لاءِ ڳوٺ آيو هو، جتي مائٽن جي گهران پيدل واپسي تي کيس نشانو بڻايو ويو.

دادو ۾ پورهيت جي پٽ جو اسپتال وارن علاج نه ڪيو، مدد جي اپيل

دادو (رپورٽر) دادو ڀرسان ڳوٺ ڀائي لاشاري جو رهواسي ممتاز 4 سالن جي پٽ نواب سميت دادو پريس ڪلب آڏو پهچي دانهيو ته سندس پٽ کي بخار ۽ کنگھه آهي، کيس دادو اسپتال ۾ ڏيکاريو پر سندس علاج نه ڪيو ويو ۽ کين واپس ڪيو ويو، هن ٻڌايو ته هو مزدوري ڪندو هو پر ٻن مهينن کان بيروزگار آهي، وٽس گهر ۾ کائڻ لاءِ ڪا به شئي ناهي، ٻچا بکون ڪاٽي رهيا آهن، هن سرڪار ۽ سرندي وارن کي پٽ جو علاج ڪرائڻ جي اپيل ڪئي.

سنڌ حڪومت صوبي ۾ شراب جا گتا کولڻ جي اجازت ڏئي ڇڏي

نوٽيفڪيشن موجب سنڌ ۾ عيد جي ٽئين ڏهاڙي کان شراب جا گتا کلي ويندا
شراب جا گتا کولڻ لاءِڪوروناوائرس کان بچاءَ بابت احتياطي اپائن لاءِ قاعدا۽ضابطا پڻ جوڙيا ويا

ڪراچي (رپورٽر) سنڌ سرڪار پاران جاري ڪيل نوٽيفڪيشن موجب سنڌ ۾ 2 مهينن بعد عيد جي ٽئين ڏهاڙي کان شراب جا گتا کلي ويندا. نوٽيفڪيشن موجب شراب جا گتا کولڻ لاءِ ڪورونا وائرس کان بچاءَ بابت احتياطي اپائن لاءِ قاعدا ۽ ضابطا پڻ جوڙيا ويا آهن. سنڌ حڪومت پاران جاري ڪيل نوٽيفڪيشن موجب گتا کولڻ جو وقت صبح ڏھين کان شام چار وڳي تائين مقرر ڪيو ويو آهي. واضع رهي ته سنڌ حڪومت 23 مارچ تي لاڪ ڊائون سبب شراب جي گتن ، فئڪٽرين سميت ٻي ڪاروبار کي بند ڪيو ويو هو.

ڪشمير هر پاڪستاني جي دل ۾ ڌڙڪندو آهي ۽ وزيراعظم ڪشمير جو ڪيس هڪ نئين رخ ۾ پيش ڪيو: شهريار آفريدي

ڪراچي (مانيٽرنگ ڊيسڪ) ڪشمير ڪميٽي جي چيئرمين شهريار آفريدي چيو آهي ته ڪشمير هر پاڪستاني جي دل ۾ ڌڙڪندو آهي ۽ وزيراعظم عمران خان ڪشمير جو ڪيس هڪ نئين رخ ۾ پيش ڪيو آهي . ڪشمير ڪميٽي جي چيئرمين شهريار آفريدي لائن آف ڪنٽرول تي چَڪوٺِي سيڪٽر جو دورو ڪيو . جي او سي ميجر جنرل عامر احسن نواز شهريار آفريدي کي ايل ايو سي جو دورو ڪرايو ۽ بريفنگ ڏني، شهريار آفريدي پاڪ فوج جي جوانن سان عيد گذاري. شهريار آفريدي چيو ته ڪشمير هر پاڪساني جي دل ۾ دڙڪندو آهي ۽ عمران خان ڪشمير جو ڪيس هڪ نئين رخ ۾ پيش ڪيو آهي. شهريار آفريدي چيو ته ڪشمير کي ڀارتي ظلم کان آزاد ڪرڻ لاءِ هڪ ئي ڊائريڪشن ۾ ڪم ڪري رهيا آهن. هن چيو ته هاڻي وقت اچي ويو آهي ته يو اين او ڀارت تي اقتصادي، معاشي ۽ فوجي پابنديون لڳائي.

سيڊ ڪارپوريشن جا ٻج نه ملڻ ڪري هائبرڊ ٻجن ڏانهن رخ : آبادگار غير معياري ٻجن سبب سٽجي ويا

سال 2000ع کان سنڌ جي مختلف ضلعن ۾ چانور، مڪئي، سورج مکي ۽ ٻاجهري جي هائبرڊ ٻجن جو لاڙو وڌيو
سنڌ ۾ مدي خارج ٻج اچي پيو، سرڪار پاران به چڪاس بجاءِ رڳو معياري هجڻ جو سرٽيفيڪيٽ جاري ڪيو وڃي ٿو

سکر(رپورٽ: ممتاز بخاري) سنڌ ۾ هائبرڊ ٻج پوکڻ جو لاڙو وڌڻ لڳو آهي. هائبرڊ ٻج، جنهن کي ٻسر ٻج چيو ويندو آهي، 2000ع کانپوءِ عام ٿيڻ شروع ٿيو آهي، ان کان اڳ ڪجهه علائقن ۾ تجرباتي طور ڪتب آندو ويو. سنڌ ۾ هائبرڊ ٻج خاص ڪري اناج وارن فصلن لاءِ وڌيڪ ڪتب آندو پيو وڃي، جن ۾ چانور، مڪئي، سورج مکي ۽ ٻاجهري شامل آهن، جڏهن ته وونئڻن ۽ ڪمند جي فصلن ۾ به گذريل ڪجهه سالن کان انهي ٻج جي پوکائي شروع ٿي آهي. ڀاڄين جون به هائبرڊ جنسون اچي ويون آهن. هن ٻج لاءِ زراعت کاتي توڙي مختلف زرعي ٻجن جي ڪمپنين پاران اها آگاهي هلندي رهي آهي ته هن ٻج سان اپت ( پيدوار) وڌيڪ ٿئي ٿي، ان سان گڏ آبادگارن پاران اهي به شڪايتون ڪيون پيون وڃن ته هائبرڊ ٻج جي نالي ۾ نقلي ٻج وڌيڪ وڪرو پيو ٿئي، ان سان گڏ غيرمعياري ٻج پڻ هلي رهيو آهي، جنهن جو مک سبب سرڪاري شعبي ۾ هلندڙ سنڌ سيد ڪارپوريشن پاران ٻجن جون معياري جنسون تيار نه ڪرڻ آهي. خاص ڪري سارين جي هائبرڊ ٻج جون سنڌ اندر وڌيڪ شڪايتون اچي رهيون آهن ته اهو ڇٽڻ کانپوءِ تمام گهٽ انگورجي رهيو آهي. ايڪڙ لاءِ چار کان پنج ڪلو هائبرڊ ٻج ڪتب آڻڻ باوجود غيرمعياري ٻج سبب آبادگارن کي نقصان ٿي رهيو آهي پر ساڳئي وقت معياري ٻج سان فائدو پڻ ٿي رهيو آهي. آبادگارن ۽ زرعي ماهرن کان هٿ ڪيل ڄاڻ موجب هائبرڊ ٻج جا ٻه وڏا فائدا آهن، جينياتي طور اهو فائديمند آهي، ان جي اپت پڻ عام ٻج کان چاليهه سيڪڙو وڌيڪ آهي. جڏهن ته انهي ٻج جي ناڪاريت اها آهي ته اهو هڪ ڀيرو پوکجڻ بعد انهي مان سڌو سنئون ٻج حاصل ڪري نٿو سگهجي، ڇو ته ان جي پيداواري صلاحيت پنجاهه سيڪڙو گهٽ هوندي آهي، ڪا به جنس پوکي لاءِ ٻيهر ٻج خريد ڪرڻو پوندو جڏهن ته اهو ٻج مخصوص علائقن جي موسمن ۾ پنهنجي صلاحيت تحت پيداوار ڏئي ٿو. هن وقت غيرمعياري ٻج جي وڪري سبب آبادگارن کي نقصان ٿئي پيو، سنڌ اندر نقلي ٻج جي ڀر مار آهي ان ڪري به پيداوار بابت شڪايتون وڌيل آهن. سرڪار پاران ڪا چڪاس نه هجڻ سبب مارڪيٽ ۾ غيرمعياري هائبرڊ ٻج جي فراهمي ٿيڻ سبب آبادگارن کي نقصان ٿي رهيو آهي. زرعي ماهرن موجب سنڌ ۾ ٽنڊو محمد خان کان بدين ضلعن تائين هائبرڊ ٻج ڪتب آندو وڃي ٿو، جڏهن ته اتر سنڌ ۾ وڌيڪ روايتي ٻج استعمال ڪيو ويندو آهي. هوڏانهن ڀينڊين، ڪريلن، تورين، ٽماٽن وغيرهه جا هائبرڊ ٻج به ٻاهران اچن ٿا. هائبرڊ ٻج بابت اهو معلوم ٿيو آهي ته سنڌ ۾ ايندڙ ٻج مدي خارج اچي رهيو آهي، جنهن جي سرڪار پاران درست انداز ۾ چڪاس ڪرڻ بجاءِ رڳو معياري هجڻ جو سرٽيفيڪيٽ جاري ڪيو وڃي ٿو .

اتر سنڌ جي موسم هائبرڊ ٻج لاءِ مناسب ناهي: آبادگار

لاڙ ۾ 90 ۽ اتر سنڌ ۾ رڳو 25 سيڪڙ و هائبرڊ جنسون ٿين ٿيون

سکر: زرعي ماهر ۽ آبادگار بشير احمد مهر جو چوڻ آهي ته سنڌ جي اتر وارن علائقن ۾ هائبرڊ ٻج کي موسم سپورٽ نه ٿي ڪري، ان ڪري هن سال ان جي پوکائي پنجويهه سيڪڙو ٿي آهي، جيڪا گذريل سال ٽيهه سيڪڙو تائين ٿي وئي هئي. هن پنهنجي اخبار کي ٻڌايو ته لوئر سنڌ ۾ نوي سيڪڙو هائبرڊ ٻج جون جنسون پوکيون وڃن ٿيون. هن ٻڌايو ته سارين جي في ايڪڙ لاءِ هائبرڊ ٻج پنج کان ڇهه ڪلو گهربل هوندو آهي، جيڪڏهن زمين زرعي سائنس موجب ٺاهيل هجي ته اسي مڻ في ايڪڙ اپت ٿيندي، هن چيو ته سارين جي هڪ ايڪڙ جي هائبرڊ ٻج تي ساڍا ڇهه هزار رپيا خرچ اچي ٿو، جڏهن ته في ايڪڙ لاءِ روايتي ٻج اڌ مڻ گهربل هوندو، جنهن مان چاليهه مڻ اپت مس ملي ٿي، روايتي ٻج وري 1500 کان ٻه هزار رپين ۾ ملي ٿو. هن چيو ته هيل اپر سنڌ ۾ ماڻهو بناسپتي طرف ويا آهن. هن ٻڌايو ته روايتي ٻج مان في ايڪڙ چاليهه کان سٺ مڻ ۽ هائبرڊ ٻج وسيلي ستر کان اسي مڻ في ايڪڙ اپت حاصل ڪري سگهجي ٿي. ٻئي طرف چيمبر آف ايگريڪلچر جي اڳواڻ غلام حسن چاچڙ چيو ته هائبرڊ جو ٻيهر ٻج نه ٿيڻ ان جو نقصان آهي، باقي هن جي اپت روايتي ٻجن کان وڌيڪ آهي، سرڪار آرگانڪ نرسريون ٺاهي هائبرڊ ٻج ٺاهي سگهي ٿي. پنجاب ۾ ڪوششون ٿيون پين پر سنڌ ۾ ڪا به ڪوشش نه پئي ٿئي، اسان وٽ مدي خارج ٻج پهچڻ ڪري نقصان ٿئي پيو.

1920ع ۾ پهريون ڀيرو هائبرڊ ٻج آمريڪا ۾ متعارف ٿيو * پاڪستان ۾ 90 سيڪڙو ٻج چين مان اچي ٿو* اڪيلي ايف ون هائبرڊ ٻج مان وڌيڪ سلا نڪرن ٿا

سکر: هائبرڊ ٻج جو پهريون تجربو ويهين صديءَ جي ٻئي ڏهاڪي ۾ آمريڪا اندر شروع ڪيو، ٽين ڏهاڪي ۾ مڪئي جو هائبرڊ ٻج وڏي پيماني تي پوکجڻ شروع ٿيو. ان بعد يورپ ۽ ٻين کنڊن ۾ به پهتو. هن ٻج وسيلي جينياتي خوراڪ حاصل ٿيندي آهي. پاڪستان ۾ هن ٻج کي لڳ ڀڳ نوي سيڪڙو چين مان درآمد ڪيو وڃي ٿو. پاڪستان ۾ اڃا تائين ڪو خاص تجربو ڪامياب ناهي ٿيو. سنڌ ۾ بدين اندر چينين پاران هائبرڊ ٻج جي تيارين جون ڪوششون هلندڙ آهن پر اڃا اهي ڪامياب ناهن ٿيون. هائبرڊ کي ايف ون چئبو آهي، جنهن جو مطلب ٻٽي پيدوار آهي، يعني هڪ ٻج مان سلا وڌيڪ نڪرندا آهن.

نوابشاهه جي ڳوٺ ميوو خاصخيلي ۾ ناري کي پراسرار طور گولي لڳي وئي، زخمي

نوابشاهه (ن پ ا) نوابشاهه جي ڳوٺ ميوو خاصخيلي ۾ ناري کي پراسرار طور گولي لڳي وئي، ڳڻتي جوڳي حالت ۾ اسپتال منتقل، ناري مختيار عرف بختاور ميڊيا کي ڪجهه نه ٻڌايو، سندس مامي نذير احمد جتوئي ۽ ڀاءُ شمن خاصخيلي چيو آهي ته ڪپڙا ڌوئڻ دوران ڪمند جي فصل مان ڪنهن نياڻيءَ کي گولي هنئي آهي، پوليس جو چوڻ آهي ته ناري جا مائٽ غلط بياني پيا ڪن، اسان جاچ ڪري رهيا آهيون.

Breaking News
  • صدر اشرف غني ۽ آمريڪي خاص نمائندي زلمي خليل زاد اهڙي قدم جي آجيان ڪئي

  • طالبان ۽ افغان حڪومت عيد الفطر جي موقعي تي ٽن ڏينهن لاءِ جنگ بندي جو اعلان

  • ڪراچي جهاز حادثي جي جاچ ٽيم واقعي واري هنڌ جو دورو ڪري فرانزڪ لاءِ نمونا گڏ ڪري ورتا

  • ڪراچي: عمران اسماعيل کي ڄاڻ ئي نه آهي ته ڪراچي ۽ ڄامشوري ۾ فارنزڪ ليب موجود آهي: صحت واري وزير

  • ڪراچي: گورنر عمران اسماعيل پيش آيل سانحي تي سياست ڪرڻ ۽ بيان بازي کان پاسو ڪري: عذرا پيچوهو

  • ڪراچي: پنجاب مان آيل ٽيم جهاز حادثي بابت جاچ لاءِ آئي آهي، ان جو مڙهن جي سڃاڻپ سان ڪو تعلق نه آهي: صحت واري وزير عذرا پيچوهو

  • لاڙڪاڻو: مراد علي شاهه جي جهاز حادثي بعد امدادي ڪمن ۽ ڪورونا جي صورتحال بابت آگاهي

  • لاڙڪاڻو: پ پ چيئرمين بلاول ڀٽو زرداري ۽ وڏي وزير مراد علي شاهه ۾ فون تي رابطو

  • ڪراچي: شراب جا گتا کولڻ لاءِ ڪورونا وائرس کان بچاءَ بابت احتياطي اپائن لاءِ قاعدا ۽ ضابطا پڻ جوڙيا ويا

  • ڪراچي: نوٽيفڪيشن موجب سنڌ ۾ عيد جي ٽئين ڏهاڙي کان شراب جا گتا کلي ويندا

  • ڪراچي: سنڌ حڪومت صوبي ۾ شراب جا گتا کولڻ جي اجازت ڏئي ڇڏي آهي

  • صوبائي خودمختياري خلاف ڳالهائيندڙن جي دماغ جو مٿيون پاسو خالي آهي: مولا بخش چانڊيو

  • منهنجو دوست شهباز شريف خطري ۾ آهي، کيس مشورو آهي ته نيب ۾ وڃي پيش ٿئي: شيخ رشيد

  • ملڪ جي ننڍن وڏن شهرن ۾ عيد نماز جا اجتماع منعقد ڪيا ويا

  • *مان چاهيان ٿو ته عوام هن ڀيري روايت کان هَٽِي ڪري عيد ملهائَي: وزيراعظم*

منهنجو دوست شهباز شريف خطري ۾ آهي، کيس مشورو آهي ته نيب ۾ وڃي پيش ٿئي: شيخ رشيد

عالمن ڪورونا وائرس کان بچاءُ جي لاءِ بڻايل ايس او پيز تي عمل ڪرايو آهي

راولپنڊي (م ڊ) ريلوي واري وفاقي شيخ رشيد چيو آهي ته منهنجو دوست شهباز شريف خطري ۾ آهي، کيس مشورو آهي ته نيب ۾ وڃي پيش ٿئي. راولپنڊي ۾ عيد نماز ادا ڪرڻ کانپوءِ ميڊيا سان ڳالهائيندي شيخ رشيد چيو آهي ته قوم کي عيد جون مبارڪون هجن، عالم ڪورونا وائرس کان بچاءُ جي لاءِ بڻايل ايس او پيز تي عمل ڪرايو آهي، اسان تي به فرض آهي ته رمضان کان پوءِ مرض جو مقابلو ڪيون. هڪ سوال جي جواب ۾ هن چيو ته چنڊ جو معاملو رويت هلال ڪميٽي جو مسئلو آهي، هن مسئلي تي ڳالهائڻ نٿو چاهيان، اسان صرف چنڊ جي شهادت جي انتظار ۾ هئاسين. شيخ رشيد چيو آهي ته 31 تاريخ تائين ٽرين سروس ائين ئي هلندي، وفاقي وزير جهاز حادثي تي افسوس جو اظهار ڪندي چيو آهي ته جيڪڏهن ڪو به هن حادثي ۾ ذميوار آهي ته ان کي سزا ملندي. شيخ رشيد چيو آهي ته کنڊ کان اٽي وارن جو به گهيرو تنگ ٿيڻ پيو وڃي..

سنڌ ۾ ڪورونا جا 846 نوان ڪيس ظاهر ٿيڻ بعد صوبي ۾ وائرس سٽيلن جو انگ وڌي 22 هزار 491 ٿي ويو

عيد جي ڏينهن ڪورونا جي رپورٽ جاري ڪرڻ نه پئي چاهيو: وڏو وزير
ڪراچي ۾ 703، لاڙڪاڻو ۾ 24، گهوٽڪيءَ ۾ 12، ٽنڊو الهيار ۾ 10 ڪيسز رپورٽ ٿيا آهن

ڪراچي (اسٽاف رپورٽر) سنڌ ۾ ڪورونا جا 846 نوان ڪيس ظاهر ٿيڻ بعد صوبي ۾ وائرس سٽيلن جو انگ وڌي 22 هزار 491 ٿي ويو ۽ وڌيڪ 13 مريض فوت ٿي ويا، وڏي وزير چيو آهي ته عيد جي ڏينهن ڪورونا جي رپورٽ جاري ڪرڻ نه پئي چاهيو، پر عوام کي ڪورونا کان آگاهه رکڻو هو، ڪورونا جي ڪيسز ۾ واڌ اسان جي بي احتياطي جو نتيجو آهي. سيد مراد علي شاهه چيو آهي ته ڪراچي ۾ 703، لاڙڪاڻو ۾ 24، گهوٽڪيءَ ۾ 12، ٽنڊو الهيار ۾ 10 ۽ حيدرآباد ۾ 9 ڪيسز رپورٽ ٿيا آهن. وڏي وزير چيو آهي ته سانگهڙ ۾ 8، قمبر شهدادڪوٽ ۽ جيڪب آباد ۾ 7-7 نوان ڪيس ظاهر ٿيا، ٺٽو ۾ 4، بدين ۽ ڄامشورو ۾ وڌيڪ 2 ڄڻا وائرس جو شڪار ٿيا آهن. وڏي وزير چيو آهي ته ميرپور خاص ۽ ٽنڊو محمد خان ۾ وڌيڪ هڪ، هڪ نئون ڪيس ظاهر ٿيو آهي. سيد مراد علي شاهه چيو آهي ته گذريل 24 ڪلاڪن ۾ 13 مريضن فوت ٿي ويا ۽ 156 مريضن جي حالت ڳڻتي جوڳي آهي، جن مان 34 مريض وينٽي ليٽرز تي آهن. وڏي وزير چيو آهي ته هن وقت 22 هزار 491 مريض علاج هيٺ آهن، اڄ وڌيڪ 146 مريض صحتياب ٿي گهرن ڏانهن روانا ٿي ويا. وڏي وزير مراد علي شاهه وڊيو بيان ۾ چيو آهي ته عيد جي ڏينهن ڪورونا جي رپورٽ جاري ڪرڻ نه پئي چاهيم، پر عوام کي ڪورونا کان آگاهه رکڻو هو، ڪورونا جي ڪيسز ۾ واڌ اسان جي بي احتياطي جو نتيجو آهي. وڏي وزير چيو آهي ته جهاز حادثي ۾ شهيد ٿيلن جي پونئيرن سان غم ۾ شريڪ آهيان، جيڪي ماڻهو حادثي سبب بي گهر ٿيا آهن مون کي انهن جو به احساس آهي، الله پاڪ اسان سڀني تي رحم فرماءِ ۽ تڪليفن کان نجات ڏيئي.

صوبائي خودمختياري خلاف ڳالهائيندڙن جي دماغ جو مٿيون پاسو خالي آهي: مولا بخش چانڊيو

سنڌ سان پيار نه ڪرڻ، اصل ۾ پاڪستان سان پيار نه ڪرڻ آهي: پ پ اڳواڻ

پ پ اڳواڻ مولابخش چانڊيو

پ پ اڳواڻ مولابخش چانڊيو

حيدرآباد (ن پ ا) پ پ سينيٽر مولا بخش چانڊيو چيو آهي ته صوبائي خودمختياري خلاف ڳالهائيندڙن جي دماغ جو مٿيون پاسو خالي آهي، سنڌ سان پيار نه ڪرڻ، اصل ۾ پاڪستان سان پيار نه ڪرڻ آهي. حيدرآباد ۾ صحافين سان ڳالهائيندي مولا بخش چانڊيو چيو ته پي ٽي آءِ جا وزير هر مامري ۾ صوبائي خودمختياري کي گهليندا آهن، 18هين ترميم ختم ڪرڻ جون ڳالهيون ڪندڙ احمقن جي دنيا ۾ رهن ٿا. مولا بخش چانڊيو چيو ته ڪراچي جهاز حادثي جي اڻڌري جاچ ٿيڻ کپي، وفاق کي صوبن سان برابري وارو سلوڪ ڪرڻ گهرجي.

لاڙڪاڻو: پ پ چيئرمين بلاول ڀٽو زرداري ۽ وڏي وزير مراد علي شاهه ۾ فون تي رابطو

مراد علي شاهه جي جهاز حادثي بعد امدادي ڪمن ۽ ڪورونا جي صورتحال بابت آگاهي
بلاول ڀٽو زردار طرفان ٻارن ۾ ڪورونا تيزي سان پکڙجڻ تي ڳڻتي جو اظهار

لاڙڪاڻو (بيورو رپورٽ) وڏي وزير سيد مراد علي شاهه، پ پ چيئرمين سان ٽيليفون تي رابطو ڪري صوبي ۾ ڪورونا جي صورتحال ۽ جهاز حادثي جي فوتين جا مڙهه وارثن حوالي ڪرڻ ۽ زخمين جي علاج بابت آگاهي ڏني. پ پ چيئرمين بلاول ڀٽو زرداري ۽ وڏي وزير سيد مراد علي شاهه وچ ۾ فون تي رابطو ٿيو. وڏي وزير سيد مراد علي شاهه، بلاول ڀٽو کي صوبي ۾ ڪورونا جي صورتحال بابت آگاهي ڏني. وڏي وزير، پ پ چيئرمين کي جهاز حادثي بعد فوتين جا مڙهه وارثن حوالي ڪرڻ ۽ زخمين جي علاج بابت به بريفنگ ڏني. پ پ چيئرمين بلاول ڀٽو زرداري جو چوڻ هو ته جهاز حادثي سبب ملڪ ۾ سوڳ واري صورتحال آهي. بلاول ڀٽو زرداري ٻارن ۾ تيزي سان ڪورونا پکڙجڻ تي ڳڻتي جو اظهار ڪندي چيو ته عوام احتياط نه ڪندو ته وبا خراب صورتحال اختيار ڪري سگهي ٿي. هن چيو ته سنڌ جي صحت کاتي عوام جون زندگيون بچائڻ لاءِ اهم قدم کنيا آهن. پ پ چيئرمين بلاول ڀٽو زرداري چيو ته ملڪ جي ٻين حصن مان علاج لاءِ سنڌ اچڻ صوبي جي صحت واري نظام تي اعتماد جو ثبوت آهي.

لکي غلام شاهه ڀرسان معصوم ٻالڪ قبيلائي تڪرار تان گولين جو کاڄ بڻجي ويو

لکي غلام شاهه (ن پ ا) لکي غلام شاهه ڀرسان عيد نماز پڙهي خوشي مان ٽپا ڏيندي گهر ويندڙ معصوم ٻالڪ قبيلائي تڪرار تان گولين جو کاڄ بڻجي ويو، معصوم جو لاش گهر پهچڻ تي ڪهرام مچي ويو. رڪ ڳوٺ اسٽاپ تي هٿياربندن جي فائرنگ ۾ 15 ورهين جو نينگر رحمان جمالي مارجي ويو ۽ امير بخش خروس زخمي ٿي پيو. پوليس ٻن هٿياربندن کي موقعي تي ئي هٿيارن سميت گرفتار ڪري ٿاڻي منتقل ڪري ڇڏيو. پوليس موجب خروس برادري جي ٻن ڌرين ۾ جهيڙي تان واقعو پيش آيو آهي. مقتول نينگر جو لاش ضروري ڪارروائي کانپوءِ وارثن حوالي ڪيو ويو، معصوم جو مڙهه گهر پهچڻ تي ڪهرام مچي ويو.

ڪراچي جهاز حادثي جي جاچ ٽيم واقعي واري هنڌ جو دورو ڪري فرانزڪ لاءِ نمونا گڏ ڪري ورتا

رينجرز جهاز حادثي ۾ هٿ آيل سامان پي آءِ اي اختيارين حوالي ڪري ڇڏيو
قانون لاڳو ڪندڙ ادارن حادثي واري هنڌ کي مڪمل طور تي سيل ڪري رکيو آهي

ڪراچي (رپورٽر) ڪراچي جهاز حادثي جي جاچ ٽيم واقعي واري هنڌ جو دورو ڪري فرانزڪ لاءِ نمونا گڏ ڪري ورتا، جڏهن ته رينجرز جهاز حادثي ۾ هٿ آيل سامان پي آءِ اي اختيارين حوالي ڪري ڇڏيو آهي. ڪراچي ۾ جهاز حادثي جي ٽئين ڏينهن عيد الفطر جي ڏهاڙِي تي سول ايويشن جي اسلام آباد کان آيل جاچ ٽيم واقعي واري هنڌ جو دورو ڪيو. جاچ ٽيم فرانزڪ لاءِ حادثي واري هنڌ تان نمونا گڏ ڪيا ۽ جهاز جا مختلف حصا به الڳ ڪيا. فرانزڪ ٽيم طرفان نمونا گڏ ڪرڻ بعد حادثي واري هنڌ تان جهاز حادثي جي ملبي کي هٽايو پيو وڃي، ان سان گڏ جاچ جو ڪم ۽ ثبوتن کي به محفوظ ڪيو پيو وڃي. قانون لاڳو ڪندڙ ادارن حادثي واري هنڌ کي مڪمل طور تي سيل ڪري رکيو آهي. ٻئي پاسي رينجرز اختيارين حادثي جو شڪار ٿيل جهاز جي ملبي مان هٿ آيل قيمتي سامان پي آءِ اي حوالي ڪري ڇڏيو آهي . جنهن ۾ 3 ڪروڙ 24 هزار 3 سئو روپيا سڙيل پاڪستاني ڪرنسي جڏهن ته 16 لک 67 هزار 692 روپيا روڪ پاڪستاني ڪرنسي، 70 پائونڊ ۽ 625 ڊالرز پرڏيهي ڪرنسي شامل آهي.

سيراڻي ۽ ڀرپاسي منشيات جو سرِ عام وڪرو، ڪچي شراب جون 20 کان وڌيڪ بٺيون هلندڙ

شهر جي مختلف علائقن ۾ مانڊڻين، بس اسٽاپن، ڳوٺن ۾ گٽڪو، مين پڙي، ٺرو وڪرو ٿيڻ باوجود پوليس خاموش
اڪثر نوجوان والدين جو الهه تلهه وڪڻي ڇڏيو، شام وقت شراب پي شهر ۾ شريفن کي تنگ ڪرڻ روز جو معمول بڻيل

سيراڻي(رپورٽ: شاهنواز چاوڙو) لاڪ ڊائون سبب سيراڻي شهر ۽ ڀرپاسي جي علائقن ۾ منشيات فروشن کي ڇوٽ مليل آهي، جنهن سبب سيراڻي شهر جي مانڊڻين، بس اسٽاپن ۽ ٻهراڙي جي ڳوٺن ۾ گٽڪو، مين پڙي، سفينا، رتنا، زعفراني، هٽ سميت نشي آور شيون سرعام هلڻ لڳيون آهن. سيراڻي جي ڳوٺن ۾ پڻ خطرناڪ ڪيميڪل سان تيار ٿيندڙ انساني جان لاءِ هاڃيڪار ڪچي شراب جون 20هن کان مٿي بٺيون هلي رهيون آهن، جنهن سبب علائقي جو نوجوان نسل تباهي جي ڪناري تي پهچي ويو آهي. ڪچو شراب واپرائيندڙ نوجوانن ڪچو شراب وٺڻ لاءِ زرعي زمينون ۽ گهر جا ٽپڙٽاڙي وڪڻي مائٽن کي ڪنگال ڪري ڇڏيو آهي. نوجوانن پاران شراب پي مائٽن سان جهيڙا ڪرڻ روز جو معمول بڻجي ويا آهن. ڪچو شراب واپرائيندڙ نوجوان نسل کي ڪيتريون ئي خطرناڪ بيماريون لڳي ويون آهن. سيراڻي شهر ۾ شام جي وقت نوجوان ڪچو شراب پي نشي ۾ ڌت ٿي شريف شهرين کي گارگند ۽ تنگ ڪندا آهن. شراب واپرائيندڙ ۽ وڪرو ڪندڙن کي نوجوان جا مائٽ پٽون پاراتا ڏيندي نظر اچن ٿا.

شاگرد به گٽڪو واپرائڻ لڳا، ڪتابن جا پيسا نشي تي خرچ ڪريو ڇڏين

سيراڻي: گٽڪو سرعام هلڻ سبب ننڍي ٻارڙن سميت اسڪول ۾ پڙهندڙ شاگرد به گٽڪي جا عادي بڻجي ويا آهن. اسڪولي شاگردن کي والدين پاران ڪتاب خريد ڪرڻ جي لاءِ پيسا ڏنا وڃن ٿا، جن مان اهي گٽڪا ۽ ٻيون نشي آور شيون وٺي وٺي واپرائين ٿا. گٽڪو واپرائيندڙ نوجوان نسل مختلف خطرناڪ بيمارين جي ورچڙهي ويو آهي جنهن ۾ وات جو نه کلڻ،ساھ جي تڪليف ۽ سميت ٻيون خطرناڪ بيماريون علائقي ۾ عام ٿي ويون آهن.

ڪچي شراب ۾ مال کي لڳندڙ سئي استعمال ٿيڻ جو انڪشاف

يوريا ڀاڻ، پراڻي ڳڙ، ٻٻر جي ڇوڏن ۽ ٻئي هاڃيڪار ڪيميڪل سان ٺرو تيار ٿئي ٿو
منشيات فروش گرفتار ٿين ٿا پر آزاد ٿيو وڃن، پوليس پيسن عيوض خاموش آهي: رهواسي

سيراڻي: ڪچو شراب زهريلي ڪيميڪل، پراڻو بدبودار ڳڙ، ٻٻر جا ڇوڏا، يوريا ڀاڻ، ڇوڏي ۽ چوپائي مال کي کير لاهڻ واري انجيڪشن اوڪسي ٽوسن، ايٽي ون ۽ ٻئي خطرناڪ ڪيميڪل سان تيار ڪيو ويندو آهي، جنهن ڪري ڪچو شراب واپرائيندڙ نوجوان نسل کي ڪيتريون ئي خطرناڪ بيماريون لڳي ويون آهن. ذريعن کان معلوم ٿيو آهي ته سيراڻي شهر ۾ ڪچو شراب هلائيندڙ ڪيترائي ڀيرا گرفتار ٿيا آهن پر ڏيتي ليتي بعد آزاد ٿي وڃن ٿا ۽ ٻيهر منشيات هلائڻ لڳن ٿا. هتان جي شهرين ۾ محبوب علي،علي نواز،ربڏنو، ۽ ٻين ”پنهنجي اخبار“ سان ڳالهائيندي چيو ته منشيات فروش سيراڻي پوليس کي ڳريون رشوتون ڏئي خاموش بڻائي ڇڏيو آهي. نوجوان نسل تباھ ٿي رهيو آهي، اسان آءِ جي سنڌ، ڊي آءِ جي حيدرآباد، ايس ايس پي بدين ۽ ٻين وس وارن کان گهر ٿا ڪريون ته سيراڻي شهر ۾ منشيات بند ڪرائي نوجوان نسل کي تباھي کان بچايو وڃي نه ته اسان سخت احتجاج ڪنداسين.

دال مرغي برابر : 340 رپيا ڪلو ٿي وئي

مڱن جي ڌوتل ۽ سائي دال جو اگهه وڌي 340 رپين تي پهتو

ڪراچي ( ڪامرس ڊيسڪ ) ڪراچي ۾ دال مرغي کان مهانگي، ان ڏس ۾ ڪراچي جي ريزڪي مارڪيٽ ۾ مڱن جي ڌوتل دال توڙي سائي دال جو اگهه وڌي 340 رپيا في ڪو تي پهچي ويو ، واضح رهي ته رمضان جي شروعات ۾ دال جو اگهه 290 رپيا ڪلو هو ، جنهن ۾ 50 رپيا اضافو ٿيو آهي

سون 104500 ۽ ڊالر 162 رپين تي بيٺل

ڪراچي ( ڪامرس ڊيسڪ )سون لاڳيتو 104500 رپيا في تولو ۽ ڊالر 162 رپين تي بيٺل، رڳو چاندي 12 رپيا مهانگي ٿي وئي، ان ڏس ۾ عيد جي موڪلن سبب ڪراچي جي صرافه بازار ۽ اسٽاڪ ايڪسچينج بند رهيون، شهر ۾ سون جو اگهه لاڳيتو 104500 رپيا في تولو رهيو،جڏهن ته ڊالر 162 رپين تي بيٺل رهيو، ٻئي طرف چاندي 1023 مان وڌي 1035 رپيا تو لو تي پهچي وئي

“ارطغرل غازي” جي سموري ڪاسٽ جهاز حادثي تي ڏکاري افسوس جو اظهار

اداڪارا ڪلثوم علي پاڪستاني جهنڊي جي تصوير شيئر ڪري ڏک جو اظهار ڪيو
ارطغرل غازي جي ڪاسٽ طرفان پي ٽي وي جي ٽوئٽر اڪائونٽ ذريعي تعزيتي پيغام ڏنو ويو

ڪراچي (انٽرٽينمينٽ ڊيسڪ) ڪراچي ۾ ٿيل جهاز حادثي تي ترڪش فنڪارن به افسوس جو اظهار ڪندي پاڪستاني قوم سان همدردي جو اظهار ڪيو آهي پي ٽي وي تي نشر ٿيل ڊرامي ارطغرل غازي جي اداڪارا ڪلثوم علي به ڏک جو اظهار ڪيو اداڪارا انسٽاگرام تي پاڪستاني جهنڊي جي تصوير شيئر ڪئي ۽ چيو ته مونکي جهاز حادثي ۾ حياتيون ضايع ٿيڻ تي افسوس ٿيو مونکي اندازو آهي ته هن وقت منهنجا لفظ پورائو نٿا ڪري سگهن پر مان ٻڌائڻ چاهيان ٿي ته هن ڏکئي وقت ۾ اسان اوهان جو ئي سوچي رهيا آهيون هن چيو ته اسان جون همدرديون اوهان سان گڏ آهن ۽ منهنجي دل ۽ منهنجون دعائون سڀني پاڪستانين سان گڏ آهن هوڏانهن پي ٽي وي جي اڪائونٽ تي ٽوئيٽ ذريعي ٻڌايو ويو ته هن ڏکئي وقت ۾ “ارطغرل غازي” جي سموري ڪاسٽ پاڪستان جي عوام سان گڏ آهي ٽوئيٽ ۾ ڌيڪ چيو ويو ته ڊرامي جي ڪاسٽ ڪراچي ۾ ٿيل المناڪ حادثي تي تعزيت ڪري ٿي ٽوئيٽ ۾ اداڪار ڪيوٽ سيٽن گيونر طرفان هڪ خاص پيغام شيئر ڪيو ويو جيڪو هن ڊرامي ۾ دوگن ايلپ جو ڪردار نڀائي رهيو آهي پيغام ۾ هن لکيو ته مونکي ڪراچي ۾ ٿيل جهاز حادثي جي خبر ٻڌي بي حد ڏک ٿيو

صالح پٽ ۾ هڪ وڌيڪ ڪورونا ڪيس ظاهر، انگ 4 ٿي ويو

صالح پٽ (ن پ الف)۾ ڪورونا جو هڪ وڌيڪ ڪيس پازيٽو اچي ويو، انگ وڌي چار ٿي ويو، هندو محلا جي رهواسي عورت زوجه تاراچند کي ڪورونا جي تصديق کانپوء آئسوليٽ ڪيو ويو آهي، سندس مڙس کي اڳم ئي ڪورونا ۾ مبتلا هجڻ ڪري آئسوليٽ ڪيو ويو.

حادثي ۾ فنڪار واحد لاشاري جو ڀاڻج ليفٽيننٽ بالاچ بگٽي به شهيد

ملير: جهاز حادثي ۾ نالي واري راڳي واحد لاشاري ۽ حنيف لاشاري جو ڀاڻج ليفٽيننٽ بالاچ بگٽي پڻ اجل جو شڪار ٿي ويو آهي. بالاچ بگٽي مئٽرڪ جيڪب آباد مان ڪرڻ بعد انٽر ڪيڊٽ ڪاليج اسٽيل ٽائون مان ڪيو ۽ 2 سال اڳ پاڪستان آرمي مان ڪميشن پاس ڪري سيڪنڊ ليفٽيننٽ طور ڀرتي ٿيو هو. جيڪو بحريا ٽائون ملير جو رهائشي ۽ اصل جيڪب آباد جو رهواسي هو. ڪجھه وقت اڳ پروموشن ٿيڻ بعد 50 ايس اين ٽي لاهور ۾ ڪيپٽن مقرر ٿيو. بالاچ بگٽي چئن ڀائرن ۾ سڀ کان وڏو هو، سندس مڱڻي ڪجھه وقت بعد ٿيڻي هئي. سندس ننڍو ڀاءُ شھڪ بگٽي پڻ تازو ڪميشن ڪري سيڪنڊ ليفٽيننٽ سليڪٽ ٿيو آھي، جڏھن ته ٻه ننڍا ڀائر تعليم پرائي رهيا آھن. بالاچ بگٽي عيد جي موڪلن تي گهر اچي رهيو هو ته جهاز حادثي جو شڪار ٿيو. واقعي جي خبر بعد سندس گهر ۾ ماتم جي صورتحال آھي. ٻئي پاسي ڪور ڪمانڊر ڪراچي ليفٽيننٽ جنرل همايون عزيز حادثي واري هنڌ جو دورو ڪري امدادي ڪمن جو جائزو ورتو.

فورم ۾ توهان به مختلف مسئلن يا موضوعن تي بحث ۾ حصو وٺي
سگهو ٿا.

منھنجي خبر

هاڻ رڳو صحافي نه پر توهان به پنهنجي علائقي جا مسئلا اجاگر ڪري سگهو ٿا، جنهن لاءِ خبرون، تصويرون ۽ فوٽيجز هن نمبر 03022610318 تي واٽس ايپ ڪريو.

ٽنڊوغلام حيدر: باهه سبب 12 گهر سڙي رک ٿي ويا

April 9, 2019

رپڙي: گرلس اسڪول ۾ ماسترياڻيون مقرر نه ٿيون!

April 2, 2019

اڄ جي تصوير

مضمون

وبا ۽ حادثن ۾آيل عيد

ايڊيٽوريل

ڇا هوائي حادثا رڳو حادثا هوندا آهن؟

نصير ميمڻ

هوائي حادثو، عيد ۽ ڪورونا

ڊاڪٽر بخت جمال شيخ

فل فراءِ جي موسم !

حيدر ملاح

ڪورونا ،سڀڪجهه داءُ تي آهي

علي حسن

هر حادثو لکئي جو ليک ، ذميوار آجا

امداد سولنگي